TITUS 1:10 - Allah Wene Fano Wene Hupla Inane

¹⁰ It afuni ekhe hokhorogoat ebe wene hologo higithogo hilingiti'lek hilingiri'lagwi andi. A'nogo hilingiri'lagwi andi, inebe hokhokwe re, it Yahudi inagap inenggalimo mene palek mene, fano wene wanhukwasigenat he, hobuk ebe wene le'maat, we, tulemat afuni inawene mene ikhi logolik, it ekhe lalinabi'lagwi andi.

TITUS 1:10 Referans Kwoze

1 TIMOTIUS 1:6

Menere, it ekhe nen inobabut fano hilingitarek andi mene hilingiti lagaikharesigen herakfisaluk kwanirogo tulemat lek asigin mene andiat hilingiti logolik, inonggwaregenat nong akhili'lagwi andi.

1 YOHANES 4:1

Nerugwi nagaila'lak. Nendawilage. Afuni inebe hokhorogoaren he, ”Niren Allah ane yagahisikhi lago,” iluk ineranen ili'lagwi mene inebe arat weinam agaikhasik, o yi awi ti awi nikho andi nen he, ekhe hinoba we'luk, wene yagahisugunem, hiren he, ”Allah Areagun endawimo logolik yaganisili'logo,” iluk hinendawinggen inoba himbiret fugubo. Athe, ”Eberogoat Allah Areagun endawimo logolik ili'logo a? Hunogo mene endawimo logolik yaganisili'logo a,” iluk inobabut tak palimbigen, inebe futfisikhi logoino o.

GALATIA 2:4

A'nogo meneat he, it ekhe meneat he, ninagaila'lak Allah againafuri mene hak hilinglagaukwasik hinagaisogo kwi wagaukwasik he, agap enggalimo mene paluageluk isukwaat. A'nogo hinagaisogo kwi wagaukwasik he, nit Kristus ninom misigat a'luk ninale'ma logolik ninobabut hilingitorek mene andi, iren he, ”Ero ninggi'nogo nen hilingiri'lagwi,” iluk ero herasuogeluk kwi wagaukwa andi. A'nogo herakfuluk inawe a'ma ninobagasukwasik it hilingitarek mene andi hilingiti logouwageluk ineilenggen nisa kwi wagaukwa andi.

EFESUS 4:14

A'nogo hilingiti logolik, ninobabut yenggerugwi inobabut sogoien i ha'labu funhogo lagik-wagik hilingitarek andi hak, nit a'nogo hilingiti logouwagen iluk, it afuni ekhe inobabut lagoksek mene nen ineranen meneat he, eberogoat hangge lalninabuogeluk, wene hunogo wene hobugalep yaganisa weri'lagwi andi inane holugun lek.

YAKOBUS 1:26

Nen, sa nen, ”An Allah awe a'ma logolik higithogo hilingiti lagi,” iluk anggikhi logoligat he, ane elugun ware'lek hesangge-pesangge ikherek halok, onggwaregen lalikhi logolik, Allah endawimo fanorogo hilingiti lagi iluk, we tulemat hilingiri'logo o.

2 TIMOTIUS 3:13

Weagetninafu kwelegat, it ekhe weak hilingiti logolik lalinabi'lagwi mene andi, it ekhe nen lalinafunem, iren onggo-onggo lalinafigat ikhi logolik, weak arik-arigat hokhorogo weak asugun andi.

KISAH PARA RASUL 11:2

A'nogo holhukwasik were'ma nen, at Petrus ebe hobuk Yerusalem pugunem he, it afuni inagap inenggalimo mene palek logolik inendawinggen Yesus oba himbiret fesukwa mene omanogo nen wenagetukwa.

WAHYU 2:14

A'nogo meneat he, wene endebat ekhe an nabit mene hilingiti lagep mene andi yagahisago. Fageat afuni Israel mene inebe weak asuageluk, wam tugwi anggo warek mene kurik ninggik, pailak fakfisigik, uageluk, ap Bileam en Balak yagatikhemo, aren inendawimo kagalhi lagaikhe mene andi, hit ekhe at awene andi fisogo welagep higi.

WAHYU 2:6

A'nogo meneat he, it ekhe ap Nikolaus obabut waganogo hilingitunem, an nen nabiret fisigirek hak, hiren ogo hinabiret fisikhi lagep andi nek he, fano o.

1 YOHANES 2:18

Nagainafuri e. O yogondak he, wurep oba welago o. Afuni ekhe nen he, ”Hobuk ap ekhe Kristus inom weim palek mene wesigin,” iluk yagahisasukwama, hinesanggo holhigip andi hak, o yogondak he, Kristus inom selei mene inebe hokhorogo arat weinam agaikhasik werek andi nen he, niren, ”O yogondak eberogoat wurep oba welago,” iluk ninendawinggen wenggelfuluk futfikhi lago.

2 TIMOTIUS 4:4

It andi ebe wene andi ugunem inesanggo to'motfuluk, suetninung pilingitarek wene andi pilingitunem enek he, inesanggo langhogo holhi logogun andi.

1 TIMOTIUS 1:4

It andi nen he, suetninung ineranen kagalogo pilingitik, Ninebe a'nogo ta'larik wagagu, iluk wene komo wene eroba nen palfigi'legat pilingirik mondok lagik, ili'lagwi andi meneba inendawinggen eberek mondok logoinogo nen he, igi'lek herakfisoageluk komorinabino aro,” iluk yagahetigi anggigi. Wene andi mene ugunem, ebe wene ninendawinggen Allah oba himbiret fuluk were'ma, aren fanotninabigin andi mene hokhorogo agarek lego. We, wurep oba inane hokhoat sagalharek andi.

GALATIA 3:1

Hit afuni o Galatia mene hinendawinggen lek hilingiti lagep andi ri! Yesus Kristus ebe eba menfuluk watukwa wene a'nogo hineilhanemat furogo yagahisasugu meneat he, wene hobuk sa nen hinendawimo kagalhemo a'nogo hilingiti lagep.

KISAH PARA RASUL 20:29

Mene re, mene olo mene aik anini weak mene nen wam herakfigi'lek mondok ninggerek andi hak, an nebe lamo nen, it ekhe nen Allah againafuri hiren kwelaginarek welagep mene andi weagerinabi kwi wesugun mene werego, iluk an nelu.

KISAH PARA RASUL 15:1

Ap ekhe o Yudea nen o Antiokhia wagaukwasik he, Allah againafuri andoma mene wene mel iluk yagaisasukwa: ”Hit he, wene Musa nen, yi'nogo ti'nogo hilingiti logogun iluk yaganisasikhe wene andi higithogo re, hinagap hinenggalimo mene palhinafi'lek halok he, hinebe Allah nen telhinabigin lego,” iluk yagaisasukwa.

KISAH PARA RASUL 15:24

Ap nit mene ekhe hit hinoba wagaikhasik he, niren, wene yi'nogo yagaisa lani, iluk lakfisa wagi'lek meneat he, iren hit yagahisikhi logolik, hinendawimo weaget hinafik, nonget hinafik, aga o, iluk afuni nen agama ninesanggo holho o.

1 TIMOTIUS 1:9

Eberogoat he, wene Allah nen komotninafikhe wene andi, afuni higithogo hilingitarek mene faget isikhe fuk. We, afuni komore'lek inesanggo holhi'lek hilingitarek mene inom, Allah inabit logolik weak hilingitarek mene inom, inebe Allah faget fisigi'lek Allah ane sebelogo hilingitarek mene inom, ineisena inagaisalak inebe mondok inoatarek mene inom, afuni ekhe hesanggeat inebe mondok inoatarek mene inom,

TITUS 1:6

Afuni Allah againafuri ekhe kwelaginarek logouwageluk menfisogoin andi re, inobabut he, yi hangge mene menfisogoin. Afuni ekhe nen, ”At weak,” iluk wene oba fili'lagwi lek mene halok, agwe misigat waganek mene halok, againafuri inendawinggen Allah oba himbirik welagaikharek mene halok, it ekhe nen ikhi logolik, ”Ap yi againafuri komorinabi'logo lek hesanggeat hilingiri'lagwi andi ninabit,” iluk, abok pali'lagwi lek mene halok, menfisogoino.

1 YOHANES 2:4

Mene re, sa nen, ”An he, Allah ebe nelu,” iluk ikhi logoligat he, aren wene komotninaferek wene andi hologo higithogo hilingiti'lek halok he, at eranenat ikherek andi. Halok he, ebe wene andi endawimo mondok lego.

MATIUS 23:14

Hit ap Allah ane lisu palek eisewerek mene inom, Farisi mene inom, hinagap oba nek fano logolik hinendawinggen pire mene yi ri! Allah nen weagethinabigin o. Hit he, hemi sogwe mene inawi wurik inom, inagarek inom, sebelikhi logoligat he, afuni nen, inesanggo holiluk, it fano anggoageluk samban uan-awan lithilik laga lagep a'nogo hilingiti'lek logoilepma re, Allah nen wene endebat hinoba feilepsik logoilep. Mene re, a'nogo hilingiti lagep andi nen he, wene enggin mene hinoba fembik weagethinabigin o.