RUT 4:11 - Allah Wene Fano Wene Hupla Inane

¹¹ A'nogo yagaisasikhemo, inogogwi kaindek omanogo inom, it ekhe leget pa'leget kwe ambe pale'ma andoma welagaukwa mene inom, inomen he, mel yagatukwa: ”Elok. Nit nineilhanem egendi'mo re, ninendawimo eberek logogun o. Nineisena Tuhan nen, he Rakhel inom, Lea inom fanorinafikhemo ineagwi Yakub againafuri hokhorogo taginafukwa andi hak, Aren hat hagwe andi fanotfoumo, eagwi hokhorogo taginabuagaro. Hat hebe afuni Efrata mene inanggele'ma henggi werek enek logolik, o Betlehem yoma nen inelu mondok logouwak.

RUT 4:11 Referans Kwoze

KEJADIAN 29:32

A'nogo isikhemo, at Lea omalik a'ma agaikhesik, eak ap takhasikhe. A'nogo takhasikhesik mel isikhe: ”Neisena Tuhan an weak welagi mene eilenggen niikhesik neak wo'netemo takhigi andiba nagun endawi neagain o,” iluk isikhesik, eak andi enu Ruben salhikhe.

MATIUS 2:6

’Hit afuni o Yudea tonggwe o sili hokho mene enu Betlehem welagep mene yi sani! O sili fenakwe yoma enu werek, hilingik kwelegat he, o Betlehem yi nek he, enu lek, esanggoma hak, iluk ugun lego. An nagainafuri Israel mene ap kain mene awe a'ma logogun andi, o sili hit were'ma yoma hinanggele'ma nenat ta'lasigin o,’ iluk lisu palogo fesikhemo werego,” isukwa.

MIKHA 5:2

Tuhan nen hobuk a'nogo hilinginabigin iluk, yogondak we elama ya it ninaselei mene nen fetninarek logolik yaganisikhi logouwageluk ninobagaikhemo logogun andi. A'nogo fetninarek logolik werek kwelek at raja andi agaisa nen tasigin iluk Allah nen anggasikhe higithogo ta'lagu halok, afuni at unggulenu mene hele warogo woginarek lagaukwa mene andoma re hobuk it inunggulenu Israel mene inom sebesi wesugun.

MAZMUR 132:6

Nit ninebe Betlehem logolik, Peti Wene Warogo wo'ninafigin iluk hilingik mene andi abok ugunem ninesanggo holhugu. Hobuk o Yaar leimo andoma were'ma niren wanhugu andi.

ULANGAN 25:9

he at oe agwe sogwe a'nogo agun agot oba horokhogo lambik, ap kaindek o kota mene omanogo ineilhanemat ap a'nogo eisok sandal ugu mene nonggol fuluk he, elokhonggen oba wesi suphogo lakfikhi logolik, mel yagasugun: Ap ekhe oe obali'mo tasu abiren nabit ikhe halok he, yi'nogo hilingitorego, iluk, komoti logogun.

AMSAL 14:1

He obabut hebelek mene nen he awilokwe agauwak fanorogo halogo fikherek, oba nen he endawi morue mene nen he onggwaregen weak peakhogo fikherek.

KEJADIAN 23:10

A'nogo isukwa andem oba, at Efron ebe re it Het inap a'nogo inom o kota kwe ambe pale'ma andoma afuni kabogetarek oba hurek welagaikhe. Hurek logolik afuni andoma welagaukwa mene omanogo ineilhanem aren onggo ikhi logolik,

KEJADIAN 29:25

Ohealekwe nen, at Yakub eilenggen Lea hasikhesik he, endawimo nen he, ”Laban a'logo Lea wo'netemo higi,” iluk elu agaikhesik Laban oba lagaikhesik he, mel yagatikhe: ”An heak a'nogo lalnafen andi nenahalok. An ha'logo Rahel wo'ne'nogeluk heabu wokheti lagi a'nogo re. Heak nenahalok lalnafen,” iluk yagatikhe.

AMSAL 31:23

At he andi agun he, ap kain enuwerek mene. Ap kaindek pemerintah o kota andoma welagaikharek mene ekhe re, he andi agun andiat.

KEJADIAN 29:16

At Laban a'logomi inebe pire welagaukwa. A'logo manggusa mene re, enu Lea, nen ombo'ne mene enu re, Rahel.

KEJADIAN 35:23

At he Lea eagwi re Ruben Yakub amlogo manggusa mene inom Zebulon inom taginafikhe.

KEJADIAN 35:24

Rahel eagwi re Yusuf inom Benyamin inom taginafikhe.

ULANGAN 25:7

A'nogo meneat he, ap agot andi nen, he oe nen sogwe fikhe mene andi wanigin abit halok he, he andi kaindek o kota andoma mene inoba lambik he, mel yagaisogoin: An nagun agoren he, an nebe wo'nabimbik, at oe obali'mo omalik ekhe tasumo aren tagongge mene unggulenu afuni Israel meneat logouwagaluk, an wo'nabu meneat he abiren heraknobagaikhemo wagi o,

1RAJA-RAJA 21:8

A'nogo yagatikhesik, surat at Ahab enuba palogo cap at raja Ahab mene fesikhesik he, afuni o Yizreel mene inogogwi inom, inaluendek inom, inoba lakfilik lagaikhe.

1 TAWARIKH 2:51

Amlogo pirenek mene re Salma o kota Betlehem wutikhe agun a'nogo, nen, amlogo henaganek mene re enu Haref o kota Bet-Gader wutikhe agun.