RATAPAN 1:3 - Allah Wene Fano Wene Hupla Inane

³ Afuni Yehuda mene re sebelogo ferinarek logolik inomameba wiik weakhogo hilingfisugunem enggin weak-peakhogo hugu mondok logolik he, it inawi eroma omanogo herakfisaluk wulifa. Yogondak it inebe re inoba yamukhogo inendawinggen hambuget haluk werek aplere elo'lek agunem, ap inunggulenu amu mene inanggelek kwe omanogo werek. It a'nogo enggin elo'lekhogo hugu were'ma, it inaselei mene we'luk he hukhogo kwelaginabi waga lagaikha.

RATAPAN 1:3 Referans Kwoze

RATAPAN 2:9

Kwe ambe hokho mene palek kwe omanogo mondogat he kweang en salhe, e nunggulik sobangsek mene omanogo sombologo pikhe; raja ebe inom, it pemerintah ba yabu legoma hilingitarek inap omanogo inom he, mondogat huginabi lagaukwaba omanogo lagaikhasik werek. Tuhan awene melalek omanogo yanggulinabi'lagwi lek, it nabi re Tuhan nen ogo husumbi ekhe yagaisili'lago legat.

YEHEZKIEL 5:12

Afuni fenakwe ekhe minggilogo re ou amben weak meneba nen inom, sumburu ouwagen inom, o kota yiba asi wesigin mene andiba nen mondogat wa'lasugun. Fena ekhe minggilogo re karogen o kota endakwe fikhiren inobakhe tegethigik inoasigin. Nen fenakwe ekhe minggilogo re An nen o unggut-unggut higithogo telfolisigik, karok fanghogo sikmuk isigik, igin.

YEREMIA 52:15

Andi nen he, afuni o kota andiba werek mene inom ap yabu hilingitu inelu mene fena werek mene inom, ap inenggi lek mene inom, nen it fena Babel mene inebikhit asi lagaukwa mene omanogo inom inebe mondogat he, hun Nebuzaradan nen felelenghogo woginarek o Babel lagaikhe.

YEREMIA 52:8

Oba nen tentara Babel mene nen he, raja Zedekia murok lagaukwasik he, o Yerikho tonggoma andoma nen senfei lagaukwa. At agoromi omanogo mondogat he, at a'nogo herakfisaluk heise lagaukwa.

YEREMIA 39:9

A'nogo hilingfuluk enek he ap o kota werek mene inom, nen it fena inonggwaregen it Babel mene inenggimo agaukwa mene inom he, Nebuzaradan tentara Babel mene faget inoe welagaikhe mene nen felelenghogo woginarek lagaikhe.

YEREMIA 24:9

An nen mondogat wil-wal hambik inebe alomat fisamo re yi afuni ti afuni o kweangma welagaikharek mene mondogaren he inailoti logogun. O it loageluk hilingfisagain oba andoma lagunem he afuni nen it faget puliarinafik, endo yagaisogo pelaginafik, sebelfisigik, hilingiti logogun. Aben homan ikfisikhi logolik he it inenu hombuk palogo ikhi logogun.

YEREMIA 16:16

Tuhan nen ikhi logolik, ”An nen he afuni hokhorogo ikan wanharek inaben afuni yoma hele warinabi wesuageluk inayonggo fisagain o. Andi nen he An nen ap sue, paik, watarek mene nen he it oma tomkwe inom, punukwe inom helep oumokwe inom andoma nen inoasi wesuageluk wolinabigin.

YEREMIA 13:19

O Yehuda meneba nen kota selatan fikhit werek mene omanogo mondogat ap sali kwi wagaikha o, nen ap salek mene andiba nen polokhogo ekhe wulibi la re mondok elo'lek. Afuni Yehuda mene omanogo mondogat he huginabi lagaikharek oba omanogo woginarek lagaikha o,” iluk ikhe ino.

2 RAJA-RAJA 25:21

A'nogo woginarek lagaikhemo, at raja nen yi enggin ti enggin inoba fesikhesik inebe mondok inoasugun isikhemo mondogat inoatukwa. Afuni Yehuda mene inebe inaiba nen o Babel woginarek lagaukwa re, a'nogo andi.

2 RAJA-RAJA 25:11

A'nogo hilingitukwasik, ap yi mene ti mene hilingitu inelu mene attagat o Babel woginarek lagaukwasik fena herakfisaluk lagaukwa mene inom, afuni inenggi lek inelagaik mene inom, afuni ekhe it ap Babel mene werekwe agaukwa mene inom, mondogat o Babel woginarek lagaikhe.

2 RAJA-RAJA 25:4

ap tentara Babel mene omanogo nen leget pa'leget wurik a'nogo meisalogo kwisukwa. A'nogo meisalogo kwisukwasik he, o hubanggo it ap tentara Babel mene yining-haning kagalek werek kwelegat he, it tentara Yehuda mene mondogat heise o i Yordan tonggoma andoma louwogeluk, kwe ap raja eabukwe nen leget pa'leget elugun fena-fena heget fei lagaukwaba, kwe ambe palek were'ma wulifukwasik he, hela lagaukwa.

2 RAJA-RAJA 25:5

A'nogo lagaukwa meneat he, ap tentara Babel mene omanogo nen, ap raja Zedekia a'nogo mu'luk lagaukwasik, ebe o Yerikho tonggo enagoma andoma nen fakfei lagaukwama, agoromi tentara omanogo mondogat inoe herakfisaluk heise pugulhukwa.

ULANGAN 28:48

Andiba re, hiren it ap hinaselei mene At hineisena Tuhan nen hit hinom weim yabuageluk lakfisa wesigin mene andoma inobaget hilingiti logogun. Hit hinebe hinamburu ouwak agik, hinagai nele agik, hinalfulukwa kogouk welagik, yi mene ti mene mondogat hinelagaik logolik hinenggi lek welagik hilingiti logolik, At hineisena Tuhan nen a'mageba fethinarek werek kwelek enek hit hinebe mondogat wa'lasugun.

RATAPAN 4:15

Afuni nen ikhi logolik, ”Hit he hinebe emerek welagep, nit senisugu lek, yoma nen sugulogo lani!” iluk agarek. Ma re it inebe o leil warik it inunggulenu lombok werekwe omanogo nen it inunggulenu ekhe mene werekwe lili'lagwiba nen, ap misigen iluk ekhe yoma femhogo logoni, iluk yagaisili'lagwi lek.

RATAPAN 5:5

Nit he wam hangge enu gerbau oba hilingitarek hak yabu enggin mene hilingisuageluk yaganisili'lagwi, nit ninomame lek a'luk ninoba lebelek ari'lagoba nen set waroageluk yaganisili'lagwi lek.