OBAJA 1:3 - Allah Wene Fano Wene Hupla Inane

³ Hat he hendawimo wonoget fakhikhi lagen andiba re honggwarek lalfakhikhi lagen. Nen hat hawi ibu kota re helep unggul omame meneba wurik welagi, nen hawi hebe welagen oba re tom unggul uan meneba wurik welagi, iluk anggikhi lagen andiba re hat hendawimo nen he, ”Ap sa hagen an pelaknobagau hak nogo? Iluk foget fakhikhi lagen.

OBAJA 1:3 Referans Kwoze

YEREMIA 49:16

Haren legeisogo fakhikhi lagen andiba re honggwarek hebeat lalfakhikhi lagen o. Haren anggikhi lagen andem hakhogo hat hoba hinailot habi'lagwi mene ekhe werek lego. Hat hebe tom unggul uan meneba logoumo mene ogore, nen hawilun mondok yat patma po'lima sue rajawali awi wuterek hakhogo wurik logoilenma mene ogo re An Tuhan nen andoma nen pelak habi wesu hagaro. Iluk mondogat andoma Tuhan nen ugunem holhi o,” iluk yagaisigi.

AMSAL 29:23

Ap legeisogo fakhikherek mene andi re hobuk sebelasigin, nen ap obabut sebelek mene re hobuk fogerasugun.

YESAYA 16:6

It inunggulenu Yehuda mene nen ikhi logolik he mel aga, ”Nit he it Moab mene nen winik-wonok ili'lagwi mene andoma re mondogat holho o. It andi winik-wonok ikhi logolik foget fakhili'lagwi mene andi re nit he ninelu aga o. Inane ili'lagwi mene andoma re waruk i ebe hinago lek mene hangge logoligen ili'lagwi o,” ikhi logogun,

2 RAJA-RAJA 14:7

Inenggi ekhe sambul he Amazia nen weim o Edom yabi lagaikhesik ap inasikhe fisogo mene inebe 10.000 nen mene o Mayu tonggoma andoma nen inoatikhesik o kota Sela andi inom telhikhe. O kota andi enu re Yokteel salhikhemo re yogondak huli nen inom kota andi enu Yokteel iluk salek werek.

MALEAKHI 1:4

Nen it Esau ambisangma mene o Edom mene nen ikhi logolik he, ”Nit ninawi kota mondogat meisalogo potfisaga oba nen, niren hobuk ambotkwe wusugun o,” iluk ili'lagwi oba nen ogo re, At Tuhan nen onggo ikhi logolik he, ”It inawi kota andi hobuk ambotkwe wusugun fano meneat he, an nen meisalogo potfisagain o. A'nogo meisalogo potfisamo, afuni nen he mel ikhi logogun: Afuni weak hilingitu welagaikharek mene inaiba, igik, inebe Tuhan nen a'mage inoba fikhemo werek mene o, igik, ikhi logogun,” iluk ikhe.

YEREMIA 49:4

Hit afuni tiphogo hilingiti lagep lek mene yoma sani! Nenahalok hiren hineabu tonggo heiselekwe andoma faget wonoget fakhikhi lagep? Ninggi'nogo nen hiren hinenggi werek agalagep mene andomaba hinendawinggen himbirik welagep nogo? Hiren ikhi logolik ap misigen iluk ogo ekhe hoasugun iluk hobet hea wesu lek hak ikhi lagep andi re ninggi'nogoluk nogo?

AMSAL 18:12

At onggwaregen legeisogo fakhikherek andiba pulema arat pilagarek andi, oba nen he ap endawimo sebel fakhikherek mene andi hobuk legeisogo fogoin.

AMSAL 16:18

Wonoget fakhagarek oba re ambisangma al perelinaferek, nen foget fakhagarek oba re ambisangma re talorogo pagarek.

2 TAWARIKH 25:12

Nen it inebe 10.000 nen fena re hele warogo woginarek o kota Sela tom helep mene ungguloba andoma woginarek lagasukwasik huginabi pi wagaukwama re inebe mondogat wa'lagaukwa.

2 TAWARIKH 25:11

At Amazia a'nogo nen ailo lek agaikhesik he at agoromi woginarek o tonggo ekhe enu Lembah Asin andoma lagaikhesik he andoma nen it ap Edom inap inom weim yafukwasik iren ap inebe 10.000 nen mene inoatukwa.

AYUB 20:6

At sele'ma enu poksek were'ma, ambisang en anggulok oba po'lima fakhikherek oba nen he,

YEREMIA 21:13

Andi nen Tuhan nen Yerusalem oba yagati logolik, ”Yerusalem, hat hebe welagen he yi'nogo: O tonggo hat hera'lukwe oma re sebelek hak werek kwelek, hat enek he legoma welagen. Hat he lei pirimse'ma erang tonggoma nen punu unggul wolonghogo liabek andi higit hilingik welagen, oba nen he An nen hat ninom wal-wal ugun o. Haren anggikhi logolik, ap misigen iluk ogo o kota yi pin kwi wagik, athe helep leget inalong palogo esiale uanhogo wagane'ma andoma molulukhogo kwi wesu lek hak anggikhi lagen,

YEREMIA 37:9

An Tuhan nen hat heluabet fikhi lagi yi re, hat honggwarek hebe lalogo ap Babel mene re mondok-mondogat lagaikhanggere hobuk inambotkwe wesugun lego iluk wenggelhi lagen andi re wenggelu fugo. It he eberogo nen nekhengge wesugun.

YEREMIA 48:28

Yago, hit afuni Moab mene re, hinawi kota-kota andoma herakfisaluk he, sue pim en awi wusigiluk helep eil pulerekwe wuterek hangge andoma wurogo logoni.

KEJADIAN 36:8

A'nogo minggilagaukwasik Esau enu Edom ikhi lagaukwa mene a'nogo o Seir tom oba andoma lagaikhesik femhogo welagaikhe.

YEHEZKIEL 28:16

Haren onggo hokhorogo heligik saburigik hilingiti logolik haniniba sebelogo fisugunem andiba weak hokhorogo hilingiti lagagin. Hat hebe An nandom mondok horek mene a'nogoba nen mugusogo wulakhafigi. Nen malaikat hat kagalharek werek mene nen he hat hebe helep permata eil tibelenggetu mene anggele'ma omanogo nen helokhe palogo amu fikhit hobagaikhe.