OBAJA 1:1 - Allah Wene Fano Wene Hupla Inane

¹ Tuhan Lego Mondok welagarek mene a'nogo nen he, ”Hit afuni hinunggulenu Edom mene faget he yi'nogo yagaisano ikhe,” iluk at Obaja nen yi'nogo ti'nogo hilinglasigin iluk yagaisikhi lagaikhe mene re yi'nogo: At Tuhan nen he yonggongge yi afuni ti afuni inunggulenu lombok inoba lakfisilik lagama wene iren waluk yaganisa wagaikha mene re yi'nogo yaganisaga: Nit he o Edom pin talogo inoasi kugun nen he, louwogen fik-fouge'ni o,” iluk aga mene yaganisa wagaikha.

OBAJA 1:1 Referans Kwoze

YOEL 3:19

Meneat he, it Mesir mene nen inom, Edom mene nen inom, afuni Yehuda mene weak hilingiti'le'maat, inaiba andoma were'ma inamep wulagaisogo inoatukwa andi nen he, o Mesir he lei kweang amusu mondok iringi'mo hilinglagik, O Edom he esilek lei mondok pirim-pirim uguba hilinglasumo re, afuni inebe andoma ekhe logogun mondok lego.

YESAYA 30:4

Yehuda mene nen yonggongge lakfisogoin mene omanogo kota Zoan inom Hanes inom, o Mesir oba andoma kwi logoin oba nen,

YESAYA 21:11

O Edom oba hilinglasigin mene faget yagaisoageluk isikhe mene re yi: Ap ekhe o Edom en an noba yaganeti logolik mel ikhe, ”Hat kagalek welagen mene ahwi, hup yire aninurega? Mo miren hak logombik o wei igin nogo?” iluk ikhi laga.

MAZMUR 137:7

Neisena Tuhan, o Yerusalem a'nogo afuni Babel mene nen sebelhunem he, it Edom mene nen mel isukwa andi, ”Meisalogo lakfisano, meisalogo lakfisano, o tik warek huli meisalogo lakfisano,” iluk isukwa mene andi re hendawimo eberek logoino o.

MARKUS 13:7

A'nogo hilinglagu kwelek, weim horogat yafunem inane hinesanggo holhik, yatma yafunem inabok holhik, ikhi logolik he, hinendawinggen abolok ugubo. A'nogo hilinglasigin meneat he, o wurep oba hilinglasigin mene andi oan aro.

MATIUS 24:6

A'nogo hilingitu kwelek, weim horogat yafunem inane hinesanggo holhik, yatma yafunem inabok holhik, ikhi logolik he, hinendawinggen abolok ugubo. A'nogo hilinglasigin meneat he, o wurep oba hilinglasigin mene andi oan aro.

MIKHA 2:13

An nen hit hinanggwe huthisigik, hele warogo wokhinarek lagaukwama welagep oba andoma nen wokhinarek wilibi wagik, igin o. A'nogo wokhinarek wilibi waga logolik hiren leget pa'leget ambe palek mene andoma langgukhogo lakfisaluk wilibi wesugun. An hineisena Tuhan nebe Raja welagimo re, An nenat hit hinebe wokhinarek wilibi wesigin o,” iluk yagaisasikhe.

YEREMIA 51:46

Hiren ap inane iluk waluk ugu mene faget hinailorogo hinendawinggen fisu fuk. Tahun hundik-hundik oba re, wene o kweang nit welago mene yiba nen lalfalhogo hilinginafarek awene omanogo inom, nen ap raja-raja nen weim it ekhe nen it ekhe inom yafu awene inom omanogo nek sagari'lagwi.

YEREMIA 25:17

A'nogo ikhemo re an nen iwak anggur agai hinago a'nogo Tuhan enggiba nen wo'netemo wanhirik he, an nebe Tuhan nen yi afuni ti afuni inunggulenu lombok welagaikharekwe omanogo laluk, an nen it andoma anggur agai a'nogo noageluk hilingiti lagi.

YESAYA 21:12

Andi nen an nen onggo ikhi logolik he, ”Hubet he wei igin, oba nen he hubasigin oba ogo arat asi waga. Nen, hobuk heinok wanigiluk halok he, wesimbik heinok wani we'no,” iluk yagati.

KEJADIAN 25:30

Oba wagaikhesik he, mel yagatikhe: ”Nagailak. An sumburu mondok naik fikhemo re, kacang eil mep mene isaten oma an ekhe wo'nom o,” iluk kino yagatikhe. (A'nogo yagatikhe andi nen he, at Esau enu ekhe Edom, iluk agarek andi.)

KEJADIAN 36:8

A'nogo minggilagaukwasik Esau enu Edom ikhi lagaukwa mene a'nogo o Seir tom oba andoma lagaikhesik femhogo welagaikhe.

KEJADIAN 36:9

Hun Esau it afuni o Edom mene inomba a'nogo nen tagomangge mene inenu re yi:

YEHEZKIEL 35:1

Tuhan ane an noba yaganeti logolik,