NEHEMIA 9:25 - Allah Wene Fano Wene Hupla Inane

²⁵ Hagainafuri homame a'nogo wogisasigin andiba re, it Kanaan mene kwi wesinogo iluk leget pa'leget omamerogo waganek mene inom, inanggweang muli fano yi mene ti mene ebe hokhorogo werek oba inom, inaiba inangge yi mene ti mene sik-pikhogo werek oba inom, inagai mogo habulik mene inom, i elesi agai mene inom, yabu anggur yabu inom, e zaitun yabu inom, e ekhe enggen iterek mene yabu inom, mondogat sebelasukwa andi. A'nogo sebelasukwasik, yi mene ti mene andi enggen ninggi logolik, inebe inobakhe firik welagaukwa andi, neisena. Haren yi mene ti mene wogisasiginmo oba heilarogo welagaukwa andi.

NEHEMIA 9:25 Referans Kwoze

ULANGAN 32:15

Tuhan againafuri mene, inangge hokhorogo hilingfisasikhe, A'nogo meneat he, Allah ebe ninabit iluk, folim hibitukwa andi, It inamburu ninghogo ninggi logolik, inebe hokhondek welagaukwa, Inebe a'nogo logolik, Allah elalninafikhe mene, herakfisaluk wulifukwa, Allah omame hokho logolik, telninafikhe mene herakfisasukwa.

NEHEMIA 9:35

Haren hagainafuri o kweang muli fano esanggo mondok hokhoat tuale'ma wogisigik, inogogwi raja ferinarek logouwagaluk menfisigik, isigindik fanorinafi lagagin meneat he, hat hamingmingengge hilingla'luk, hat faget hilingiti'lek inobabut weak mondok hilingiti lagaukwa mene, inobabut hebelagi'lek weak hilingitu mondok welagaukwa andi.

ULANGAN 3:5

O kota mondogat andire leget fak leget helep oba uanhogo wagane'ma, kwe kwi wagaikharek oba ogore kelok omame meneba yagarek welagaikhe. Oba nen he, o kota fena re leget obaluak leget helep oba waganek legengge welagaikhe.

HOSEA 3:5

A'nogo meneat he, it afuni Israel mene hobuk inafe hebelasimbik it ineisena Tuhan Allah hera'nabi wagik, inoe raja Daud en tagomangge mene ekhe oba wagik, ugun oba werego. A'nogo wesimbik hilinglasigin andi elugun kobokhogo re, inailorogo fogetnafu were'ma, an nen fanorinafi logogin o,” iluk yaganete.

YEHEZKIEL 20:6

O andi sambul he An nen hit wokhinarek lambik kweang hit wokhisagain oba andoma obaburugwi mondok heiselek kwe yi mene ti mene hokho pokhorogo were'ma andoma, nen o kweangma yoma nen he we kweang andi nek he mondok ibi ebema andoma hinobagai lagain o, iluk hombuk palogo yagaisasigi.

1RAJA-RAJA 8:66

A'nogo inenggi 7 ba hilingiti lagaukwasik, inenggi ekhe 8 oba at Salomo nen it afuni omanogo inawilokwe pugulogo lakfisasikhemo, mondogat pugulhi logolik, nineisena Tuhan nen amingmingengge Daud inom, againafuri inunggulenu Israel mene inom, yi mene ti mene wogisasikhe andi nen Salomo agaukhogo fogeratukwasik he, inendawimo inagaiyegen inagayegerik lagaukwa.

ULANGAN 32:13

At Allah nenat againafuri, dom-dom andoma sebelek logolik, eisewerek logouwageluk fisasikhe, Inonggwarek ineabu mene, inamburu ninggik, kin enggama tom oba mene, iren amusu ningik, Minyak e zaitun enggen, helep ebene yago mene, iren amusu ningik, ikhi logouwageluk hilingfisasikhe.

ROMA 2:4

”At Allah obabut fano mondok, enago lioksek,” iluk, hinendawimo sebelfikhi lageba? Hit hinendawimo nen he, ”Allah obabut fano nen nit weak hilingiti lago mene herakfisaluk ninobabut hebelasuageluk, ninendawimo kagalherek,” iluk hinonggot nogo? Hinelu aro.

HOSEA 13:6

A'nogo meneat he, hit hinebe o fanoma kwi wagagipsik logolik, yi mene ti mene hinalabut ninghogo ninggi logolik he, hinoba homot lagunem foget fakhikhi logolik, An noba hinonggot a'luk welagep andi.

YEREMIA 31:14

It imam he An nen sik-pikhogo hilingfisugu meneba inoba homot fisikhi logogin, nen it An nagainafuri re An nen fanorogo halinafuba inomamerogo logogun. Iluk An Tuhan nen igi o,” ikhe.

YESAYA 6:10

A'nogo yaganetesik ekhe ikhi logolik he, ”A'nogo hilingitunem it ineilenggen higik, inesanggo holhik, futfigik, uluk it inobabut hebella'luk he An noba inambotkwe wagunem, An nen it inebe fano hilinginafi hanogore, inendawinggen helep hak harot fisigik, inesanggo tagumet fisigik, ineilenggen humun fisigik ino o,” iluk yaganete.

MAZMUR 65:11

Yabu ebe waganekwe omanogore, Haren i anggwe halogo lakfei lagalagen. kweang tamuli'lek haro omanogo bene re, Haren meiso lakfei wagunem yi mene ti mene yabukwe yago mene omanogo fanorogo wulibuageluk lebeleget figik, Yi mene ti mene yago mene mondogat Harenat fanotfigik ikhi lagen.

AMSAL 30:9

Nen an nenggi werek agi halok he, an nen ikhi logolik, an he, Hat ninom hundik logou re nabit igi hanogo. Nen an nenggi lek mene agi halok he, an nen afuni inangge hinasumo nen he Hat henu sebelogo figi hanogo o,” iluk isikhe.

YESAYA 63:7

At Tuhan obabut fano nen nit Israel mene abit agi'lek endawitninafu mondok logolik, yi mene ti mene oba heilarogo wogisagarek hak, fanot ninaferek andi nen, an nen Allah nit ninebe endawitninafu mondok welagarek mene andi faget, it ekhe yagaisigik, nit ninobaget hokhorogo hilingiterek mene andi faget At fogeratik, igin o.

DANIEL 11:24

Nen, aneba lalogo re afuni andoma werek mene inailo lekhogo werek kwelek it inanggweang mondok heiselekwe omanogo hugul kwikhi logogin. Aren he it ombawi nen hilingiti lagaukwa lek mene omanogo hilingiti logolik, at enggi werek aga logogin mene omanogoba re yi mene ti mene weim ambisangma nen hugul wanhu mene omanogo sumburogo at agoromi inom nikharek mene omanogo wogisikhi logogin. Aren he, o helep huguloak wurikwe omanogo weim sineli kwigin iluk awene kagalhi logolik logogin, oba nen aren ferinarek logogin mene a'nogo arat wurep kobok igin.

ULANGAN 32:14

Inanggo sapi kambing domba eilak amusu hokhorogo welagik, it inanggo fano mondok welagik, It mene gandum anggur enggen, amusu fano mondok logouwageluk hilingfisasikhe.

1RAJA-RAJA 14:9

Oba nen, hat he it hat hebe oan raja menlagi'lek werek kwelek melalinafi lagaukwa mene andoma nen weak hilingiti lagaukwa mene re mondok sebelek hangge werek kwelek, hat enek he mondok weak kwanirek mene hokhorogo hilingiti lagen o. Haren An nebe herak nobaluk kembu logam meneba wutfuluk apne wanhi lagen andiba re An na'mage kwelafi lagen.

MAZMUR 105:44

Allah nen he, againafuri At awene melalek higithogo hilingiti logouwageluk inom, nen wene yi'nogo hilingiti logoino, ti'nogo hilingiti logoino, iluk isikhe mene omanogo hologo hilingiti logouwageluk inom, it ekhe mene inaiba omanogo inom, nen it ineabukwe inomat At againafuri mene eise asimbik logouwageluk wogisasikhe. Tuhan fogerati logoino, u hak, Haleluya, igi andi, iluk wuni watikhe.

YEREMIA 2:7

An nen o mondok fano kweang muli fanoma yi mene ti mene yagaisogo ebe fano ninggik, yi mene ti mene fano mene ekhe heligik, ikhi logouwageluk woginarek wagagi meneat he, iren An nanggweang andomaba emetfigik, nanggweang oba weaget figik, ikhi lagaukwa andi.

YEREMIA 32:23

Oba nen he it o kweang yiba sebeli kwi wagaukwasik logolik, iren Hat hane ugu mene omanogo hologo hilingiti lagaukwa lek. Haren yagaisugu mene andoma mondogat he iren we misikhogo iluk ekhe hilingiti lagaukwa legat. Andiba re yogondak he Haren yi enggin ti enggin inoba lakfei waga lagen yi o.