NEHEMIA 8:9 - Allah Wene Fano Wene Hupla Inane

⁹ A'nogo enu salogo yagaisugunem, afuni omanogo inesanggo holhukwasik, inendawimo mondok weak agaikhesik he le agaukwa. A'nogo le agaukwama, at gubernur Nehemia inom, ap Ezra Allah eisewerek mene wene Allah nen komotninafikhe wene a'nogo elu mondok mene a'nogo inom, ap Lewi mene wene andi pilingisogo yagaisasukwa mene omanogo inom, inomen afuni omanogo mondogat inom yagaisikhi logolik he yi'nogo isukwa: ”O yogondak he, nineisena TUHAN Allah onggwarek awi wei ikhemo welago andi nen he, hit hinendawimo weak a'luk le agubo.

NEHEMIA 8:9 Referans Kwoze

NEHEMIA 7:70

It afuni holhu mene inebe hokhorogo nen he o TUHAN Awi a'nogo pugunhogo wutunem leberisogoin iluk inendawi fano nen kabogetukwa mene re yi: Aten he re 8 mangkuk loyang wene kabogeti logolik wanhunggere 50 nen iten sulabatu mene re 530 nen inom kabogetukwa. It inunggulenu lombok fagetwerek mene nen he re 168nen he 1.250fesukwa. It afuni fena amu mene nen he re 168

NEHEMIA 7:65

It andi re at gubernur o Yehuda ba andoma welagaikhe mene yi mene ti mene nunggu mene Allah obaget fuluk wogetu mene omanogo ninggi logogun lek iluk inane huli fesukwama werek kwelek enek he it ap imam misik ekhe nen Allah endawimo anggili'lago mene ninelu asuageluk hilingiti lagaukwa mene enu Urim inom Tumim oba nen ninggi'nogo hilingisugun iluk ilagunem en enek he, ninggi lagaukwa.

ULANGAN 12:12

O hit logogun oba andoma, it afuni Lewi mene kweang ekhe eise asugun lek andi nen he, it inebe hit hinaiba kota lombok logogun mene inom, hit hinebe inom, hinagainafuri inom, hinamingmingengge inom, hinom lambukhogo nen nineisena Tuhan eilhanem hinendawimo hinagaiyek hikhi logoino o.

NEHEMIA 8:2

A'nogo yagatukwama, at Ezra nen wene Allah nen komorinafikhe wene a'nogo waluk afuni ap inom, hemi inom, yenggerugwi elok futfou hak mene inom, andogorek were'ma inoba waluk wagaikhe.

ULANGAN 16:11

Hit hineisena Tuhan Allah elokhoma obalik Aren wenagaisogo fuguba omanogo laluk, hit hinagainafuri inom, hinamingmingengge inom, it afuni Lewi mene inom, afuni hit hinambok mene inom, omalik suarek mene inom, hemi sogwe hit hinawi kota kwe andoma werek mene inom seberogo hinagaiyegeti logoino.

YESAYA 61:3

it afuni o Sion werek mene inendawimo heiselhu welagik, fong watu welagik agarek mene omanogo inoba, hobuk inendawimo inagaiyek hikhi logouwagaluk fanorinafik, ”Ninggi'nogo hilingisugun he,” iluk inobakheindok palagarek mene andi, inendawimo fanorinafunem Allah awuniba fogerati logogun wene yagaisigik, uagaluk laknobai waga aro. It a'nogo yagaisamo, inebe re e Tuhan onggwarek enggi nen awi yate mene hangge logogun. A'nogo logolik, fano hilingitik, higithogo hilingitik, ugunem, Tuhan mondok legeisogo fikhi logogun.

PENGKHOTBAH 3:4

Allah nenat he, o ti sambul le asuwak, nen, ti sambul endo asuwak anggigik, nen o ti sambul fong watik, nen, ti sambul inendawimo haien wuni watik, uwak anggigik.

EZRA 2:63

It afuni a'nogo re at gubernur en yagaisikhi logolik he, ”Ap imam misik ekhe nen Tuhan endawimo anggikherek mene inelu asuageluk kino ugu mene Urim inom Tumim inom aremnogo inoba oan kino igi'lek logolik he, yi mene ti mene Allah faget iluk fei wagungge andoma ninggi logogun lek,” iluk ane silo fesikhe.

ULANGAN 12:7

Nen, At nineisena Tuhan Allah nen, hit hinebe fanothinafik, hinamburu hinangge yi mene ti mene fanotfigik, ugunem he, hiren yi mene ti mene hilingitunem fano nek aga logogin andi nen, hit hinebe hinagainafuri hinom misigat lambukhogo o andoma nineisena Tuhan eilhanem andogetfuluk, hinendawimo hinagaiyek hikhi logolik, hinaggo hinamburu yi mene ti mene mondogat andoma ninggi logoino o.

ROMA 7:9

An attak he, wene Allah nen komotninafikhe wene andi nonggot logolik he, neluk fano welagi hangge welagagi. Mene re, wene komotninafikhe wene a'nogo nelu agagisik oba nen he, weak hilingitarek andi mene omame agaikhemo,

ROMA 3:20

Wene Allah nen komotninafikhe wene andiba re, nit afuni weak hilingitorek mene fagikherek andi nen he, nit mondogaren wene aren komotninafikhe wene andi hologo logolik, at eilhanem higithogo hilingisugun elo'lego. Hologo hilingiti logoumo, aren hobuk ninom hunisogo ninobagau meneat he, elo'lego.

MALEAKHI 2:13

Nen, hiren hinobabut ekhe hilingiti lagep mene re yi: Hiren yi mene ti mene warogo Tuhan faget iluk nolhi lagep mene a'nogo At Tuhan nen endawimo agaiyek anggaluk helikherek le'ma nen he, hiren le yagaisogo welagep andi. Tuhan obaget nolhuba mezbah omanogo re hit hineil amusu nen yenggelfikhi lagep.

HOSEA 4:6

Hit imam hinap omanogo nen An noba tibet figi'lek hilingiti lagep, andiba re afuni An nagainafuri nen ogo An noba fut figi'lek hilingitunem, it inebe alomat fakhili'lagwi andi. Hit he wene An nen yagahisikhi lagi mene omanogo filikhogo lakfisikhi lagep. Ma re, An nen ogo hit filikhogo lakhinobagagin aro. Nen hit hinagainafuri mene ogore An nobaget imam logogun iluk fagesigin legaro.

NEHEMIA 12:26

It andem he at Yoyakim hun Yesua amlogo Yozadak omba a'nogo inom, nen at Nehemia ebe gubernur werek oba inom, nen Ezra ebe imam logolik, Wene melalek elu-pelurek agun a'nogo inom were'ma andem welagaukwa inap.

NEHEMIA 10:1

A'nogo agama it ap andem inenggi amusu faga mene attak he Gubernur Nehemia hun Hakhalya amlogo a'nogo tak fikhe. Nen at ombo'ne re hun Zedekia, It andem inombo'ne inenggi amusu fesukwa mene a'nogo inenu re yi:

EZRA 7:11

At raja Artahsasta nen surat enegengge palogo hun Ezra ebe imam logolik, wene melalek faget mondok elu-pelurek agun welagaikhe mene a'nogoba wogotikhe mene a'nogo ebere yi,

2 TAWARIKH 35:3

At Yosia nen it ap Lewi mene Tuhan obaget iluk enogo fakhasukwa inap inom, it Israel mene yagaisugu mene guru welagaukwa mene inom, inoba yagaisikhi logolik he, ”Peti Tuhan nen wene warogo wo'ninafikhe mene andi re, hiren higilogo ekhema ya figik, ta figik hilingisu fuk. We o Tuhan obaget Daud amlogo Salomo a'nogo nen wutikheba omanogo fei kwi'no. Hiren he At hineisena Tuhan Allah a'nogo obaget yabu hilingitik, At againafuri afuni inunggulenu Israel mene a'nogo inobaget ineabu hilingitik, ino.

2 TAWARIKH 34:21

”Nit ninambu-ninomba nen he wene melalek yi'nogo hilingi'no ti'nogo hilingi'no iluk buku yiba palek mene a'nogo higithogo hilingiti lagagu le'ma re Tuhan nen a'mage nit ninoba fikhi laga. Enggere hiren he an nobaget inom, it afuni Israel mene inom, Yehuda mene inom, inobaget he, buku yiba re ninggi'nogo palek werek? Iluk Tuhan oba heinok wani lani o,” iluk lakfisasikhe.

2 TAWARIKH 34:19

Enu salhikhe mene a'nogo at raja esanggo holhikhesik he, endawinggen mondok heiselhu nen he at asu laberek welagaikhe mene a'nogo tilip-talaphogo lakfisasikhesik welagaikhe.

2 TAWARIKH 30:22

A'nogo hilingiti logolik he, it ap Lewi inap andi re, wene kabogetuba melalinafu mene faget mondok inelu pinelurek logolik hilingitu nen he at Hizkia nen it omanogo fogerinafi lagaikhe. Linggene 7 nen mene a'nogoba it inambu inombalak ineisena Tuhan Allah a'nogo hai wati logolik, iluk wam warogo wogetik, iren linggene a'nogo faget ebeti logolik isago ninggik, hilingiti lagaukwasigen he,

2 TAWARIKH 15:3

It afuni Israel mene a'nogo re o inenggi aninurogo andoma Allah eberogo mene a'nogo obaget hilingiti legengge welagik, inawene melalek it hologo hilingitu mene ogore, legengge welagik, it inogogwi imam en it yagaisugu mene ogo legenggeat welagik, hilingik welagaukwa.

2 RAJA-RAJA 22:19

an neilhanem he, nit weak hilingitoma o, iluk hendawinggen sebelfakhegen mene andi An mondogat higi o. Nen An nen o kota Yerusalem inom, afuni inebe mondogat inom weagerinabigiluk arat tekhogo igimo o. A'nogo igimo andi nen he wene andi afuni ineilenggen hambik inailo agik, o kota Yerusalem homan ikfigimo andi nen he enu homan ugu igik, ikhi logogun o. Oba nen he, haren An nen wene hinoba fagain igi mene andi hesanggo holhendik hendawimo weakhogo hasu laberek mene tiliphogo lakfisigik, le agik egendik, samban oba yaganeten andi An arat holhi o.

2 RAJA-RAJA 22:11

A'nogo salhikhemo, wene lisu elonggoma palek mene at raja Yosia esanggo holhikhesik he, endawimo weak agaikhesik, asu laberek mene tiliphogo lakfesikhe.

ULANGAN 26:14

Yi mene ti mene hat faget figi mene andi, ware'ma fong wati logolik ekhe ninggi'lek, enda'ma waluk wulibi laluk, yugalek le'ma ekhe ninggi'legat, afuni ware'ma logolik noagaluk ekhe wogisigi'legat. Haren, Yi'nogo ti'nogo hilingi'no iluk mondogat yaganisasigin hagat hane hologo higithogo hilingiti o, neisena.

YAKOBUS 4:9

Hinendawimo weak a'luk, li le aga logoino o. A'nogo le aga logolik he, endo aga lagep mene andi, le agik, Nen, hinendawimo hinagaiyek hikhi lagep mene andi, hinendawimo weak a'luk welagik ikhi logoino o.