NEHEMIA 7:70 - Allah Wene Fano Wene Hupla Inane

^70-72 It afuni holhu mene inebe hokhorogo nen he o TUHAN Awi a'nogo pugunhogo wutunem leberisogoin iluk inendawi fano nen kabogetukwa mene re yi: Aten he re 8 mangkuk loyang wene kabogeti logolik wanhunggere 50 nen iten sulabatu mene re 530 nen inom kabogetukwa. It inunggulenu lombok fagetwerek mene nen he re 168nen he 1.250fesukwa. It afuni fena amu mene nen he re 168

NEHEMIA 7:70 Referans Kwoze

NEHEMIA 8:9

A'nogo enu salogo yagaisugunem, afuni omanogo inesanggo holhukwasik, inendawimo mondok weak agaikhesik he le agaukwa. A'nogo le agaukwama, at gubernur Nehemia inom, ap Ezra Allah eisewerek mene wene Allah nen komotninafikhe wene a'nogo elu mondok mene a'nogo inom, ap Lewi mene wene andi pilingisogo yagaisasukwa mene omanogo inom, inomen afuni omanogo mondogat inom yagaisikhi logolik he yi'nogo isukwa: ”O yogondak he, nineisena TUHAN Allah onggwarek awi wei ikhemo welago andi nen he, hit hinendawimo weak a'luk le agubo.

YEREMIA 52:19

Andi nen emas, perak mene inom, mangkok endep-endebengge mene inom, elemesak inom, wam warogo nolhi logolik amep keralogo fugu mene inom, wul andogorogo fugu mene inom, pelita oak eisok inom, ambenengge dupa faget mangkok inom, mangkok anggur Tuhan faget fuluk kweisalogo kwelakfikhi lagaukwa mene inom, mondogat andoma re, at Nebuzaradan nen at onggwarek faget helasikhe.

NEHEMIA 10:1

A'nogo agama it ap andem inenggi amusu faga mene attak he Gubernur Nehemia hun Hakhalya amlogo a'nogo tak fikhe. Nen at ombo'ne re hun Zedekia, It andem inombo'ne inenggi amusu fesukwa mene a'nogo inenu re yi:

NEHEMIA 7:65

It andi re at gubernur o Yehuda ba andoma welagaikhe mene yi mene ti mene nunggu mene Allah obaget fuluk wogetu mene omanogo ninggi logogun lek iluk inane huli fesukwama werek kwelek enek he it ap imam misik ekhe nen Allah endawimo anggili'lago mene ninelu asuageluk hilingiti lagaukwa mene enu Urim inom Tumim oba nen ninggi'nogo hilingisugun iluk ilagunem en enek he, ninggi lagaukwa.

2 TAWARIKH 4:11

Hun Huram it yi mene ti mene elalhu mene faget kepala welagaikhe mene a'nogo re, aren raja Salomo inom wene watukwa aple higithogo, o Tuhan Awi faget yi mene ti mene mondok fik-foukhogo hilingfesikhe. Aren wutikhe mene andi re, kuali inom, sekop inom, mangkok inom, hilingitikhe. Nen, aren hilingitikhesik mondok fik-fouget fesikhe mene andoma ebe re yi: Timuk hokho mene ebe pire Timuk andem amboloba hut fugu mene faget obabut mangkok hak mene ebe pire wutikhe. Posiemanggen mene sep hun-hun elangegengge engge timuk andi ambisangma igisogo fesukwa. E delima enggen perunggu meneba ebe 400 erathigik mindagongge a'nogo re timuk pire aremnogo ebe lombok wurep oba masethigik fesikhe. Kereta 10 nen wutikhe Earek mene baskom hokho mene 10 nen wutikheat. Waruk tangge meneba taksek mene hangge bejana perunggu mene ekhe bejana a'nogo lego logouwageluk sapi perunggu mene ebe 12 nen wutikhe. kuali, sekop, garpu inom wutikheat. At Salomo nen wene melalfesikhe mene higithogo, at Huram en Tuhan Awi a'nogoba logogin mene iluk no perunggu meneba, yugulhigik fesikhe.

1 TAWARIKH 28:17

Andi nen emas mondok fano mene aling legengge aik suap hak engge garpu inom, mangkok i hinatungge inom, waruk endep-endebengge wutu aple inom, piring talengge wusuogeluk emas, perak inom wanhi logogun mene faget inom,

KELUARAN 24:6

Wam sapi andi warogo senggelhukwama, amep at Musa nen keralhikhesik he, fenakwe loyang elema kwalfigik, fenakwe wam yi mene ti mene Allah faget warogo endu nolesugun oba amboloba kweisalhik, isikhe.

KELUARAN 12:22

Wani laluk warogo re, amep loyang elema keralogo fuluk he, musan hangge mene enu hisop engga misigenek keralek mene mep andiba yugul haluk he, kwe esanggo fena-fena e telogo liabek meneba watik, e nunggulik mene kwe ambe ambolkwe meneba watik, ino o. A'nogo hilingfuluk hubanggo o wei igi'lek werek kwelek hit ekhe hinaiba andoma nen wulibugun mondok lego.