NEHEMIA 6:19 - Allah Wene Fano Wene Hupla Inane

¹⁹ Nen, at Tobia nen he surat hundik-hundik an nendawimo nailoap kwelagaisogo iluk palhu nek welagaikheba nen he it afuni Yahudi mene melalinafu mene andoma nen he an neilhanem at Tobia nen fano aple hilingitu mene omanogo tindelhu mondok welagaukwa. Andi nen an nane ugu mene omanogo re iren at Tobia ba tindeli laga lagaukwa.

NEHEMIA 6:19 Referans Kwoze

1 YOHANES 4:5

It andi inebe afuni kweangma mene inagainafuri andi nen he, iren wene kweangma weneat ugunem, inane it afuni kweangma mene nenat inesanggo holharek andi.

YOHANES 15:19

Hit hinebe afuni kweangma mene logoilepma re, it afuni kweangma mene nen he, it he, nit ninagoromi, iluk inendawinggen hundik hilinghinabilep meneat he, hit hinebe it afuni kweangma mene were'ma wenakhinafigisik wokhinafisigi'mo re, hinebe it mene welagep fuk. Andi nen he, inabit mondok hilinghinabi'lagwi o.

YOHANES 7:7

It afuni kweangma mene nen hit halok he, inabit mondok hilinginabi'lagwi lek meneat he, an nen, it hilingitarek andi weak mondok, iluk igirek andi nen he, anat inabit mondok hilingnabi'lagwi o,” iluk yagaisasikhesik,

AMSAL 28:4

Ap sa nen wene melalek sebelogo fugu halok he aren ap weak mene inebikhit a'luk inili woginabi'lago. Nen, sa nen wene melalek higithogo hilingitu halok he aren ap weak mene inom minggirik werek.

NEHEMIA 6:13

Iren anggikhi logolik he an nailo a'luk iren hilingisugun iluk aga mene andi ombo'ne higithogo asigin halok he an weak hilingisigin anggagasik hilingita. Nen, an weak hilingisigin andiba re iren iaple agama iluk an nenu weagerogo fuluk aren a'nogo hilingite mene iluk afuni nen tindelhi logouwak anggagasik hilingita.

NEHEMIA 6:9

Onggo a'nogo lakfesigimo nen he iren nit yabu hilingiti lago mene andi hesanggema leisal fouwageluk he ninailoap kwelafi lagaukwa. A'nogo hilingitunem he an nen samban ikhi logolik he,” Neisena Allah nendawinggen hambuget nobagain o!” iluk samban isigi.

NEHEMIA 6:18

At Tobia ebere hun Arah amlogo Sekhanya a'nogo eyamal hilingi'mo a'luk he ap Yahudi mene hokhorogo nen at Tobia inom sebeti lagaukwa. Andi nen ekhe at Yohanan, hun Tobia amlogo a'nogo nen he hun Berekhnya amlogo Mesulam a'nogo a'logo andi helasikhemo nogo nen he inom sebeti lagaukwaat.

NEHEMIA 7:1

Nen, pak leget a'nogo mondogat wanhukwama re an kwe sou ebe wusuageluk yagaisigi. A'nogo yagaisigirik he an nen it ap o kota kwi lagu mene ebekhalem kagalek werek mene inom, it ap wuni watu mene inom, it Lewi inap inom, ineabu lombok hilingisuageluk yagaisasigi.