Biblia Todo Logo
Bib sou entènèt

- Piblisite -




NEHEMIA 5:13 - Allah Wene Fano Wene Hupla Inane

13 A'nogo yagaisasigisik an nen su mene nobakheba puksek welagagi mene a'nogo nonggologo wanhigisik yi'nogo isigi, ”Ap ekhe nen aneba wene wate mene tiphogo hilingitu lek mene andi re at Allah nen leget fagain. Nen leget fisambik he ap andi angge inom, awi inom, Allah nen mondogat wanumo re at ebe enggi lek mondok logogin!” iluk yagaisasigi. A'nogo yagaisasigimo re afuni wene kabogetunem kaboksek welagaukwa mene a'nogo nen he, ”Eberogo,” iluk u hak he, ”Amin” isukwasik TUHAN fogerati lagaukwa. Andiba re it afuni melalinafu mene a'nogo nen he wene watukwa higithogo re tiphogo nek hilingirik wagaukwa andi.

Gade chapit la Kopi




NEHEMIA 5:13
17 Referans Kwoze  

A'nogo yagaisugunem iren he, ”Weak ikhi lagen o,” iluk abok weak palhi lagaukwama re, at Paulus nen he, ”An wene noba lego,” iluk u hak, asu endakwe mene ololong horogo pelakfisikhi logolik he, mel yagaisasikhe: ”Hit hinonggwaregen nong akhegep halok he, hinoba lombogo. An noba lego. Huli yogondak huli nen, an afuni endakwe mene wene yagaisa lagain o,” iluk yagaisasikhesik,


Nen, it andoma nen hinebe wokhinafi'lek logolik hinane wanhi'lek herakfisaga halok he, o andoma herakfisaluk hinambotkwe wulibi waga logolik he, hineisok aling horogo pelakfisaluk wulibi we'no.


Allah afuni Israel mene ineisena andi nek fogerati logoni, Yogondak inom hobuk inom mondok-mondok Arenek fogerati logoni o. A'nogo yagaisasikhemo it afuni Israel mene mondogaren he ”Amin”, iluk Tuhan fogeratukwa.


Wulakfisugunem inendawimo eberek logouwageluk, it Paulus Barnabas emberegen he, ”Hinoba lombok,” iluk ineisok ologoilong horogo herak fisaluk he, o Ikonium kwi lagaukwa.


Hat honggwarek hane igin oba weaget fakhalugen honggwarek hane omamerogo it ap imam Tuhan faget hilingitarek inap omanogo inoba yagaisikhi logolik, wene andi ket-keraplerogo igirik agi, iluk egen hanogo. Ebe nena mene faget Allah nen anini hat hoba fembik Aren hat heabu hilingiti lagen mene andoma weaget hobagagin nogo?


An nen Hat hawene melalek inom, wene katokhogo hilingitu awene faget inom andoma mondogat pukhogo fisogo logogin, iluk nane hombuk palogo wene watigi mene andi re nane isigi higithogoat tibet fagain o.


Afuni ina'mage mondok hokho mene ogore Hat fogethafi logogun, nen it ina'mage lagaluk logogun mene ogore fong warogo iluk pelagi su ikfuluk logogunat.


Hiren An nobaget wam yi mene ti mene warogo wo'nesu hak he, An hai warogo wa'neti lagep mene andi wo'neti logoni o, Nen hiren At Lego Mondok welagarek mene hinom wene wati legep mene andi nek tiphogo hilingiti logoni o.


A'nogo menlagaukwama, Ezra nen he, mel isikhe: ”Nineisena TUHAN, Allah hebe hokho mene fogethafi lago, neisena,” iluk yagatikhemo, it afuni omanogo inebe mondogat inenggi uanhogo liakfesukwasik mel isukwa: ”Ebe asuak, u hak, amin, amin,” ugu welagaukwasik, ineindep awi yagaisogo Allah fogeratukwa.


A'nogo tilibisikhemo re, at Samuel en Saul mel yagatikhe: ”O yogondak yiat, At nineisena Tuhan nen afuni inunggulenu Israel mene haren ferinarek welagen mene a'nogo nasu lit hegenma tilibikhe andi hak, lisogo wanhesik, hobuk ap ekhe hat hobabut weak andi hangge re lek, athe obabut mondok fano mene arat wogetemo o.


I homan ugu ari halabutmo kwikhi logolik, halabut puak igik, houwak ilugun kelok igik, igin.” iluk yagati logogin. A'nogo yagatunem, at he a'nogo nen onggo ikhi logolik he, ”An nen ogo Tuhan nen hilingnabuak anggikhi lagi,” iluk igin.


Andi hagat he, hat ekhe nen Allah Areagun nen yagahetu kwelek inane honggot mene elalinat ikhi logolik, ”Allah neisena,” iluk hai wasigin halok he, at ekhe onggot mene nen futfigi'lek logolik, ”Wene ikhe andi ebe asuak,” iluk u hak, ”Amin,” iluk ugun nogo? Wene hat igin andi re, at onggoren, a'nogo ugun elo'lek andi o.


Ap sa nen wene melalek sebelogo fugu halok he aren ap weak mene inebikhit a'luk inili woginabi'lago. Nen, sa nen wene melalek higithogo hilingitu halok he aren ap weak mene inom minggirik werek.


Swiv nou:

Piblisite


Piblisite