NEHEMIA 5:12 - Allah Wene Fano Wene Hupla Inane

¹² A'nogo yagaisasigimo inogogwi melalinafu mene omanogo nen ikhi logolik he, ”Haren komotninafen mene yi re niren higithogo nek hilingisugun. Niren he nit ninawi onggo ekhe wo'nisani iluk kino igi'legengge mondogat it inoba wogisogoino,” iluk yaganetukwa. A'nogo isukwama an nen it imam inom, afuni melalinafi lagaukwa mene inom, omanogo wolinafigisik he it ap inane a'nogo hilingisugun iluk isukwa mene omanogo nen he it imam omanogo ineilhanem andoma nen, ”Niren ogo mene andi re ibi-eberogo nenat hilingisuogeluk ogo o,” iluk hombuk paluageluk yagaisasigi.

NEHEMIA 5:12 Referans Kwoze

EZRA 10:5

A'nogo isikhemo re at Ezra nen it hemi endakwe mene omanogo ineagwi inom felelenghogo wulak fisagain iluk wene a'nogo erotesik aren it imam mene kepala inom, it Lewi inap inom, it afuni Israel mene nen fenakwe omanogo inom, inoba re at Sekhanya nen ikhe mene a'nogo hilingisugun iluk hombuk paluageluk, yagaisasigi.

LUKAS 19:8

at Zakheus a'nogo menlagaikhesik he, Yesus oba mel yagatikhe: ”Noe! An nangge yi mene ti mene mondogat tulem heirogo minggilogo re, it afuni inenggi lek mene andi sumburisagain. Nen, an nen afuni nera nen lalinafi mene halok he, onggo nenggi 4 oba nen hobuk oba loukhogoat wogisagain o,” iluk yagatikhe.

MATIUS 26:63

at Yesus ane igi'lek kamo isikhemo re, at ap kain Allah eisewerek mene a'nogo nen he, ”Allah amlogo Kristus lakfei wesigin isukwa a'nogo, ebe hat halok he, yaganisanok iluk, at Allah eluk mondok welagarek mene enu hombuk palogo yagaheti o,” iluk yagatikhemo,

NEHEMIA 13:25

A'nogo ikhi lagaikhama re an nen it wenagisasigisik he homan ikfisigiat. Nen it fenare inebe yei inoatirik inesinggen kwanirogo lirisigi. A'nogo hilinginafirik an nen it inoba ikhi logolik he, ”Nit ninebe inom, nit ninagainafuri inom, afuni amu mene inom, yugunat woginafi logogun mondok lek, iluk Allah enu palogo humbuk palini,” iluk yagaisigi.

NEHEMIA 10:31

Nen it ap pok mene andoma nen it inangge gandum inom athe, inangge ekhe mene inom, ninenggi sabat oba ogo inenggi wesa ekhe hokho meneba ogo, onggo wilik wagu halok he niren it inangge andoma onggo wanhi logogun mondok lek. Tahun falfaligen wela'luk sabit meneba re niren yabu wanhi logogun mondok lek, nen ninombalegengge werek mene ogore obali'mo feni iluk yagaisikhi logogun mondok lek.

NEHEMIA 10:29

”Ninebe mondogat ninogogwi kaindek ninom lambukhogo logolik Allah enu hombuk palogo mel ogo: Allah nen komotninafikhe wene, at amingmingengge Musa yagatikhemo aren yaganisasikhe wene andi hologo higithogo hilingiti logogun. ”Yi'nogo hilingiti logogun,” iluk Allah enu hombuk palogo ogo andi hilingiti'lek halok, Allah nen homan ninobagauwago. Nineisena Allah nen, yi'nogo hilingi'no ti'nogo hilingi'no, iluk komotninafikhe wene andi mondogat hologo higithogo hilingiti logogun, iluk at enu hombuk palogo ogo andi,” iluk isukwa.

EZRA 10:12

A'nogo isikhemo re it afuni omanogo nen inane fanoba re, ”Nit he haren komotninafen mene andi hakhogo nek hilingisugun o,” iluk isukwa.

NEHEMIA 5:11

Arigini'mo re hiren ogo it afuni inoba hinagengga uang halok ogo, gandum halok ogo, nen anggur halok ogo, at he zaitun, amusu halok ogo it inoba hinombalegengge werek mene andoma mondogat legaberik lani. It inanggweang inom, inagayo anggur yabu inom, inagayo zaitun yabu inom, inawi wurik inom, andoma hiren it inonggwarek inoba wogisano!” iluk yagaisasigi.

NEHEMIA 10:30

Andi nen niren hombuk palhi logolik, ”it afuni pok mene nit ninaiba ninanggelekwe werek mene andoma ninom wok-wok aga logogun mondok lek.