NEHEMIA 2:4 - Allah Wene Fano Wene Hupla Inane

⁴ A'nogo yagatigimo, at raja nen he, ”Halok he, hat hendawimo nen ninggi'nogo hilingisigin hamolo anggegen?” iluk heinok wo'neasikhe. Heinok a'nogo wo'neasikhemo re, an nendawimo nen nineisena Allah pogoroba mene ayonggo fikhi logolik,

NEHEMIA 2:4 Referans Kwoze

AMSAL 3:6

Haren yi aple ti aple hilingiti logolik Tuhan oba nek ebethikhi logoino, Arenat hat hoba ineluk fanorogo welagaikharek mene re yi'nogo iluk inukhesigin werego.

NEHEMIA 1:4

Wene a'nogo yaganetukwama nesanggo holhigisik he, nebe hu'lagagisik, le agagi. A'nogo le agagisik, o nenggi pire henagan hangge nendawimo mondok weagat logolik, sumburu ninggi'lek samban at Allah ayonggo fugu mondok logolik,

FILIPI 4:6

Yi mene ti mene faget menenei uan horok ebeti'lek, mondogat faget Allah ayonggo fikhi logolik hai warogo kino yagati logoino.

NEHEMIA 1:11

An nen ogo, hamlogomi fenakwe inebe mondogaren ogo, ninebe mondogen hat agaukhogo fogethafi logouwogeluk samban hayonggo fikhi lago mene andi, ninane hesanggo holin o, neisena. O yogondak he, an hamingmingengge nebe ninoe raja oba lagain enggere, aren endawit nabuageluk endawimo kagalin o, neisena,” iluk samban oba Allah ayonggo fikhi lagagi. Andem oba re, an nebe raja agai nunggu mene faget yi'nogo hilingisugun ti'nogo hilingisugun, iluk lenggalhu logolik, Allah ayonggo a'nogo fikhi lagagi andi.

MARKUS 10:51

Wagaikhemo, aren yagati logolik: ”An nen ninggi'nogo hilinghabuageluk yaganeten,” iluk heinok wokhasikhemo re, ap eilenggen mum mene a'nogo nen he, mel yagatikhe: ”Noe. Neilenggen fano hilingnabinogeluk yagaheti o,” iluk yagatikhemo,

1RAJA-RAJA 3:5

Andi sambul arat noletikhesik he, o hubanggo nogo ugunem, Tuhan nen at elokhoma menlagaikhesik, abiba mel yagatikhe: ”Salomo. Hat hamolo mene An nen wokhesigin enggere, kino yaganom o,” iluk yagatikhe.

ESTER 7:2

It aremnogo inom seberogo anggur ninggi logolik, at raja nen he Ester oba heinok wokhikhi logolik he, ”He yi, nagwe ratu, hat he nenamene hamolo anggikhi lagen? Yaganom! O an nen melalinafi lagimo oma tulem heirogo minggirogo wo'nom igin halok ogo eberogo at wokhesigin.” O iluk yagatikhe.

ESTER 5:6

Wagaukwasik he, it inebe anggur agai ninggi logolik aremnogo re, at raja nen Ester oba re mel isikhe, ”Yogondak hat hendawimo hamolo anggegen mene andi an yaganom o. Haren o an nen melalinafi lagi mene yi faget tulem minggirogo an wo'nom iluk yagaten halok mene ogore wokhesigin enek!” iluk yagatikhe.

ESTER 5:3

A'nogo sen ha wagaikhemo re at raja nen heinok wokhikhi logolik he, ”Nagwe hat he wene ninggi'nogo mene ekhe weregen wagen? Nen nena mene ekhe hamolo anggegen? Yaganom o! Haren an nawi kerajaan melalinafi lagi mene yi faget heirogo minggirogo an wo'nom iluk yaganesigin halok mene ogore an nen wokhesigin enego,” iluk yagatikhe.

2 SAMUEL 15:31

A'nogo lagakhi logolik, afuni nen he, Daud mel yagatukwa: ”Ahitofel ogo re, Absalom en, Daud nabit, noe Absalom aro, iluk uagaluk endawimo kagalhemo aro,” iluk yagatukwama, at Daud en he, samban mel isikhe: ”Neisena Allah. At Ahitofel en wene komorinafi logogin mene andi, ekhe ebe aga logoinogoluk hilingfikhi logoino o, neisena,” iluk yagatikhe.

NEHEMIA 2:5

at raja oba mel yagatigi: ”An hamingmingengge nen kino yagahesigin mene andi, haren nane hesanggo holimbik he, higit, iluk anggegen halok he, o Yehuda an hamingmingengge nombalak inebe salinafukwaba o kota meisalek mene andi legeisogo wusi loageluk la'nobagaino o, neisena,” iluk yagatigi.

NEHEMIA 2:20

A'nogo yaganisasukwama, an nen he, mel yagaisasigi: ”Allah pogoroba lego mondok welagarek mene nen yabu andi eil hondologo katokhogo wusuageluk hilingninobagagin werego. Nit ninebe At Allah amingmingengge mene welago yi nen he, nit arat wusuogeluk ero fakhogoin aro. A'nogo meneat he, o Yerusalem yi hit eise fuk, hit mene legaro. Andi nen he, afuni nen o Yerusalem yi faget abok ikhi logolik, hit hinenu ikhi logogun mondok lego,” iluk yagaisasigi.

NEHEMIA 1:5

mel ikhi lagagi: ”Neisena TUHAN Allah, Hebe Pogoroba Lego Mondok welagen mene. Hat Allah hebe mondok hokho hagun hilingi'mo re, nit hat hebe ninailo logoligat hawe a'ma kogorek andi neisena. Hat hebe ninendawirogo logolik wene komotninafigin mene omanogo hologo higithogo hilingiti lago mene nek he, haren, hit An nagainafuri, iluk wene warogo wo'ninafigin mene andi hendawit ninapluk ninoba lombokhogo mondok welagendek andi, neisena.

MAZMUR 136:26

At Allah pogoroba along werek mene andi nek hai wati logoni, Endawi hundik hilingninaferek mene andi re mondok-mondok logogin mene,” iluk hai warogo wuni watikhe.

KISAH PARA RASUL 23:19

A'nogo yagatikhemo, ap tentara inoe kain a'nogo nen ap alage a'nogo enggi fak-fak waluk inale'ma lagaukwasik mel yagatikhe: ”Wene nena wene yaganesigeluk wagen. Yaganom,” iluk heinok wokhasikhe.