NEHEMIA 13:6 - Allah Wene Fano Wene Hupla Inane

⁶ Wene andi re an nebe lek kwelek o Yerusalem oba andoma hilinglaga. Andem sambul he an he at Artahsasta ebe raja afuni Babel mene inobaget menlagaikhesik ferinarek werek kwelek enek he 32 tahun hilinglagaikhemo, tahun andem oba agaikhe mene omanogo faget elurogo yagasigin iluk o Babel lagagimo nen hilinglaga. A'nogo lagarik eil misik ekhe welagarigen he hambotkwe

NEHEMIA 13:6 Referans Kwoze

NEHEMIA 5:14

Nen, an nebe gubernur menlagagisik werek kwelek enek he 12 tahun hilingitigi. Andi re at raja Artahsasta ebe raja menlagaikhesik tahun 20 meneba werek kwelek menlagaikhesik he 32 tahun huli werek kwelek andem oba welagagi. Nen a'nogo welagagi huli andem he an nen inom, nen an nagaila'lagen inom he ap ineabu gubernur logolik onggo helagarek higithogo helikhi lagagi lek.

MATIUS 13:25

A'nogo yatikhe meneat he, it afuni nogo ugu kwelek he, ap ekhe ap awi yatikhe mene andi emberek weak mene wagaikhesik he, gandum awi fano mene yatikhe a'nogo anggele'ma awi weak mene yakfilik lagaikhe.

NEHEMIA 2:1

Allah ayonggo a'nogo fikhi lagagisik, tugi nit wenatorek higithogo 4 oba welagagisigen, tugi ekhe enu Nisan agarek andiba, nenggi ekhe sambul at raja Artahsasta amburu nuggu were'ma, an noba sinurogo logolik, at agai anggur amusu mene hinagaisogo wogotigi. An at elokhoma a'nogo hilingiti lagagi lek mene, andi sambul enek he, a'nogo hilingiti andi.

EZRA 6:22

Pesta andi hilingiti logolik andi re, Allah nen afuni Asyur mene inoe raja a'nogo endawimo kagalhikhemo, at obabut fano nen afuni Israel mene ineisena Tuhan Allah Awi a'nogo wusuageluk leberisasikhe andi nen, it inendawimo inagaiyegetu inenggi 7 hari logolik Linggene Sumburu Roti fiterek mene inom werago legengge nunggu welagaukwa.

KELUARAN 32:1

Afuni Israel mene Musa ebe pi wagi'lek tom oba andoma aninurogoat weregen he, Harun oba andogosi wagaukwasik, mel yagatukwa: ”At Musa o Mesir en wo'ninarek wulibi wagasik waga mene a'nogo oba ninggi'nogo hilinglagama he, nit ninonggoro. Ma re, nit wo'ninarek loagen Allah higit tugwi kembu ekhe wu'nisan o,” iluk yagatukwa.