NEHEMIA 12:44 - Allah Wene Fano Wene Hupla Inane

⁴⁴ Andem huli re it ap fenakwe re o senggelek yi mene ti mene foukhogo logouwageluk fei laga lagaukwaba, o TUHAN Awi wuri'mo nen senggelek TUHAN obaget woge'luk fikhi lagaukwa mene inom, nomolo mene fikhi lagaukwa mene inom, tahun hundik-hundik oba yabukwe enggen ugu mene attak paluk fikhi lagukwa mene inom, halhi logouwageluk ap menfisasugu. A'nogo menfisasugumo re it ap kagalek welagaukwa mene andi nen he o kota horok-horokwe andoma nen yabukwe enggen ugu palhu mene omanogo kabogeti logolik enek logouwageluk menfisasugu. A'nogo kaboge'luk he, iren kabogetungge a'nogo re wene melalek oba hilingiti logogun aple iluk werek hakhogo it imam mene inom, it ap Lewi inap inom inoba wogisikhi lagaukwa.

NEHEMIA 12:44 Referans Kwoze

ROMA 12:7

Nen, it ekhe nen, afuni ekhe leberisikhi logouwageluk inobabut wogisasikhe mene andi re, fanorogo leberisikhi logogun. Nen, it ekhe nen, wene yagaisikhi logouwageluk inobabut wogisasikhe mene andi re, fanorogo yagaisikhi logogun.

YESAYA 40:31

Oba nen he, ap Tuhan oba inendawinggen himbirik logolik logogun mene re, inomame ket mene kwelakhikhi logogun. It inebe re sue pim agerabul omame meneba tarogo yat patma lagarek hak hilingik logogun. It he humusek laga logogun oba nen inomame lek aga logogin lek, nen kwe laga logogun oba nen inoba lebelek aga logogin legat.

AMSAL 8:34

It afuni an nane hologo hilingisuogoluk hundik-handik an nawi kweba hurek welagik, an welagirek oba leget pa'leget ambe pale'ma andoma kagalek welagik agarek mene andi re, inendawimo inagaiyek anggikhi logouwak.

1 TAWARIKH 23:28

It andi nen he Harun ambisangma mene it imam-imam omanogo nen Tuhan Awi wuri'mo a'nogo obaget wene hokhoba hilingisuogeluk hilingitunem inom, yi mene ti mene o andi elonggokwe inom, senggelekwe inom werek mene andoma yaga logouwageluk faget inom, nen yi mene ti mene mondogat Tuhan faget iluk enogo horogo werek mene andoma emetlasinogo iluk inom, andoma mondogat faget yaga logolik leberisikhi logouwageluk wogisasikhe.

1 TAWARIKH 9:26

Oba nen he, it inebe enggaminogo inogogwi kaindek welagaukwa mene aremnogo nek he femhogo yabu hilingiti lagaukwa. It andi nen he Tuhan Awi wuri'mo elonggoma ambe palek mene omanogo halogo figik, ekhe mene ekhe mene o elonggoma andoma werek mene omanogo halogo figik, hilingiti lagaukwa.

BILANGAN 3:10

Meneba nen Harun inom, at againafuri inom he iren yabu imam mene hilingiti logouwageluk haren menfisano: It andi nek hilingiti logogun oba nen, it fenakwe ekhe nen yabu andi mene hilingisugun iluk hilingitu halok he ebe pinggi wa'no.” iluk yagatikhe.

ULANGAN 18:8

A'nogo hilingitunem, it imam fena nunggu mene wogisugunem helagarek a'nogo hakhogo, arogo a'nogo helikhi logogin. Nen, at eisok erokwe nen lakfei wagu mene andoma at helikhi logogin halok fano,” iluk yagaisasikhe.

1 TAWARIKH 26:20

It inunggulenu Lewi mene a'nogoba nen ap fenakwe omanogo re o Tuhan Awi wuri'mo yi mene ti mene werek mene omanogo inom, afuni Allah obaget waluk fei laga lagaukwa mene omanogo inom, halhi logouwageluk welagaukwa.

NEHEMIA 10:36

Nen, wene melalek werek mene higithogo re, nit ninagainafuri ap manggusa tago mene re it ap imam en Allah wogosuageluk TUHAN Awi wuri'mo waluk waga logogun. Andi nen nit ninanggo sapi eak ogo, domba eak ogo, athe, kambing eak ogo, attak-attak talasigin mene andoma re waluk waga logogun.