NAHUM 2:4 - Allah Wene Fano Wene Hupla Inane

⁴ Ebekhe kwe re inangge kereta omanogo palfigi'lek weri'lago, nen kweang healekwe re it inebe sik-mugengge weri'lagwi. A'nogo hilingirik wagunem it inebe re endu amulok hilingitarek hak inom, eilaburen hilingitarek hak inom, kulunghogo lagik wagik, hilingirik weri'lagwi.

NAHUM 2:4 Referans Kwoze

YEREMIA 4:13

Yethani, ninaselei mene re ohena hakhogo weinam agaikha a'li. It inangge kereta weim yabuogeluk lagunem he sogoi sielu nen hilingiterek hangge, nen inangge kuda ba lagunem he sue ikwesahop he aninurogo tarogo lagarek oba nen mondok furungwarogo lagarek. Ariginik hilingi'mo re, eigei, nit he alomat ninabugun higi! Nit leget ninabuogeluk werego!

YEHEZKIEL 26:10

It inangge kuda hokhorogo hilingi'mo laga logolik, ineiso'ma wul age palogo lagagu mene omanogo nen hat hebe huli'libet hobagakhi logogin. Ap kuda ba hu'la'luk laga logolik kereta ekhe nunggungge faget kwalogo li'luk lagarek mene omanogo nen kwe ambe palekwe nen kwi lagu mene inom, kota wolelenggenhogo obalik enek tamukse'ma andi kwi lagunem inom, it ineisok amilmilen he hat haleget pa'leget waganek mene andoma leik waririm eti logogin.

YESAYA 66:15

Ibi eberogo nen, Tuhan hobuk endu inom wesigin. At he angge kereta andi sogoi sielu nen hilingiterek hak, Nen At a'mage endu amulok hak lagakhi logogin mene a'nogo At ebe waga logolik anini afuni inoba filik wesigin.

DANIEL 11:40

A'nogo hilingiti logolik were'ma nen raja utara fikhit mene faget werek mene a'nogo at along werek mene faget arat wurep oba asi wesigin se'ma andem he, at raja selatan fikhit faget werek mene nen weim sineli lagain. A'nogo hilingisumo re, raja utara fikhit faget werek mene a'nogo nen ogo onggo weim sineli wesumo re, weim andi re mondok anini weak mene yabugun. Aren he kereta weim yabik lagaikharek mene, kuda inom kapal inom, lirisambik he, i fu waga logolik hilingiterek hakhogo kwikhi logolik, o ekhema-ekhema mondogat sebelik-sebelik lagain.

YESAYA 37:24

Hat hane nen weregabet hikhi logolik, hat hangge kereta weim yafu mene hokhorogo werek andiba re o Libanon oba tom-tom mondok legokwe omanogo sebelogo fikhi lagi iluk yonggo lakfisa wagen andi. Haren he e weile ebe mene inom, mondok uan mene inom mutik, nen o ogoi engga mondok hokho meneba kwigirik, iluk wonoget fakhikhi logolik ikhi lagen.

YEREMIA 46:9

Hit kuda yoma re uarek lani o! Hit kereta re hinomamerogo laga logoni! Ap o Sudan mene inom, Libia mene inomen, ap sikhe hinenggi pagat weak mene tok peigengge waluk laga lagep hinap inom he weim yabi lani. Nen hit ekhe o Lidia kweang oba mene ap sikhe hinenggi puk mene andoma ogo lani aro ili'lago, ikhe.

YEHEZKIEL 23:24

It utara fikhiren tentara hokhorogo kereta weim yafi logolik oba lagaluk lagaikharek mene inom, kereta sumburu nunggu mene waluk lagarek mene inom, oba wesimbik hat hoasi kwi wesugun. It he tok peigenggeba inebe ma'murek logolik topi baja mene sebelogo hat hukhogo kwelakhabi wesugun. It inawene melalek werek meneba iren hat hawene pilinghabuageluk An nen herakfisagain.

YEHEZKIEL 26:7

Tuhan Lego Mondok welagarek mene a'nogo ane ikhi logolik, ”An nen raja Nebukadnezar o Babel mene a'nogo nen hat Tirus hukhogo hoasuageluk waluk wesigin. Raja mondok omame mene andi re abel utara fikhiren waga logolik, tentara esa hokhorogo inom, kuda hokhorogo inom kereta weim yafarek mene inom, nen ap kuda amboloba lagaluk lagaikharek mene esa logalek inom wesugun.

AMSAL 31:21

At agun inom, eagwi inom, mondogat inasu sogoi su ikhigik liaferek andi nen he, o aigengge hokhorogo agu halok he, endawinggen fiterek lek.