NAHUM 1:9 - Allah Wene Fano Wene Hupla Inane

⁹ Iren Tuhan inom weim palek aple nek yi'nogo hilingisugun iluk agarek mene andoma re, ambisangma higithogo hilinglagarek lek. At Tuhan nen he afuni At aselei mene inoba a'mage fikherek mene andoma re enggi pireba inoasigin lek.

NAHUM 1:9 Referans Kwoze

MAZMUR 33:10

Afuni inunggulenu lombogen, ”Yi'nogo hilingisugun,” iluk ayo palogo fagarek mene omanogo re, Tuhan nen legetfisaluk sebelogo fikherek.

MAZMUR 21:11

At raja nen it inebe mondogat warogo fisamo re, it inambisangma mene nen tagongge mene ekhe logogun lek.

AMSAL 21:30

Inelu agarek mene inom, inungguloak kagalek mene inom, inobabut hebelek mene inom, andoma re Tuhan inom eilhogo logogun halok he andoma ekhe logogin mondok lek.

NAHUM 1:11

Hat hoba nen ap misik ekhe endawimo nen weak hilingisigin iluk wenggeli'lago mene arat weinam agama werego. Aren he Tuhan ane sagalogo hilingitu awene a'nogo nek yagaisili'lago.

1 SAMUEL 26:8

A'nogo nogogunem he Abisai nen Daud oba ikhi logolik he, ”Allah nen he o yogondak hup yiba hat haselei mene a'nogo henggiba arat fikhe yi. Enggere an nen we nenggi pireba lek oba nen he nenggi misigamat onggwarek arige ariba ebe talogo kweang inom hun feiyogen he, io hilingisin iluk in o,” iluk yagatikhe.

1 SAMUEL 3:12

Andi sambul he, An nen ap Eli againafuri inom yi wene ti wene, hinoba fagain o, iluk yagati mene andi eroma nen pikhit wurep oba huliat mondo'-mondok inoba fagain o.

2 SAMUEL 20:10

Ariginhunem aremnogo at Amasa a'nogo re Yoab karok enggi hare fikhit welagaikhe mene a'nogo eilenggen higi'lek welagaikhe. Were'ma nen we ferekhogo aremnogoat at Yoab en Amasa alabut talogo potfesikhemo, elonggomangge omanogo kweang kwe mondogat eil-kweilhogo taik isikhe. A'nogo watikhe aremnogobaat wa'lagaikhemo re hobuk ekhe inom talhi'lek herakfesikhe.

YESAYA 28:22

An nen he, Allah Mondok Lego mene Omame Hokho mene a'nogo nen o kweangma mondogat weaget fisagain mene tekhogo ikhe mene andi mondogat nesanggo holhi. Ma re an nen nane yagaisikhi lagi mene oma hiren nane oak sagalogo hilingisu fugo. A'nogo hilingisugun halok he hit hinoba serogo hilinglasu mene re enggin-fenggin ekhe inom hinoba asigin o!

YEREMIA 51:64

hane yi'nogo ino, ’Babel oba re yi'nogo nek hilinglasigin. O kweang yi re Tuhan nen enggin-fenggin oba fei wesigin mene andiba re mondogat ubukhogo pumo re ekhe weinam asigin lego,’ ” iluk ikhi logolik hukhano yagati. Nen at Yeremia nen ane isikhe mene elugun warogo re huli yiba.

YEHEZKIEL 7:5

Wene yi re Tuhan Lego Mondok welagarek mene a'nogo nen unggulenu Israel mene inoba ikhe mene re yi, ”Enggin fenggin ekhe wagik-ekhe wagik inoba asi wesigin o.

YEHEZKIEL 21:5

A'nogo hilingisigin andiba afuni mondogaren he, An Tuhan nen nenggarok lisogo wilabi wesimbik andi re hobuk ekhe oak waganogo awinggaba kwelabigin lek iluk inelu asugun o,” ikhe.

HOSEA 7:15

It inebe re An nenat kulinafirik wuriget fisigiba nen he it inebe misik a'luk An nane sagali'lagwi.