NAHUM 1:15 - Allah Wene Fano Wene Hupla Inane

¹⁵ Yethani, ap yonggo misik ekhe o tomkwe a'lima nen waga logolik wene husumbi fano liolek logogun mene, inomame asugun mene faget waluk weri'lago a'li. Yago, hit afuni Yehuda mene yi sani, hiren he linggene hokho mene andi faget ebeti logolik, hineisena Allah ba yi'nogo hilingisugun iluk isigip mene andoma faget obaget fikhi logoni o. Ap inanini mondok weak mene re mondogat wolelenggen tagalogo lek agaikha hilingi'mo re, hit hinawi hinanggweang oba andoma afuni nen ekhe inomameba sebelhinabi wesugun lego.

NAHUM 1:15 Referans Kwoze

YESAYA 52:7

Ap yonggo lakfisugu mene wagunem ineilenggen eberogo nenat hambik he inagaiyek asugun, at wesigin he tom unggulkwe andoma yaning-haning wesigin. Aren he wene fano lioksek awene waluk wesigin, wene o Sion agap teligin mene faget waluk wesimbik yi'nogo igin, ”Hit hineisena Allah andi re Raja werego!” iluk yagaisagain.

KISAH PARA RASUL 10:36

Higimo re, nit afuni mondogat ninoe Enupogot Yesus Kristus nen lambukhogo ninobagauwageluk wene fano wene andi, ebe nit afuni Yahudi mene ninoba lakfei wagaikhe andi hinelu o.

LUKAS 2:10

Inailo agaukwama re, at malaikat a'nogo nen he, mel yagaisasikhe: ”Hinailo agubo. Yethani, fano wene yi afuni ti afuni o kweangma welagaikharek mene mondogat inendawimo inagaiyek hokhorogo hogoin mene yagahisa wagi o.

LUKAS 2:14

”It pogot abel ponggweba welagaikharek mene nen he, nineisena Allah andiat fogerati logouwogo. Nen, it afuni kweangma yoma inebe Allah oba liok ikherek mene re inendawinggen hambukhogo logouwago,” iluk isukwa.

YOEL 3:17

Andi faget he Aren ikhi logolik, ”Yago, hit Israel mene yi. Hiren he, An nebe hineisena Tuhan Allah welagirek mene a'nogo hinelu asugun o. An nebe re Nandom Sion mondok horek mene a'nogoba logogin, Nen, o Yerusalem ogore An nonggwarek nawi kota fano horek awiat hilingisogo fagain o. A'nogo hilingfugunem, hobuk afuni pok mene o andoma kwikhi logogun mondok lego.

YESAYA 52:1

Hat Yerusalem yi, heluk asimbik he menlame o! Hendawinggen hambuget fakhan! Hasu re halong werek mene laberan! Yerusalem kota tegelek mondok welagen mene yi re, hat hanggwe ambe palekwe andi nen afuni emerek mene ekhe kwi waga logogun mondok lego.

MAZMUR 107:15

Aren it inobaget elalin mene hilingitik, endawi hundik hilinginafik, isikhe andi nen he, iren At Tuhan hai watik fogeratik ubaat ikhi logouwak.

MAZMUR 107:8

Aren it inobaget elalin mene hilingitik, endawi hundik hilinginafik, isikhe andi nen he, iren At Tuhan hai watik fogeratik u higit obaat ikhi logouwak.

IMAMAT 23:4

Yi'nogo hilingiti logoino, iluk hari hokho mene wenagaisogo figi mene andiba An hineisena Tuhan faget hilingisugun oba arat asi wagu halok, hilingiti logogun mene wene palek higithogoat yagaisikhi logoino o,” iluk yagatikhe.

IMAMAT 23:2

”Hinendawimo eberek logolik, hari hokho mene, ekhe sambul-ekhe sambul, An fogetnabuogeluk hinenggi weat logolik hinebe andoget fuluk yi'nogo hilingirik laga logoino, iluk yagahesigin mene yi, afuni Israel mene yagaisano o.

NAHUM 1:14

Nen At Tuhan nen it afuni Asyur mene inoba hilingfisagain iluk isikhe mene andi re yi, ”It he afuni it inunggulenu mene hokhorogo logouwageluk taginafu mene faget iren tagomangge mene ekhe logogun lego. Nen it inaiba kembu dewa apne wanharek kwe agut hilingik andoma An nen mondogat wolelenggenhogo lakfisagain. It afuni Niniwe mene andi re ineluk ekhe inom logou elo'lek hilingi'mo re, inebe salinabugun oba obalik fougeti lagi o!” iluk ikhe.

YESAYA 41:27

We An Tuhan nen enek he, attak-attak o Sion oba nen yagaisasigi. An nen he, ap fano wene waluk Yerusalem loageluk yonggo lakfisasigi.

YESAYA 42:11

It o leikwe andoma nen inom, inawi kota-kota mondogaren inom, ineisena Tuhan fogerati logouwak. Nen it afuni Kedar mene nen he, Arenek fogerati logouwak. It afuni o kota Sela mene nen he, tom unggul oba lagaluk, inane a'mit suphogo wuni wati logouwak!