NAHUM 1:11 - Allah Wene Fano Wene Hupla Inane

¹¹ Hat hoba nen ap misik ekhe endawimo nen weak hilingisigin iluk wenggeli'lago mene arat weinam agama werego. Aren he Tuhan ane sagalogo hilingitu awene a'nogo nek yagaisili'lago.

NAHUM 1:11 Referans Kwoze

NAHUM 1:9

Iren Tuhan inom weim palek aple nek yi'nogo hilingisugun iluk agarek mene andoma re, ambisangma higithogo hilinglagarek lek. At Tuhan nen he afuni At aselei mene inoba a'mage fikherek mene andoma re enggi pireba inoasigin lek.

2 TAWARIKH 13:7

Nen at Salomo amlogo Rehabeam a'nogo andem oba re aren wene yi'nogo ti'nogo onggo lagalu elo'lek hilingi'mo re, at Yerobeam a'nogo nen ap inobabut mondok weak mene, it inendawimo anggugu aple omanogo hilingisuageluk andogosi wagaukwama re, aren it kwe palinabu mondok elo'lek agaikhe.

2 RAJA-RAJA 18:30

Aren yagahisikhi logolik, Tuhan oba hinendawinggen himbirik were'ma elok telninabigin iluk yagahisili'lagwi mene andoma inane holhubo. Nen hit hinendawimo nen he, Tuhan nen elok telninafik, ninawi kota Asyur sebelinogo iluk mugusogo lakfisigik, igin iluk hinendawimo anggagubo.

2 SAMUEL 20:1

O kota Gilgal andoma re ap weagerogo fisikhi lagaikkhe mene ekhe enu re Seba welagaikhe. At andi ebere hun Bikri amlogo, at unggulenu Benyamin mene welagaikhe. A'nogo were'ma, at Daud ebe inanggilukhogo waluk wagunem, at Seba nen he trompet furogo anethikhi logolik ane hokhoba yi'nogo ikhi lagaikhe, ”Nit he at Daud ninom hundik welago lek a'nogo. Ninggi'nogoluk niren at murok logoin nogo? Hit afuni Israel mene yi sani, inaiba louwogo!” iluk ane humeti lagaikhe.

1 SAMUEL 2:12

A'nogo hilingitu kwelek, ap Eli againafuri inobabut mondok weak logolik, Tuhan agaugwerati'lek hilingiti lagaukwa

YEHEZKIEL 11:2

A'nogo were'ma Allah ane an yaganeti logolik, ”Afuni wa'lagaikharek mene yi re, omare it ap o kota yiba wene kwanirek mene wenggelogo figik, komo wene inendawinggen fiterek mene yagaisigik, agarek inap werek.

MIKHA 2:1

It afuni ekhe nen it ekhe weagerinabugun iluk o hubanggo inebe nogo agarek oba wengik logolik inendawimo wene weak mene ebetaresik, o wei ilik lagunem hilingirik lagaikharek mene andoma re weagerinabigin o.