MIKHA 7:9 - Allah Wene Fano Wene Hupla Inane

⁹ Niren Tuhan oba weak mondok hilingitugumo re, yogondak nit hilingitugu onggo At anini ninoba fugunem ikhi lago. Oba nen he, aninurogo welagi'legat Aren nit ninebikhit asimbik ninili wanhik, ninobaget higithogo hilingninobagagik, Aren nit ninebe wo'ninarek o selek oba wilibi wagik igin. Aren telninabigin mene andi hilingitunem he nit ninebe lombogen hogoin enek.

MIKHA 7:9 Referans Kwoze

1 KORINTUS 4:5

Andi nen he, aren wene afuni inoba figik, kotik, igin andi sambul oan asi wagi'lek werek kwelek, hiren it ekhe wene inoba figik, kotik, ugun mondok lego. We, at ninoe Enupogot ebe wesimbigen he, afuni nen hubanggo hinagaisogo hilingiri'lagwi mene sele'mat figik, yi'nogo hilingisugun, iluk anggaluk inendawimo sebelek werek mene andi fakhogo figik, i wesigin andi nenangorogo logogun o. A'nogo fakhogo fugunem, Allah nen he, fano hilingita mene inebe lombok fogerinabu meneat fogerinabigin o.

MAZMUR 37:6

Nen hiren tiphogo nek hilingiti logogun mene andi re o selek andi hak hilinghinobagakhi logogin, nen hinobabut kuluk mene hakhogo hilingiti logogun mene andi re o linggene liarek andi hakhogo liathinafi logogin.

1 SAMUEL 24:15

Afuni Israel mene inoe raja hebe nenat an hamingming engge nebe noasigiluk ikhi lagen andi futfein o. An nebe noasigiluk mu'narek nikhi lagen a'nogo nebe yi heilenggen nean. An hamingmingengge nebe re mene unggul misik warek mene hangge inom, nen no pisang hangge inom, welagi yi.

2 TIMOTIUS 4:8

Afuni inawe walhugunem, inawe uan agaikharek mene onggo fano mene wogisagarek hak, an nebe arat lagunem, ninoe Enupogoren wene ninoba figik, kotik, higithogoat igin andi sambul, aren he, ”Hat higirat hilingiti lagenma,” iluk, onggo fano mene ekhe wo'nesigin werego. Mene re, an enek wo'nesigin fuk. It ekhe inendawimo nen he, ”Yesus we'nige,” iluk, inamolo nen nenangorogo welagaikharek mene halok inebe mondogat ninom wo'nisagain aro.

MALEAKHI 3:18

It An nagainafuri mene nen he it afuni inobabut fano hilingitarek mene inom, weak hilingitarek mene inom, nen An nobaget kabogetarek mene inom, kabogetarek lek mene inom, inoba agamsek logogin mene andi re hobuk neilenggen hogoin aro,” iluk yagaisasikhe.

WAHYU 18:20

A'nogo ugu kwelek, at ekhe nen he, it Allah againafuri mene mel yagaisikhe: ”Allah nen he, hit hinunggulmo it o Babel mene wene inoba fuluk weagerinafe andi nen he, hit pogoroba mene mondogat hinendawimo hinagaiyegetik, hit Yesus nen hinayonggo fikhesik lakhinobagasikhe mene inom, hit at ane yagaisikhi lagep mene inom, hit Allah againafuri ekhe inom mondogat hinendawimo hinagaiyege'ni o,” iluk ugunem holhi.

YESAYA 46:13

Telinabigin sambul andi re An nen horogabesi wesigin o, Inagap telinabigin iluk An nen wogisigi mene andi re higilogo fei lagain lek. An nenat o Yerusalem andi telogo figik, Israel oba legeisogo fouwageluk hilingfigik, igin o,” iluk ikhe isikhe.

MAZMUR 43:1

It inobabut weak mene nen, ”At weak hilingitemo,” iluk wene noba fugunem he, neisena Allah Haren he, ”At weak hilingiti'lek,” iluk wene noba korogo wokhano o. It afuni inobabut weak hilingitarek mene nen he, an nebe lalnabuogoluk weagetnafik, ineranen wene yaganetik, ugu halok he, Hat hebe an werekwe asimbik telnabino o.

MAZMUR 7:6

we, it an naselei mene omanogo nen enek mu'narek senabi we'luk, nebe warogo kweangma andoma nobagauwago.

AYUB 23:10

Ariginik kwelek he an kwe laga-lagi mene a'nogo At mondogat elurek, nen an nen ikhi lagi mene andoma ogo At eluregat. Afuni emas eil fano mene yi emas ebe mene a, athe amu mene a? iluk halhagarek a'nogo hakhogo an ogo andi hak halogo nobagaumo nen he, an nendawimo weak mene legengge mondok pugunsek welagi mene a'nogo weinam asu hak.

2 SAMUEL 24:17

At Daud en he malaikat afuni inoasigiluk wagaikhe mene a'nogo eilenggen hasikhesik Tuhan oba yagati logolik he, ”Weak andi re an nenat kwanirogo hilingitimo re anat weak hilingiti o. Oba nen he afuni inunggulenu yi inap, inonggwaregen yi'nogo ti'nogo mel hilingisu mondok elo'lek mene yi nen he ninggi'nogo mene weak hilingitama? An inom, an neisok erokwe mene inom enek unggum ninoba fein o!” iluk yagatikhe.

1 SAMUEL 26:10

Neisena Tuhan eluk werek mene enuba hilingi'mo re at ebe wa'lasigin oba horok asigin halok ogo, nen weim yafunemen weim ambisangma asigin halok ogo nineisena Tuhan onggwaregen enek Saul ebe wasigin andi re an nelu o.

1 SAMUEL 25:39

Nen, at Daud esanggo holhunemen he at Nabal a'nogo wa'laga ugunem holhikhesik, aren ikhi logolik he, ”At Tuhan enek fogerasuok! Aren at Nabal en an mabenet nobagakhi logolik nenu weagerogo nobagaikhe mene a'nogo onggo watfikhi logolik he Aren enek an amingming engge yi nen kwanirek mene ekhe hilingisinogo iluk kwe pal nobagaikhe andi. At Nabal he weak onggo re Tuhan en unggum oba fikhe andi,” iluk isikhe. A'nogo isikhesik he at Daud en he Abigail nagweab eragain iluk ap ekhe he a'nogo aiba lakfisasikhe.

1 SAMUEL 3:18

A'nogo yagatikhemo, at Samuel en he, wene Allah nen yagatikhe mene omanogo ekhe hinati'lek mondok felelenghogo yagatikhe. A'nogo yagatikhemo, at Eli nen he, ”Andi re Tuhan nenat yagahetemo re, Aren yi fano anggikhe mene andi nek hilingisuago,” iluk isikhe.

IMAMAT 26:41

Andiba An nen nomameba mugusogo it afuni hinaselei mene inanggweangma hukhisa lagagi. Ariginhigi andiba re, hiren tagomangge mene nen inaweak hilingitik, nane sagalhik hilingita mene An nobaget inendawinggen sebel fakhaluk hilingisugun halok he,

RATAPAN 1:18

Oba nen we Tuhan enek he eberogo mene werek. Aren wene melalek ikhe mene omanogo an nen sagalogo fikhi lagagi. Yago, hit yi afuni ti afuni hinunggulenu lombogen he an nane yi hinesanggo holini o, An yi enggin ti enggin hugu mandok welagi mene andi hineilenggen neani. An nagainafuri ap souge inom helime tugum inom mondogat hele warinafasik, felelenginarek hugisa lagaikharek oba omanogo fisa lagaikha.

MAZMUR 94:15

Andiba re wene melalek a'nogo o wene katokhogo palharek oba omanogo nen ekhe inom omamet fugunem, it afuni inobabut higithogo hilingitarek mene nen he ane legeisogo fikhi logogun.

MAZMUR 119:154

An nawene faget nebikhit a'luk he nebe fikhalogo nobagakhi logoin o, Haren wene watnisasigin mene higithogo an nagap telogo nobagain.

YESAYA 42:7

Afuni ekhe ineilenggen mum mene fenggenogo fanorinafik, it ekhe inebe mummo hele warogo ferinarek were'ma fikhalogo telinafik, igin o.

YESAYA 42:16

An nagainafuri ineilenggen mum mene andoma re, kwe it inonggot kwe iren lagaikharek lekwe woginarek lagain, O mum mene andi inelokhoma liaratik, kwe sirek harek mene andi enagaisogo higirabetik, igin o. An nen it faget hilingisigin igi mene andi re, eberogo hilingisigilugat igi o,” isikhe.

YESAYA 56:1

Tuhan nen againafuri inoba ikhi logolik, ”Eil misik wela'luk An waga logolik hinagap telhinabi wagik, nen katokhogo hilingitirek mene a'nogo weinamet figik igin enggere, An nawene melalek werek higithogo katokhogo nek hilingiti logoni o.

YEREMIA 10:19

Afuni Yerusalem mene nen inane humeti logolik, ”Nit he ninoumo mondok hokhorogo hilingik welagoma re fano asu lek hago. Attak niren anggikhi logolik ou ari re nit ninoba asigin halok fano iluk anggasuguba nen, elo'lek kwelegat isugumo o.

YEREMIA 51:10

Tuhan againafuri nen ikhi logolik,” Nit he eberogo mene fikhit welagongge a'nogo re Tuhan nen inuk nisikhe andi. Enggere nit he o Yerusalem lambik he nit nineisena Tuhan Allah nen hilingite mene andoma tindeli louwogen he we'ni o,” ikhi lagaukwa.

AYUB 35:14

Ayub ao, haren ikhi logolik, an he At ebe hikhi lagi lek iluk igik, nen an nawene re At mondogat elu agama re, At ebe nek nenangot hugu welagi igik, ikhi lagen mene andi re ebenagaik alonghogo re andi aro.

YESAYA 51:22

Hineisena Tuhan nen he yi'nogo ili'logo. Hit hineisena Tuhan Allah hit hinili wokhinaferek mene a'nogo nen he mel ikhe, ”An na'mage nen enggin-fenggin hinoba fikhi lagi mene andi re hobuk hit hinoba nen An nen lisogo wanigin o. Nen An nanini hinoba fikhi logogin mene a'nogo legarik lagunem he hit hinoba enggin-fenggin ekhe hogoin mondok lego.

YEREMIA 14:7

An nagainafuri nen nenu hombuk palhi logolik, ”Tuhan, nit ninonggwarek ninaweak oba weak mene ninoba ari'lago o, oba nen he Haren wene watnisasigin mene a'nogo higithogo lebetninabin o. Nit he eberogo nenat nineisena Hebe oboget healuk laga lago o. Ma re niren Hat hoba weak hilingito mene andoma re eberogo aro.