MIKHA 7:14 - Allah Wene Fano Wene Hupla Inane

¹⁴ Tuhan neisena. Hat hagainafuri haren wenaginafigin mene omanogo re, it inebe yat-yatkwe werek mene inom, solikwe werek mene inom, kweang heiselekwe werek mene inom were'ma, Haren halinafi logoin o. Neisena, it he o attak welagaukwa hakhogo inangge nunggu mene re o Basan engga wilibikwe andoma nen inom o Gilead kwe andoma nen inom helaluk ninggi logouwago.

MIKHA 7:14 Referans Kwoze

MIKHA 5:4

Nen, Aren he afuni fano liokhogo logouwageluk hilinginabigin. Ap tentara Asyur mene nen ninoasuogeluk o himbirengge leget pa'leget waganek mene omanogo langgukhogo filik kwi wagunem, nit ninogogwi kaindek inomame werek mene re it inoasuageluk inebe higithogo penogo menfisogoin. A'nogo menfisamo iren he nit ninebe ap Asyur mene inenggimo nen telninabimbik he it inasikhe inom, inarige kabelek inom oba re ap Asyur mene inaiba andoma sebelugun.

YESAYA 49:10

It he, inagai inom inamburu inom nelerogo logogun lek, nen o leimo andoma it faget hibi fululung hibi lagagin legat. A'nogo hilingisigin andi re An nen it inoba inelagaik isikhi lagimo re, it woginarek lagik, hondoginarek i elesi agai fano meneba fisa lagik, hilinginafi logogin o.

AMOS 9:11

Nineisena Tuhan nen a'nogo isikhesik ekhe mel ikhe: ”Nenggi ekhe horok asi wesigin meneba re, An nen Daud lego welagaikheba obali'mo kerajaan a'nogo legeisogo fagain. Yogondak kerajaan andi re o meisalogo pikherek hakhogo hilinglagama werek. Oba nen he, o hobat andoma An nen obalikwe pugunesimbik nekhengge wusumo re, o andi obabut he attak welagaikhe hagat hilingik logogin.

YESAYA 40:11

Ap domba halherek mene nen hilingiterek hak, Aren halinaferek mene andoma re a'nogo halinafu werek. At onggaregenat andoget fisaluk he domba eagwi omanogo agaumo felikhogo woginaferek, obabut sakhorek oba re Aren domba isa omanogo inelokhe palogo woginapluk lagarek.

YESAYA 37:24

Hat hane nen weregabet hikhi logolik, hat hangge kereta weim yafu mene hokhorogo werek andiba re o Libanon oba tom-tom mondok legokwe omanogo sebelogo fikhi lagi iluk yonggo lakfisa wagen andi. Haren he e weile ebe mene inom, mondok uan mene inom mutik, nen o ogoi engga mondok hokho meneba kwigirik, iluk wonoget fakhikhi logolik ikhi lagen.

MAZMUR 100:3

At Tuhan andi ebere, Allah werek a'nogo hinendawimo ebe'no. Nit ninebe re Arenat elalninafikhemo re, At onggwarek meneat welago. Inanggo tegelharek andi hak, ninebe At againafuri mene welagoma, Arenat tegelninafu welagarek.

MAZMUR 95:7

Andi re, we At amu nit nineisena Allah were'ma, nit he At mene anggo domba hakhogo At againafuri mene welagoma re Aren halninafu werek. Hinombawi nen o Meriba inom, o Masa leimo inom andoma nen,

MAZMUR 28:9

Tuhan neisena, afuni Hat againafuri mene andoma inagap telinafik, it afuni Hat honggwaregen mene andoma inoba fanot fisigik, in o. Hat hebe it inobaget gembala higit a'luk hundik-handik andoma Haren mondok-mondok kagalinarek logoino.

YOHANES 17:16

An nebe kweangma mene lek, andi hak he, it ogo, kweangma mene legaro.

MATIUS 2:6

’Hit afuni o Yudea tonggwe o sili hokho mene enu Betlehem welagep mene yi sani! O sili fenakwe yoma enu werek, hilingik kwelegat he, o Betlehem yi nek he, enu lek, esanggoma hak, iluk ugun lego. An nagainafuri Israel mene ap kain mene awe a'ma logogun andi, o sili hit were'ma yoma hinanggele'ma nenat ta'lasigin o,’ iluk lisu palogo fesikhemo werego,” isukwa.

MALEAKHI 3:4

A'nogo hilingitunem o attak hilingiti lagaukwa hakhogo re, Tuhan nen it afuni Yehuda mene inom, Yerusalem mene inomen wam yi mene ti mene nolhi logogun mene andoma re endawimo fano aga logogin.

ZEFANYA 3:13

Nen, it afuni Israel mene o andoma inebe endebengge logogun mene re, iren afuni ekhe inoba iluk ogo weak inoba figik, ineranhogo wene yagaisigik, inane nen lalinafik ikhi logogun mondok lek. It he inangge yi mene ti mene sik-pikhogo were'ma inoba fanorogo nek logogun, nen iren afuni inoba ekhe inailoti logogun lek,” iluk, ikhe isikhe.

RATAPAN 5:21

Tuhan neisena, Haren nit hobuk ninambotkwe sugulogo Hat hoba ninobagaime o. nirogo sugulogo Hat hoba wesugun! Ninebe attak hilingik welagagu hak hilingik logogun nen he halogo ninobagain o,

YESAYA 65:10

Nagainafuri nen An fogetnafu logogun, iren mene inanggo domba, sapi omanogo re o Akhor fanggongma inom o Saron tonggoma inom andoma nen engga fanorogo ninggi logogun.

YESAYA 35:2

O andoma mondogat owil-owilengge wurilogo fegelik lagunem, inagaiyegen wuni lekhikhi logogun. Elokhe hilingik logogin mene re tom Libanon hilingik hakhogo mondok pigin-pugunsek logogin. Elokhe heanerogo hilingik mene re o Karmel fanggong inom, Saron fanggong inom hak hilingik logogin. A'nogo hilingi'mo re ap inebe lombogen nit nineisena Tuhan Omame werek mene a'nogo inom nen nineisena Allah elalin hilingiterek mene omanogo inom ineilenggen hogoin.

MAZMUR 143:5

An nen nenggi attak welagagi mene omanogo faget ebethigik, Haren hilingitigin mene omanogo faget ebethigik, Hat henggiba nen elalhigin mene omanogo faget menenei ebetik, hilingiti lagi.

ULANGAN 33:28

Hit ap Yakub en tagomangge mene yi, hobuk o fanoma hinabolo'lek logouwageluk, meiso pogoroba nen pelabi wagunem lilengge nen kweang minyeratunem, gandum inom, anggur enggen amusu inom, hokhorogo were'ma logolik, fano lioksek mondok logoino o.

BILANGAN 23:9

An nebe tom unggul-unggul andoma nen neilenggen it inebe yerisigik, nen punu-punukwe andoma nelokhe hebekhogo yerisa lagik igi o. Yethani, afuni inunggulenu hunogoat mene ekhe inom lek, we inunggulenu it mene nek a'li!

KELUARAN 33:16

Haren nit lebetnisaganin lek halok, afuni nen he, Musa inom, afuni Israel mene inom, inebe at Allah oba liok ili'logo higi, iluk ninggi'nogo nen inelu asugun anggegen. Hat nit ninom mondok logogun andiba afuni kweangma welagaikharek mene ekhe hunogoat, nen nit Israel mene hunogoat, enegat asigin o,” iluk yagatikhe.

RATAPAN 1:7

Mondogat wolelenggenhogo taik igik, ou-pou engge hokhorogo hilinglagik, ikhemo nen enek he, Yerusalem enggi werek hilingik logolik attak hilingik welaga mene aremnogo ebethikhe. A'nogo ebethikhi logolik he afuni o aren andoma inaselei mene inenggimo agu kwelek enek he, ap misigen ogo ekhe lebetnabi lagaikha lek anggikhe. At wolelenggenhogo taik ikhe mene a'nogo at aselei mene nen ineilenggen hagasik he obaget endo yata.

IMAMAT 27:32

Wam kulharek mene ebe 10 nen mene misik ekhe anggele'ma Tuhan mene logogin. Nen, wam omanogo inenggi wenagaisogo 10 ba aga mene andi re Tuhan mene logogin.

KIDUNG AGUNG 4:1

Hat hebere mondok pugun-pagansek logolik, ebenggene welagen, eberogo nenat hat he heil alili fanorek welagen. Hat heilenggen su salek welagen mene andi a'ma fikhit andoma re sue pel higit hilingik welagen, hat hesi re, kambing ulukhogo o Gilead punukwe pikhi logolik hilingiterek hak foinalik-lenggalik laga lagen.

YEREMIA 49:31

’Louwogen we'ni o! Niren he, ap iren anggikhi logolik nit he fano liokhogo logolik ninailo legengge welago, iluk anggili'lagwi mene andi inoba pin talogo inoasi louwogen we'ni o. It inawi kota re kwe ambe palek hokho mene ogo, kwe kelok ogo werek legenggere andi faget along werek fuk,’ iluk ili'lagwi,” yagaisigi.

YEHEZKIEL 36:11

Afuni inom, hinanggo inom, An nen ekhe inom oba loukhogo wokhisugunem, attak he maben hak welaga oba nen he, mondok hokho-pokhorogo sik pik ugun, nen iren he, inagainafuri inom, inombawi inom, hokhorogo taginabugun. It inebe re o andoma attak welagaukwa hakhogo were'ma An nen sik pikhogo ekhe hikhi lagaukwa lek mene hilingfisagain. Andiba re, iren An Tuhan welagirek mene a'nogo inelu asugun.

BILANGAN 32:1

It inunggulenu Ruben mene inom Gad mene inom he inanggo hokho-pokhorogo welagaikhe. Iren ineilenggen hasukwa re kweang o Yaezer inom Gilead inom omanogo re it inanggo konikhi logou oba obalik mondok fano hilingi'mo hasukwasik,

YESAYA 27:13

Inenggi andi sambul he afuni Israel mene re o Asyur inom Mesir inom huginabi lagaikha mene omanogo sugulogo inambotkwe wesuageluk trombet ane hokho meneba futhogoin. It wesimbik he o Yerusalem punu horek mene a'nogoba ineindep awi yagaisogo Tuhan fogerasi wesugun.

OBAJA 1:19

Nen it afuni o Yehuda abel selatan fikhit werek mene andoma re o Edom oba andoma sebeli kwimbik logogun. Nen, it afuni tom-tomkwe mo ubuk ikherek fikhit logogun mene nen he it afuni wilayah Filistin meneba andoma inomame legetfisambik sebelogoin. Nen, it inunggulenu Benyamin mene nen he o Gilead sebeli kwimbik logogun. Nen, it An nagainafuri Israel mene nen he o Efraim mondogat oba inom Samariaba inom sebelambik logogun.

ZAKHARIA 10:10

O Mesir en inom Asyur en inom An nen it inaiba sugulogo woginarek wesigin. A'nogo fisa wesimbik, it inonggwarek inanggweang oba andoma fisamo logogun. An nen o Gilead inom Libanon inom ogo woginarek wesumo, o kweang andomaba mondogat it mene nek hoporek logogun o.

ZAKHARIA 11:7

An Zakharia nebe, it domba onggo palharek inap omanogo nen domba watu mene omanogo halhi logouwageluk onggo palnafa. Nen, an nandomuk he ebe pire mene were'ma re, ekhe enu, ”Endawi fano” salhigi, nen ekhe re, ”Hele homago” salhi. A'nogo salhirik he an nen domba omanogo halhu mene erorati.