MIKHA 7:11 - Allah Wene Fano Wene Hupla Inane

¹¹ Yago, hit afuni Yerusalem mene yi sani! Yogondak he, hit hinawi kota leget pa'leget waganek mene a'nogo nekhengge obalik kwe wusugun oba arat horogasi waga. Nen, linggene andi sambul he, o hit logogun kwe wilayah re mondogat wogolarik lagain.

MIKHA 7:11 Referans Kwoze

NEHEMIA 2:8

Andi nen ekhe re, e ogoi at raja mene hun Asaf en kagalek welagaikhe mene o Allah awi wurik era'lukwe leget pa'leget ambe palugun mene faget inom, o kota leget pa'leget wusugun mene faget inom, o an nebe logogin oba wusugun mene faget inom, tegelogo nobagauwageluk at faget surat ekhe wo'nesuagaluk kino yagatigimo, Allah nen an lebetneasikhemo, an nen kino isigi mene andi at raja nen mondogat hilingnobagasikhe andi.

YESAYA 54:11

Tuhan nen ikhi logolik, ”Hat Yerusalem kota sebelek mene hak logolik, afuni hendawimo konhabu mene legen hafe kulakhogo welagen mene yi. Hat hubule re An nen helep onggo hokho meneba nek nekhengge tik warogo wuthobagagin o.

NEHEMIA 4:6

A'nogo yaganisugu kwelegat halolot fisaluk, nit leget pa'leget a'nogo wuti lagaguat. A'nogo wuti logolik, afuni nit mene mondogat ninomamerogoat wuti lagagu andi nen he, leget pa'leget andi mondogat weak-weagat wurogo obakheba fei lagasugu andi.

NEHEMIA 4:3

A'nogo isikhemo, at Tobia, Sanbalat era'lu logolik, mel isikhe: ”Iren leget pa'leget wuta mene a'nogo, mene olo mene enda'ma mene nen meisalu hak iriwaringge wuta andi yethani!” iluk isikheat.

NEHEMIA 2:17

A'nogo meneat he, an nen hobuk it mel yagaisasigi: ”O kota Yerusalem mondok wolelenggen tagalogo fotfisigik, nen kwe ambe palek kwe mondogat endu fesukwama felelenghogo ninggik, isikhemo, wene nit ninoba were'ma, yi enggin ti enggin hugu mondok welagorek andi hikhi lageba? Afuni nen inendawimo seramet ninobagaluk weaget ninafarek andi lek asuagen he, o kota Yerusalem ebe inom, leget pa'leget wurik welagaikhe mene inom, meisalhukwa a'nogo hobuk ambotkwe legeisogo wusuogo,” iluk yagaisasigi.

DANIEL 9:25

Wene yagahesigin yi, helu asuageluk fanorogo futfeino o. O Yerusalem meisalek mene andi hobuk ambotkwe wusuageluk wene ero wulafikhe andi huli nen, ap enupogot misik ekhe Allah nen wenagaisogo menfagain mene andi wesigin huli, inenggi 7 kali 7 tahun logogun o. A'nogo logombik, hobuk inenggi 62 kali 7 tahun logolik, o kota andi hobuk ambotkwe wutik, o sili hilingitik, leget kat wanhik, ugun meneat he, andem oba re enggin-fenggin inoba hugu mondok logoligat wusugun.

YESAYA 54:2

Hat hebe welagen oba andoma elonggo wogolha wulipluk he hawi tenda wurilogo salino o, hele homatu mene re uanhogo lisago homakfuluk pebuk he omamerogo telogo pelabino!

YESAYA 58:12

Kota endam mene mondogat meisalogo pikhe mene andi re hiren ubule ket mene warogo amboloba nekhengge wusugun. Hit faget he, ”Inunggulenu leget pa'leget nekhengge wanhik, o molulukhogo pikhe mene omanogo halogo wutik, hilingita inabo,” iluk ikhi logogun o isikhe.

YESAYA 61:4

Iren he, o kota-kata endamat meisalhukwa mene andi hobuk wutik, o attagaren inombalak ta'larik wagaukwa huli afuni inebe lek welagaukwaba andoma, o sili hokhorogo wurogo kwigik, ugun.