MIKHA 6:2 - Allah Wene Fano Wene Hupla Inane

² Hit tom inom kweang huli werek mene inom, Tuhan nen wene hinoba hikhibet hisageluk ili'lago mene andi holini o. Allah nen he againafuri Israel mene unggum inoba fagain iluk hilingiri'lago andi.

MIKHA 6:2 Referans Kwoze

HOSEA 12:2

Yi'nogo ti'nogo ap Israel mene nen huberen pikhit hubanggo hilingiri'lagwi mene andoma re, alomarogo nek hilingiri'lagwi, obaburugwi re sogoi timur fikhiren furogo legetfikherek hak hilingitik, inobabut haferogo nek inaniniba hilingitarek mene andi it inanggele'ma nen hokhoabet fili'lagwi. Iren he it afuni Asyur mene inom sebe'luk, ninom hundik logouwogo iluk wene wat-wat uogeluk enegengge re minyak wokhagaresik o Mesir logoin iluk hilingiri'lagwi,” ikhe.

HOSEA 4:1

Tuhan he, afuni o yi werek mene inom wene werego. Enggere Israel mene yi sani, Aren ane ikherek mene andoma furogo holhi logoni o, ”O kweang yiba re tiphogo hilingitu mene inom, inendawi hundik hilingitu mene inom werek lek. It afuni oma werek mene nen ogo An Allah iluk eberogo inambeba nen fageri'lagwi mondok legat.

YESAYA 1:18

Tuhan en ikhi logolik he, ”Hit weak hilingitu mene hinenggiba mep yuguli'mo unggum hinoba werek oba nen ogore An nen sue yanggwi esi eil kut andi higit pugunet hinobagagin o, nen hiren weak hokhorogo hilingitik, enggin mene hinoba welagik, hilingik welagep oba nen ogore, An nen mondogat sagalogo legetfisagain aro. Ma re, wene hinoba werek mene andi An nen korogo wokhagain enggere noba we'ni o.

MAZMUR 104:5

Kweang tik warogo ninghogo fesiginmo werek mene andi re, mondok-mondok andoma abolok igi'lek, etok mondok logogin.

2 SAMUEL 22:16

At Tuhan nen aselei mene inoba a'mage lagaluk ane pararak etu sambul andi re, i laut yenggelek mene fem a'ma ma'lima mondogat weinam agarek, nen kweang a'ma timuk liabek mene ma'lima hurogo lagarek

ULANGAN 32:22

Endu amulok melang-melang, ninggerek hak, it ina'makwe het-perimbik, nilik huli fem a'ma ma'limaat pigin, yago mene mondogat nagain. Tom ebe ninggi logolik, ero inom mondok tamukhogo nagain.

YEREMIA 31:37

Linggene ekhe sambul pogot pori ilirengge walhigik, nen kweang tik warek mene ari ero pilingitik hilingisumo nen he, o andi sambulat An nen afuni Israel mene inanini mondok weak hilingiri'lagwi mene iluk tamakhogo lakhinobagaile o,” Iluk Tuhan nen nane mondogat igi o, ikhe.

YEREMIA 25:31

At ane ugu mene re o kweang wurep-wurep andoma mil esi lili'logo. Tuhan nen he yi afuni ti afuni inunggulenu lombok inoba wene paligiluk hilingiri'logo, Afuni mondogat wene inoba figik, kotik imbik he, ap inanini mondogat weak mene re unggum wogisagain,” iluk ugunem higi.

YEREMIA 2:9

Tuhan nen a'nogo ikhesik, wene ekhe againafuri faget mel ikhe: ”Yogondak he An nen wene hit hinoba ekhe fikhi lagi o. Nen hiren tagomangge mene hinombalak andoma inom wene inoba mene ayo wurinabigin aro.

YESAYA 43:26

Wene andi eberogo nen iluk ninelu asuogen he, o inanema wanigin oba lambik, Hit eberogoat egep, iluk enegat asuagen he, Yi'nogo isigin anggigi, iluk ebetneano o.

YESAYA 5:3

Andi nen he, yogondak an nare nen ikhi logolik, ”Hit afuni Yerusalem mene inom, Yehuda mene inom An nebe faget inom neabu anggur yabu andi faget inom wene higithogo palnesugun o.

AMSAL 8:29

isikhesik, i laut yenggelek huli warek mene ambe heilanghogo wulifi logoinogo iluk yagatik, isikhe andi an neilhanem aro. Nen, kweang tik watikhe andi re an nebe werek kwelegat.

2 SAMUEL 22:8

Nen At Allah a'mage lagunem he, kweang mondogat abologetik, leigetik ikherek. Tom-tom anduli liabek mene ma'lima talotik, leik waririm etik ikherek.

ULANGAN 4:26

Hiren he, o i Yordan palogo kwimbik logogun oba andoma nen, an nane hologo hilingisugun lek halok, Allah nen hinebe mondok legethinabumo ekhe inom logogun mondok lego, iluk kweang pogot inesanggo holek werek kwelek igi andi.

YESAYA 3:13

Tuhan he, At againafuri omanogo inawene pilingisogo wene inoba figik kotik igiluk mendek logolik fik-foukhogo werek.

MIKHA 6:1

Hit afuni Israel mene yoma, hineisena Tuhan nen wene hinoba hikhibet hisili'lago hilingi'mo re hinesanggo fanorogo holini o. Tuhan neisena, afuni Israel mene nen kwanirek mene mondok hilingiri'lagwi andi nen he Haren inoba hikhiberisagain iluk hilingiti lagen mene andi hilingisin o. A'nogo hilinginafunem he tom hokho mene inom endep mene inomen he Hat hane igin mene inesanggo holuago.

HOSEA 12:3

Tuhan he wene unggulenu Yehuda mene inom werek, Aren it Israel mene ogo it inobabut oba unggum wogisagain. Nen Arenat it inobabut hilingitarek oba ambisangma hilingfisigik igin.