MIKHA 6:12 - Allah Wene Fano Wene Hupla Inane

¹² It ap kaindek inenggi werek inap hit hinawi kota andoma werek mene nen he inaniniba nek ap inenggi lek mene omanogo sebelogo fisagarek. A'nogo hilingitunem hit hinebe mondogat he hineranhogo wene lalinabugun mene nek hilingiti lagep.

MIKHA 6:12 Referans Kwoze

HOSEA 7:13

Iren An nobagaluk lili'lagwi andi nen he it inebe alomat laga logouwak. It he, An ninom eilhogo hilingiri'lagwi enggere it inebe mondogat wololenggenhogo hilinglaga logouwak. An nen it inagap telinabile iluk nendawimo anggikhi lagiba nen, iren An nobaget hilingiri'lagwi mene andoma re, we henarogo nek hilingiri'lagwi.

YEREMIA 9:8

It inane ili'lagwi mene re tok wei lambelegengge nen ap inoaterek hak ugunem he, inali'lip mondok ambik. It inambelema nen wiliferek mene re ineranhogo wene nek hoporek. It inane ugunem he mit-mirengge hilingi'mo ap endawinggen literek, oba nen inonggwaregen hele yebet fakhagarek oba nen hilingik.

YESAYA 1:23

Hit hinogogwi kaindek fethinarek welagaikharek mene omanogo re wene oak sagalogo hilingiti logolik he, afuni yogot wanharek mene inom sebe'luk weak hilingiri'lagwi andi. A'nogo hilingiti logolik he yi mene ti mene weat wogisugunem heligik, inenggi a'makwe nen heligik hilingiri'lagwi. A'nogo hilingiti logolik he, yenggerugwi suarek mene afuni unggum pilingitarek oba omanogo nen unggum inoba fisugunem it inebikhit agi'lek, hemi sogwe mene inane agarek mene omanogo inane holhi'lek, hilingitarek andi.

YESAYA 5:7

A'nogo hilingisigin andi re At Tuhan Omame Mondok Hokho mene a'nogo eabu anggur yabu andi re At againafuri Israel mene andiat. Nen At onggwaregen anggur awi yakhikhe mene andi re it afuni Yehuda mene inebeat. Ma re At Tuhan nen anggikhi logolik iren higithogo hilingiti logoilep anggikherek, oba nen kwanirogo nek hilingitu werek, wene higithogo hilingitarek awene andi nek omamet fouwageluk anggikherek oba nen, we afuni weagerogo fisugunem lebetninabuageluk hum-ngaiengge hilingitu werek mene andi nek esanggo holherek.

YESAYA 3:8

Ibi eberogo nen Yerusalem he mondogat nonghong igin! Nen, Yehuda re lobakhogo pigin. Andi re it inane agarek mene inom, inobabut hilingitarek mene inom he Tuhan ane sagalogo fuluk, At omame werek mene a'nogo inom eil eri'lagwi andi nen hilingisigin.

ROMA 3:13

Afuni inebe warek fisagarek oba nen, amben wuliferek hak, it inane amben weak mene wulafik, inameli handogalse'ma re, afuni lalinafik, kisu aigen libilinafunem wa'lagaikharek hak, it inambeba weagerinafik, ili'lagwi andi.

ZEFANYA 3:3

It ap o andiba yi kain ti kain werek mene re mene singa ngin eterek hak hilingitarek inap werek. Nen, it ap Hakim wene higithogo tegetarek inap andoma re no serigala nen nunggu mene nele welerogo logolik hilingiterek hak, iren oak misik iluk ogo hobit nunggu mene iluk ekhe fagarek lek.

HOSEA 7:1

A'nogo isikhesik Tuhan nen ikhi logolik, ”Hundik-handik An nen nagainafuri Israel mene inebe fano hilinginafik, inambotkwe pugunhogo fisigik, hilingisigin iluk hilingitu sambul aremnogo isikhi lagimo re, weak hilingisugun mene inom, inaniniba hilingisugun mene inom enek hilingiri'lagwi. Iren he, ineranhogo wene lalalengge hilingitik, afuni inaiba yogot hinasi kwigik, ebekhe kwe nen telogo heligik, hilingiri'lagwi andi.

MAZMUR 35:20

It inane fano sakhorogo igi'lek he, iren afuni fano inebe seberogo werek mene omanogo lalinabugun mene nek inawene kagalhu werek.

AMOS 2:4

Tuhan nen ikhi logolik he, ”It afuni Yehuda mene re hundik-handik weagenek hilingitu weregen he, An nen eberogoat unggum inoba fagain o. It he An nen nane yi'nogo hilingi'no ti'nogo hilingi'no iluk yagaisikhi lagi mene taganetfigik, An nen yagaisikhi lagi mene a'nogo futfigi'lek hilingitik, hilingiri'lagwi. It he it inombawi nen kembu ilah amu mene apne wanhi lagaukwa mene nineisena ebe yi aro iluk, fogerari'lagwi andiba inebe lalinaferek andi.

AMOS 6:4

Hit hinebe nogogu mene mondok fani-fano meneba nek nogogik, nen pesta hilingisuogeluk he wam domba inom sapi inom ai mene ebe fano meneba nek hilingitik, ikhi lagep mene yi sani, Eige, nendawilage, hit he weaget hinabigin o.

MAZMUR 78:36

Oba nen he, iren At oba henarogo nek hilingitu logolik, it inane ugu mene ogore ineranhogo wene nek ikhi lagaukwa.

MAZMUR 120:2

Tuhan neisena, it afuni ineranen wene igik, inane nen weregaphogo igik, agarek mene andoma inoba nen telnabin o.

ZEFANYA 1:9

Nen afuni An inonggot mene nen hilingitarek hakhogo An nobaget a'nogo hilingitarek mene inom, nen it inogogwi inailoba andoma yi mene ti mene hugul wanharek mene omanogoba hoporasugun iluk inangge hinatik, inebe inoatik, hilingitarek mene andoma re An nen unggum inoba fagain enego,” iluk ikhe.

KISAH PARA RASUL 24:9

A'nogo yagatikhemo, it ap Yahudi mene fena omanogo nen ogo re, wene at oba fikhi logolik he, ”At Tertulus nen ikhe andi, eberogoat ikhe o,” iluk yagatukwa.