MIKHA 5:4 - Allah Wene Fano Wene Hupla Inane

^4-5 Nen, Aren he afuni fano liokhogo logouwageluk hilinginabigin. Ap tentara Asyur mene nen ninoasuogeluk o himbirengge leget pa'leget waganek mene omanogo langgukhogo filik kwi wagunem, nit ninogogwi kaindek inomame werek mene re it inoasuageluk inebe higithogo penogo menfisogoin. A'nogo menfisamo iren he nit ninebe ap Asyur mene inenggimo nen telninabimbik he it inasikhe inom, inarige kabelek inom oba re ap Asyur mene inaiba andoma sebelugun.

MIKHA 5:4 Referans Kwoze

MIKHA 7:14

Tuhan neisena. Hat hagainafuri haren wenaginafigin mene omanogo re, it inebe yat-yatkwe werek mene inom, solikwe werek mene inom, kweang heiselekwe werek mene inom were'ma, Haren halinafi logoin o. Neisena, it he o attak welagaukwa hakhogo inangge nunggu mene re o Basan engga wilibikwe andoma nen inom o Gilead kwe andoma nen inom helaluk ninggi logouwago.

LUKAS 1:32

Nen, omalik andi alue asimbik kain agunem he, afuni nen he, Tuhan Allah kain welagarek a'nogo amlogo higi o, iluk ikhi logogun. At omba Daud andi enupogot logolik, afuni aren ferinarek welagaikhe a'nogo obali'mo re, nineisena Tuhan nen, at andiat menfagain o.

WAHYU 11:15

A'nogo isigiri'mo nen, it malaikat inebe 7 nen omanogo, inebe falfalik mene inambinggong arat anet hagasi'mo nen, ekhe ambinggong anet hugunem he, pogoroba nen inane hokhorogo yi'nogo ugunem holhi: ”Attak afuni kweangma mene nen inawe a'ma fisaluk ferinarek welagaukwa mene re, yogondak nineisena Enupogot Allah nen ninoe Kristus nen telninabuageluk menfesikhe mene a'nogo emberegen inawe a'ma arat ninobagagasik, at Kristus nen fetninarek mondok-mondok logogin o,” iluk ikhi lagaikha.

1 PETRUS 1:5

Hinendawinggen at Allah oba eberogoat himbirik welagep andi nen, at omameba fethinarek logombik he, hobuk hinebe fanothinabigin mene wurep oba weinamet fagain andi.

YUDAS 1:1

An Yudas, Yakobus agot, Yesus Kristus amingmingengge a'nogo nen, hit wene yi lisu palogo hinoba lakfei wagi andi. Nerugwi nagaila'lak. Allah nenat hinayonggo fesikhesik hinebe endawi logolik, hinoe Yesus Kristus inomenat fethinarek mondok werek andi.

EFESUS 1:3

Ninoe Tuhan Yesus Kristus eisena Allah at fogerati logouwogo. Nit Kristus ninom hundik were'ma, at Allah nenat fano mene mondogat ninendawinggen faget pogoroba nen wo'nisasikhemo welago.

YOHANES 20:17

A'nogo hai watikhemo re, at Yesus nen he, mel yagatikhe: ”An nebe neisena oba lagagi'lek oan welagi andi nen he, henggi abirogo fetnarek logogun o. An nagoromi wene yi'nogo iluk, yagaisa Ian o, An inom, hit inom, nineisena Allah oba himbirik welagorek mene a'nogo oba lagaigeluk ikhi lagi, ikhe iluk nagoromi yagaisa Ian o,” iluk yagatikhemo,

YOHANES 10:38

Meneat he, an nen hilingitu kwelegat, hit eberogoat iluk hinendawinggen an noba himbiret fou hinabit andi o. A'nogo hilingiti lagi mene andi eberogoat iluk futfeni o,” iluk a'nogo yagaisikhi lagaikhemo,

MATIUS 25:31

At Yesus nen a'nogo yagaisasikhesik he, wene ekhe mel yagaisasikhe: ”An abat ta'lasi wagagi a'nogo, afuni nen fogetnafu kwelek it malaikat pogoroba mene andi mondogat ninom wesimbik, an fogetnafu kwelek kain nenupogot welagirek oba logolik,

MATIUS 16:18

Nen, ekhe inom yagahesik. Hat henu helep u hak Petrus o. Nen, helep isa yiba himbirogo re, an nagoromi andogorogo fisaluk o hak wurogo inobagagi halok he, at kweang a'ma eisewerek a'nogo nen ninghogo ferinarek logogin lego.

MATIUS 2:6

’Hit afuni o Yudea tonggwe o sili hokho mene enu Betlehem welagep mene yi sani! O sili fenakwe yoma enu werek, hilingik kwelegat he, o Betlehem yi nek he, enu lek, esanggoma hak, iluk ugun lego. An nagainafuri Israel mene ap kain mene awe a'ma logogun andi, o sili hit were'ma yoma hinanggele'ma nenat ta'lasigin o,’ iluk lisu palogo fesikhemo werego,” isukwa.

ZAKHARIA 9:10

An Hineisena Tuhan nen ikhi logolik, ”It Efraim mene inanggo kuda andoma re An nen hugisagain o, o Yerusalem oba inanggo kuda andoma re, An nen mondogat legetfisagain, nen, inasikhe andoma mondogat lilibukhogo lakfisagain. Hit hinoe raja andi nen ap inunggulenu mene inanggele'ma andoma fano liokhogo welagaikharek mene faget wene menfagain o. I laut ekheba nen ekheba andoma At omame a'ma nek ferinarek logogin, nen, i Efrat ima nen he, o kweang wurep kobokhogo andoma huli re At enggiba nek logogin.

YESAYA 52:13

Tuhan nen ikhi logolik, ”Eberogo nen he An namingmingengge nen ambisangma fanot fagain o, at legeisogo fikhi logolik agaukhogo fogerati logogun.

YESAYA 49:5

An oan ta'lagi'lek werek kwelek Tuhan en an At amingmingengge logouwageluk nayonggo fikhe. At againafuri Israel mene andogorogo fisaluk woginarek inambotkwe sugulogo At oba wesuageluk nayonggo fesikhe. Tuhan nen he an ap nenu werek logouwageluk hilingisogo nobagaikhe, nen At Allah re, an nomamet nafu mene werek.

MAZMUR 145:12

Nen Haren hilingitigin mene andoma re mondok hokho mene hilingitiginmo re, o kerajaan Haren mene andi re mondok ombak-bak hilingi'mo anggiluk werek andi nen he it afuni mondogen inelu aga logogun.

MAZMUR 98:3

At againafuri Israel mene inoba endawi hundik hilinginafik, tiphogo hilinginafik, hilingiti laga mene a'nogo faget eberek werek. Nit nineisena Allah omame aga lagaikhe mene omanogo re yi afuni ti afuni o kweangma welagaikharek mene mondogaren, ineil arat haga.

MAZMUR 93:1

At Tuhan andi re Raja. At ebe homame hokho were'ma foget fagarek mene andi re su labetarek hak laberek werek. Kweang he tik ninghogo warogo fesikhemo re, abolok ikherek lek.

MAZMUR 72:19

At enu esin mondok welagarek andi nen he, fogeratu mondok logouwok. Nen o yi awi ti awi mondogat he At ombakbagen enek sagorek logouwak. Eberogo nen a'nogoat aga logouwak Amin, iluk igi andi.

MAZMUR 72:8

Nen o kerajaan at ebe logolik a'ma ferinarek logogin kwe re i laut ekheba nen laut ekheba andoma hilingik logouwak, nen, o mo wulibi wagarek fikhiren he mo ubuk ikherek huli andomaba wialarik laga logouwak, neisena.

MAZMUR 22:27

A'nogo nolhetunem, it afuni inelagaik mene re eberogo nen inalabut ninghogo nogoin aro. It afuni At Tuhan oba waga logogun mene re, At enek fogerati logogun. It andi yagaisikhi logolik he, ”Hinendawimo hinagaiyek hugu mondok logoino,” iluk yagaisikhi logogunat.

KELUARAN 23:21

At ebe An nen yonggo lakfei wesigin mene hilingi'mo re, hiren at a'mage lagau hak mene hilingisu fuk, athe, at ebe futfigik, ane hologo hilingitik, hilingi'no. Nen hiren a'nogo hilingisugun lek halok he, ane sagalugun andi faget aren korogo wokhagain lek.

YESAYA 52:10

Tuhan omame werek mene a'nogo it inunggulenu mondogat inoba inugisamo re, afuni o kweangma yi awi ti awi unggut-unggut welagaikharek mene mondogaren he, Allah nit nineisena telninaferek mene a'nogo ineilenggen hogoin o.

YESAYA 45:22

Hit afuni mondogat kweangma welagep mene yoma sani! Hineisena Allah re An namuat welagi, amu mene ekhe werek lek, andi nen he hit hinagap telasubagaigen An noba sugulogo waga logoni o.

ZAKHARIA 13:7

Tuhan Omame Mondok Hokho mene a'nogo nen ikhi logolik, ”Hat karok yi menlasimbik he, gembala An nobaget yabu hilingiri'lago mene ari wasin o! Wat foumo re domba omanogo mondogat tel-fol uak. Oba nen he An pi wesimbik wam domba eagwi andoma koninafu logolik, ferinarek logogin.

MALEAKHI 1:5

A'nogo ugunem, it afuni inunggulenu Israel mene nen ineilenggen nen tomok haluk he, iren mel ikhi logogun: ”Yago, Tuhan andi re, Omame Mondok Hokho mene o, nit afuni Israel mene inom it ekhe yatkwe welagaikharek mene inom mondogat he, At omame a'ma nek welago higi o,” iluk ikhi logogun.

YESAYA 8:7

Andi nen he An Tuhan en raja Asyur mene inom, agoromi tentara inomen it afuni Yehuda mene hinoasuageluk inayonggo fisaluk lakfisa wesigin. It wesugun mene andi re i Efrat fu laga logolik i esanggokwe sengseng lagarek andi hakhogo hit hinebe sebelhinabi wesugun o.