MIKHA 5:12 - Allah Wene Fano Wene Hupla Inane

¹² An nen hobuk he hiren tugwi kembu alik waganogo pugunet fuluk fogeratik, nen amu-amu mene andoma nen lebetninabigin iluk fogeratik, ikhi lagep kwe andoma wolelenggenhogo legetfisagain. A'nogo legetfoumo re hiren hinenggiba agauwak halfuluk fogerati lagep mene andi re ekhe fogerati logogun lego.

MIKHA 5:12 Referans Kwoze

WAHYU 22:15

A'nogo meneat he, it afuni ekhe weak inabit mene hilingitarek mene inom, it wesagun anggwelek inoatarek mene inom, it pailak hilingitik, fakfisoageluk hilingitik, agarek mene inom, it afuni inoatarek mene inom, it inendawinggen tugwi kembu oba himbirik logolik fogeratarek mene inom, it inambeba nen lalinafik, yi mene ti mene hilingiti logolik, lalinafik, agarek mene inebe lombok inom, mondogat o kota andi abel endakwe logogun o,” iluk yaganete.

WAHYU 19:20

A'nogo were'ma, at ekhe attagat wagaikhesik, ”An Allah ane yagahisikhi lagi,” iluk eranenat mene olomene hangge a'nogo eilhanem elalin mene hilingiti lagaikhe a'nogo nen, lalinafunem eberogoat hangge, it afuni ekhe nen he, ”Nit at mene olomene hokho mene a'nogo agoromi,” iluk enegengge inoba wanhik, mene olomene hokho a'nogo ebe ilirengge hilingik a'nogoba inendawinggen himbiret figik, ikhi lagaikha meneat he, yogondak mene olomene a'nogo ebe inom, eranenat lalinafi laga mene a'nogo inom, emberek fakfisaluk, hele warogo i laut endu mene yenggele'ma hendali al hangge amben weak mene enu belerang inom amulok palfigi''lek nunggu mondok welagare'ma andoma inebe inelugengge pelakfisikhemo were'ma yerisigi.

YESAYA 2:18

Tugwi kembu ekhe mene ekhe mene andoma re mondok felelenghogo legasigin.

YESAYA 27:9

Oba nen he afuni Israel mene inaweak legabesugun he yi'nogo hilingisugun oba, iren mezbah dewa andoma mondogat wolelenggenhogo wul al hakhogo hilingfigik, Dewi Asyera alik waganek mene inom amben fano mene iluk noletu mene omanogo inom mondogat wolelenggenhogo leget fogoin halok enek he it inaweak elok leget fisagain o.

ULANGAN 18:14

At Musa nen a'nogo yagaisasikhesik, wene ekhe mel yagaisasikhe: ”Afuni inunggulenu o hit hobuk kwilambik logogun oba andoma welagaikharek mene inobabut he, afuni ekhe wene hobuk hilinglasigin mene faget inendawinggen wenggelogo wesarogo yi mene ti mene hilingitik, agarek hak hilingitunem esanggo hologo hilingitarek mene were'ma logoin andi. A'nogo meneat he, nineisena Tuhan Allah nen, hit a'nogo hilingisugun lek iluk wene palherek.

YEHEZKIEL 16:41

Hat unggum hoba fogoin sambul andi re iren hat hawi wurik omanogo wolelenggenhogo fikhi logolik hemi inoba kumuthabuageluk yagaisamo kumuthafi logogun. A'nogo hat babi hilingiti lagen mene andi re An nen palogo fagain. Haren it hendawinggen hundik hilinginafi logolik inagaiyekhogo iluk onggo palogo wogisikhi lagagin omanogo hakhogo ekhe hilingisigin lek.

YEHEZKIEL 36:25

Andi mondogat hilingfuluk hit hinebe hinanggembu oba nen inom nen yi weak ti weak hilingutunem hinebe emethinobagaikhe mene andiba nen inom An nen i eil wurik meneba sobalhinabigin.

ZAKHARIA 13:1

Tuhan Omame Mondok Hokho mene a'nogo nen ikhi logolik, ”Linggene andi sambul he i elesi misik ekhe wulibi waga logolik, Daud ambisangma mene inom, afuni Yerusalem mene inom tugwi kembu fogerati logolik weak hilingiti lagaukwa mene omanogo horogo leget fisagain.