MIKHA 4:9 - Allah Wene Fano Wene Hupla Inane

⁹ Hit hinane hokhorogo le aga lagep andoma re, nenahalok? Hemi inomalik takhouwogeluk heinet watarek hak, yi enggin ti enggin ikhi lagep andoma re ninggi'nogoluk nogo? Andi re, hit hinoe raja legen a? Athe, it ap wene komo wene yagahisagarek mene omanogo re mondogat wa'lagaikhama a?

MIKHA 4:9 Referans Kwoze

YEREMIA 8:19

Holini o! Afuni an nunggulenu mene o kweangma yi awi ti awi mondogat lenggu-lengga ikhi logolik yi'nogo ili'lagwi, ”At eisena Tuhan a'nogo re o Sion oba re ebe legen a? Nen yogondak he at eisena raja a'nogore koma werek?” iluk heinok wili'lagwi. A'nogo ugunem it ineisena Tuhan Raja a'nogo nen ikhi logolik, ”Nenahalok hiren kembu dewa mondogat weak mene andiba hineindep awi yagaisogo fogerati lagep nogo? Nenahalok hiren tugwi kembu wurogo hilingiti lagep oba An nendawimo ou pourogo hilingnobagakhi lagep nogo?” ikherek.

HOSEA 10:3

We horok eil misik wela'luk iren ikhi logolik, ”Nit he Tuhan oba ninailo anggogorek lek hilingi'mo re nit ninoe raja werek lek. Enggere nit ninobaget ninoe raja logagin andi re ninggi'nogaluk nogo?” ikhi logogun.

HOSEA 3:4

A'nogo yagatigimo At Allah nen he, ”Andi hagat afuni Israel mene inenggi hokhorogoat inoe enupogot inom, inogogwi kaindek at enggi ebekwe mene inom, le'ma logolik, wam warogo An nolnetik, afuni inalik hilingik mene oba himbirik logouwogeluk menegeisogo figik, tugwi kembu fisogo welagik, hobuk hilinglasigin mene faget inelu asuageluk hilingitarek mene fisogo welagik, ikhi logogun lego.

RATAPAN 4:20

Iren ap raja Tuhan nen wenago mene a'nogo seneta, ap iren anggikhi logolik nineluk wo'nisa mene, nen nit ninaselei mene inoba nen aren telninabu mene. iluk anggikhi lago mene a'nogo re iren seneta.

YEREMIA 50:43

A'nogo wesigin iluk ugunem holhaluk he, raja Babel mene re at oak elekwe hololong ili'logo. At mondogat ailo nek agunem he, hemi ineagwi taginabuogeluk ouen heinet watarek hak hilingiri'lago.

YEREMIA 22:23

Hit he e laik o Libanon mene oagen laberogo kwelakhinarek were'ma re hinendawinggen yamukhogo welagep, oba nen hobuk hit hinoba ou mene asi wesigin oba re hemi nen inomalik takhouwogeluk inambot heinet watarek hak, hilingisugun o,” iluk ikhe isikhe.

YEREMIA 4:21

Ap weim inaninirogo yafu mondok were'ma kwelaginarek werek kwelek enek he ki huli logogin nogo? No trompet ane futhili'lagwi mene andoma nesanggo holek werek kwelek enek he ki huliba asigin?

YESAYA 26:17

Tuhan nineisena, hemi inomalik takhouwogeluk ouen heinet wati logolik inane kwetarek hak, nirogo hat helokhoma nen a'nogo hilingiti lago.

YESAYA 21:3

A'nogo ugunem hasigisik he an neil higi mene a'nogo faget ninggi'nogo iluk nobakheindok palogo re neilenggen ha lek hak hilingnafik, nesanggo holu elo'legat hilingnafik, ikhe. An noba nailo mene nek agunem he noba ou ikhi lagi mene re hemi nen inomalik takhouwogeluk heinet watharek hak hilingiti lagi.

YESAYA 13:8

It inebe mondogat he inailo hokho mene inoba asiginmo re ou hokho mene heinet wasugun mene re hemi omalik taginafi logolik ouen heinet watarek hak hilingisugun. It mondogat inendawinggen fit lasimbik inelokhe mep sagalogo hilingik logogun andi re inenggali nen hilingisugun.

YOHANES 16:21

He ekhe eak tasigin horokse'ma heinet weakhogo wasigin oba hokhorogo waterek meneat he, eak a'nogo arat takhikheresik he, neak arat takhigi, iluk endawimo agaiyek hokhorogo hikhi logolik he, heinet weak waterek mene a'nogo onggot agarego.

WAHYU 12:2

He andi eak a'ma mene arat takhagain higit aga andi nen he, heinet wati logolik, ane kweti laga.

YEREMIA 48:41

At awi kota inom, along palogo leget omamerogo waganek mene omanogo inom he aben hugul kugun, at agoromi tentara mene re hemi ineagwi takhouwogeluk hilingitarek hak inailo nen hilingiti logogun.

HOSEA 13:13

It Israel mene re ineluk logouwageluk iaple logolik oba nen he, it inebe kembu logolik inenggi iaple werek meneba aremnogore higithogo hilingiri'lagwi lek andi. At ebe re omalik fou we horok yogondak ta'lasigiluk ikherek oba nen agaisa alabutmo nen wulibi wagi'lek welagarek andi higit werek.

MIKHA 5:3

Ap enupogot omame hokho mene andi hobuk arat waga halok he Aren nineisena Tuhan Allah a'nogo omameba At againafuri ferinarek logogin. A'nogo ferinarek were'ma afuni yi awi ti awi welagaikharek mene re At omame mondok hokho mene werek iluk fok tiarogo liafunem he, Aren againafuri mondok fano liokhogo were'ma ferinarek logogin.

YEREMIA 4:31

An nesanggo holhugunemen he, he mene eak takhageluk heinet watunem hilingiterek hak hilingitunem holhi, he tugum mene nen omalik manggusa malik tasigiluk hilingiterek hak, Yerusalem he set hoporogo le ari'logo. Enggi langhogo heinet wati logolik, ”Eige, an mondogat alomat lasigiluk welagi o, an naselei mene nen noasuogeluk hilingiri'lagwi!” ili'logo.

YEREMIA 30:10

An nagainafuri Israel mene re hinailosu fugo! An namingmingengge Yakub he hoak leigesu fugat! Hat inom hat hambisangma mene nen tagomangge mene inom he o kweang mondok yatma hit hinenggi hele warogo hinobagasukwama andoma nen hinagap telogo hinobagagin. Hit hinambotkwe hinaiba wesimbik hinailo legengge logogun. Hiren hinailoratu mene ekhe logogin lek, hinabolok legengge fano liokhogo logogun.