MIKHA 4:4 - Allah Wene Fano Wene Hupla Inane

⁴ Afuni inebe lombok he, it inangge anggur yabumo inom, inagayo ara erokwe inom fano liole'ma logogun. A'nogo logolik he afuni ekhe nen inailot fisogoin iluk hilingiti logogun lek, iluk At Tuhan Omame Mondok Hokho mene a'nogo nen wene wate andi.

MIKHA 4:4 Referans Kwoze

ZAKHARIA 3:10

Nen, inenggi andi sambul asi wagu halok he, afuni inebe lombogen inagaila'lak inom horok-horokwe welagaikharek mene omanogo inayonggo fuluk it ineabu anggur yabukwe inom inagayo ara erokwe inom yagokwe tulem andoma inendawinggen siserogo yi enggin ti enggin higi'lek logolik welagaikharek mene andoma hikhi logouwageluk inayonggo fikhi logogun o.” iluk yaganetunem higi.

YEHEZKIEL 39:26

It ambi, inanggweang oba inabolo'lek femhogo were'ma, ap misigen iluk ekhe minggilinafi logogin mondok lek. Ma re iren An noba li'norogo weagetnobagakhi logolik inendawinggen noba tibet fikhi lagaukwa mene a'nogo re inonggorasugun.

YESAYA 1:20

Oba nen he, hiren ambi An nane sagalogo fuluk hilingiti logogun halok he hinebe weim elema nen hinoasugun o, iluk An Hineisena Tuhan en nane arat igi o,” iluk ikhe.

YESAYA 54:14

Hat he katokhogo hilingitu mene amboloba wurogo hobagagin, hamel-mel mene inom sebelogo ferinarek werek mene inom andomaba nen eil uanhogo hilinghobagagin.

YEHEZKIEL 34:28

It he ap inunggulenu An inonggot mene nen hele warogo woginarek lagik, athe mene olomene nen senggelinafik, igin lek. It he inendawinggen serogo were'ma re ap misigen iluk ogo ekhe inailot fisikhi logogun mondok lek.

YESAYA 58:14

Hiren a'nogo hilingiti logogun andiba An nobaget hilingitunem he hinagaiyek hikhi logogun. A'nogo hilingitunem An nen hit inoba yi afuni ti afuni mondogaren agaugwet hinafi logouwageluk hilinghinobagakhi logogin. Hit he hinomba Yakub en kweang hinobagasikheba omanogo nen enggen ugu faget hinagaiyek hikhi logolik logogun. Iluk An hineisena Tuhan nen nane mondogat igi o,” isikhe.

YESAYA 40:5

Andiba re At Tuhan Omame Mondok Hokho welagarek mene a'nogo weinamet fugunem yi afuni ti afuni inebe mondogaren ineilenggen hogoin o. Wene andi eberogo mene, Tuhan ebe nenat ikhe!”

YEHEZKIEL 38:11

Haren o kweang leget pa'leget waganek lek mene, nen afuni ogo inailo legengge inendawi seramhogo werek awi andi nen ekhe kota leget pa'leget waganek lek aiba, inendawi hambugengge iluk ogo werek lek aiba andi inom wolelenggenhogo fagain iluk wene tekhogo isigin.

YEHEZKIEL 34:25

An nen it ninom wene wati logolik, it inebe inendawinggen hambukhogo logouwageluk abok wene warisagain. An nen he mene olomene nen senggeli'logo mene andoma mondogat he o kweangma mondogat mugusogo wulak fisagainmo re An mene nanggo domba andoma re inendawinggen hambukhogo leikwe welagik, o engga ogoikwe nogogik, ikhi logogun.

YESAYA 26:16

Haren nit unggum wo'nisasiginmo nit ninoba enggin-fenggin hilingik logolik, niren Hat nineisena Tuhan hoba samban ikhi lago.

IMAMAT 26:6

An nen mene olomene anini weak mene hit hinanggweang oba nen legetfisamo re, hit hinoba weim yafu mene ekhe logogin lek. An nen hit hinoba hinamel-mel lekhogo hilinghinobagaumo re, hiren hinaiba andoma amu meneba ekhe hinailo lekhogo nogokhi logogun.

AYUB 11:19

It afuni haselei meneba re hailorinafi logogin lek, it afuni hokhorogo nen haren leberinabuageluk kino yagaheti logogun.

MAZMUR 72:3

Nit ninaiba ninanggweang oba yoma yi mene ti mene sik-pikhogo were'ma fano liokhogo nek logogun logouwago, nen yi afuni ti afuni ninunggulenu lombok werekwe andoma ogore wene higithogo hilingitarek mene nek sagarek logouwak.

YESAYA 17:2

O Siria oba kota-kota andoma re mondok-mondok faget herakfisaluk wilibumo re obalik andoma re yi anggo ti anggo kuluk were'ma re, ap ekhe nen iluk ogo inelokhe palu lek hak hilingik logogin.

YESAYA 22:25

Andi hilinglasigin halok he, hele senek mene omamerogo homago mene andi re tekhogo pigin. Andi re at eisok werekwe mene inom ori erugwi inom inebe mondogat at oba kologo pelabek logogun mene legasugun he a'nogo hilingisugun andi, iluk An Tuhan nen nane mondogat igi o.” ikhe ino isikhe.

YESAYA 36:16

Hiren raja Hizkia ane holhu lek! An noe raja Asyur mene nen ikhi logoik he, hit hinawi kota hinebe welagep kwe andoma herakfisaluk an nawe a'ma asi we'ni o. Hit a'nogo hilingisugun halok he hobuk hiren hinagayo anggur enggen hinonggwarek hineabumo nen ninggik, nen e arah enggen hinonggwarek hinagayo enggen mene ninggik, hinagai mogo hinonggwarek hinagai meneat hinagaisogo ninggik, ikhi logolik werek kwelek enek he,

YEREMIA 30:10

An nagainafuri Israel mene re hinailosu fugo! An namingmingengge Yakub he hoak leigesu fugat! Hat inom hat hambisangma mene nen tagomangge mene inom he o kweang mondok yatma hit hinenggi hele warogo hinobagasukwama andoma nen hinagap telogo hinobagagin. Hit hinambotkwe hinaiba wesimbik hinailo legengge logogun. Hiren hinailoratu mene ekhe logogin lek, hinabolok legengge fano liokhogo logogun.

1RAJA-RAJA 5:5

Tuhan nen an neisena Daud oba yagati logolik he, An nen hat hobali'mo hamlogo raja logouwageluk menfoumo aren An nobaget hilingiti logogun oba Nawi ekhe wusigin iluk, abok wene warete andi nen he, noe an Salomo nen o wusigin nen iluk, hilingiti lagi o.

AMSAL 3:25

Sielu ferekhogo wagarek higit enggin-fenggin ap weak hilingitarek mene inoba asi wagu halok he hailosu fuk.

YESAYA 32:17

Afuni inebe lombogen he, eberogo mene nek hilingirik lagunem he, inenggi mondok-mondok andomaba fano liokhogo mondok welagik, inagaiyekhogo nek welagik, ikhi logogun.

YEREMIA 23:4

An nen ap it ferinarek werek mene halinafi logouwageluk menfisagain. An nagainafuri re inailo agik, inoak leik etik, ugun lego, nen it inoba mene tem misik iluk ogo ekhe longgo ugun legat. Iluk An Tuhan nen nane mondogat igi,” ikhe.

MIKHA 5:3

Ap enupogot omame hokho mene andi hobuk arat waga halok he Aren nineisena Tuhan Allah a'nogo omameba At againafuri ferinarek logogin. A'nogo ferinarek were'ma afuni yi awi ti awi welagaikharek mene re At omame mondok hokho mene werek iluk fok tiarogo liafunem he, Aren againafuri mondok fano liokhogo were'ma ferinarek logogin.

ZEFANYA 3:13

Nen, it afuni Israel mene o andoma inebe endebengge logogun mene re, iren afuni ekhe inoba iluk ogo weak inoba figik, ineranhogo wene yagaisigik, inane nen lalinafik ikhi logogun mondok lek. It he inangge yi mene ti mene sik-pikhogo were'ma inoba fanorogo nek logogun, nen iren afuni inoba ekhe inailoti logogun lek,” iluk, ikhe isikhe.