MIKHA 3:3 - Allah Wene Fano Wene Hupla Inane

³ Hiren he it inagap sapuk-sapakhogo heligik, inoak wolelenggen tagalogo fisigik, nen wam palogo belanga elema kwelafarek hak it inebe kirigi-kurogo liakfuluk, afuni an nunggulenu mene andoma inebe ninggi lagep.

MIKHA 3:3 Referans Kwoze

MAZMUR 14:4

Tuhan nen yagaisikhi logolik mel isikhe, ”Hit afuni weak hilingiti lagep mene yi, hinobabut hebelhi lagep lek yi nenahalok? Hiren he an nayonggo figi'lek logolik, sumburu haumhogo nenggarek andi hak an nagainafuri weagerinafu welagebo,” iluk wenagisasikhe.

YEHEZKIEL 11:3

Andi nen he, afuni wa'lagaikharek mene yi, An nen it inoba unggum wogisagain mene foukhogo figi mene yi re haren it inoba yagaisano. Andi re iren yi'nogo ili'lagwi mene andi faget, ”O yoma re ninenggi aninurogo welagi'legat ambotkwe obali'mo wusugun, o kota yi re i oak, nen nit he eino elonggoma kwalek mene welago. Nit ninebe waruk andi elema kwelabegengge endumo nol ninabumo nen he, ninagap elok telek logou hago iluk agarek andiba,” iluk ikhe.

ZEFANYA 3:3

It ap o andiba yi kain ti kain werek mene re mene singa ngin eterek hak hilingitarek inap werek. Nen, it ap Hakim wene higithogo tegetarek inap andoma re no serigala nen nunggu mene nele welerogo logolik hilingiterek hak, iren oak misik iluk ogo hobit nunggu mene iluk ekhe fagarek lek.

MAZMUR 27:2

It inobabut weak mene nen an noasuogoluk noba wesugun mene re, inonggwarek ineisok yetferengge inebe warogoin o.

YESAYA 3:14

Nen At Tuhan he afuni At againafuri ferinarek welagaikharek mene inobaget inawene higithogo pilingitu mene hilinglasigin. A'nogo hilinglasimbik he Aren it inoba hikhip isagain mene re yi: ”Hirenat anggur yabumo enggen ugu mene omanogo re hugul engge nek helikhi lagep, ariginhi lagep andiba re, hit hinailoba re ap inenggi lek mene inangge helikhi lagep mene omanogo nen hoporek werek.

YEHEZKIEL 24:4

A'nogo hilingfuluk he einongge mondok fano mene re andi elema kwelakfeino. Enggi eino eisok eino oak amunggok hokhorogo werek mene inom kwelakfeino.

MIKHA 2:8

A'nogo ugunem Tuhan nen ikhi logolik, ”Hirenat An nagainafuri inebe hinaselei mene hangge hilingfisaluk inoasugun iluk hilingiti lagep. An nagainafuri mene hit hinagaila'lak mene weim yabi laluk, inaiba waga logolik, inawilokwe fanorogo were'ma, logoin iluk wagunem en he, omanogo hiren telogoin iluk nenangorinafunem weri'lagwi.

AMSAL 30:14

It ekhe nen he inangge nunggu mene herakhikhi logolik ina'mageba ninghogo mondok hilingitarek, a'nogo hilingiti logolik afuni sebelek mene inom, inenggi lek mene inom inabiret fisaluk inenggi omamerogo sebelinarek welagaikharek.

YESAYA 3:15

Nenahalok hiren An nagainafuri enggin-fenggin inoba figik, ap inenggi lek mene hinomameba inangge telogo heligik, hilingiti lagep nogo? iluk, An Tuhan Lego mondok logolik Nomame Hokho welagirek mene a'nogo nen nane mondogat igi o,” iluk ikhe.

AMOS 8:4

Hit afuni o yiba logolik it ekhe inenggi lek mene enggin-fenggin inoba fugunem inebe lek ari'lagwi andi nen he, hinesanggo fanorogo holini o.