MIKHA 2:5 - Allah Wene Fano Wene Hupla Inane

⁵ A'nogo hilingiti lagep andi nen he Tuhan nen o andoma nekhengge At againafuri wogisagain oba asi wesumo re, o andoma hat eise ame iluk hit ekhe yagahisogoin mondok lego.

MIKHA 2:5 Referans Kwoze

YOSUA 18:4

Hit hinunggulenu lombogen ap inebe henagan mene wenaginabini o. Wenaginabumo re, an nen kweang it helogoin kwe andoma huli-huli lisu pali loagen iluk miminginabumo, iren pali lambik he an nambit inambotkwe wesuguno.

ULANGAN 32:8

At Lego Mondok welagarek mene nen, kweang sumburisikhi logolik, afuni inunggulenu lombok, inawi lombok wogisasikhe, Inunggulenu lombok faget, inomameba ferinarek logouwageluk aren againafuri Israel mene, inebe werek higithogo eisewerek fisasikhe.

YOSUA 18:10

A'nogo hilingitukwama re, at Yosua nen he Tuhan nen it faget ninggi'nogo enekhogo fikhe iluk helebenggen walhasikhesik kweang it afuni inunggulenu Israel mene helasukwa lek mene omanogo kuthigik sumburisasikhe.

HOSEA 9:3

Yago, hit afuni Israel mene re kweang hineisena Tuhan nen wokhisasikheba andoma femhogo logogun lek. Hit mene fena re nekhengge sugulogo o Mesir logoin, nen fena re o Asyur oba andoma nen nunggunggere saliogengge mene omanogo ninggi logogun.

MAZMUR 16:6

Haren wo'neti lagen mene andoma re mondok fano mene nek wo'neti lagen, an nendawimo nagaiyek mene nek hilingnobagakhi lagen.

NEHEMIA 7:61

It afuni o kota enu Tel-Melah inom, Tel-Harsa inom, Kerub inom, Adon inom, Imer inom, andoma nen wulibi wagaukwasik wagaukwa mene nen, it inunggulenu Delaya inom, Tobia inom, Nekoda inom, at wagaukwa mene inebe seberogo re 642 nen. Oba nen he iren nit eberogo afuni Israel mene inambisangma nen iluk selekhogo ikhi lagaukwa lek.

ULANGAN 23:8

It ta'lagaikha huli henaganek mene erembul fikhit ta'larik logoin mene andi re, An hineisena Tuhan Allah nagainafuri asugun fano,” iluk yagaisasikhe.

ULANGAN 23:2

Ap hesanggemalik eisena agaisa inom lombolek lek mene nen ta'lagu mene halok he, aren tagomangge mene nen ta'larik laga logombik 10 huliba taginabugun mene andoma re Tuhan againafuri asugun lek.

BILANGAN 34:13

Yagatikhemo Musa nen afuni inunggulenu Israel mene a'nogo inoba yagaisikhi logolik he, ”Kweang hiren hinenggi walhogo helep enggen hukhambik helogoin mene re andoma, kweang andire At Tuhan nen wene melalek oba re it Israel mene inunggulenu sogo nen fena minggilogo a'nogo nen helogoin isikhe mene.

BILANGAN 34:16

Tuhan nen Musaba ikhi logolik he,

2 RAJA-RAJA 17:23

andiba ambisangma re Tuhan en it ekhe halfisikhi lagaikhe mondok lek. Aren he it inebe kweang wogisasikhe mene omanogoba nen huginabi lagaikhe. A'nogo hilingitikhe andi re At Tuhan nen wene futfouwageluk amingmingengge nabi bene nen yagaisikhi lagaikhe mene a'nogo higithogo hilingitikhe andi. A'nogo hilingitikhemo re, afuni Asyur mene nen it Israel mene huginabi lagunem omanogo woginapluk lagaukwama re o yogondak huli nen ogo andoma werek.

1 TAWARIKH 16:18

Wene andi warisikhi logolik, e hu ”O Kanaan kweang andi re hit wokhisagain, e hu Wokhisamo re hit hinonggwarek hinanggweang mene asigin, e hu,” iluk yagaisasikhe.