MIKHA 1:5 - Allah Wene Fano Wene Hupla Inane5 Afuni Israel mene nen he, Allah inabithogo logolik, ane sagalogo weagenek hilingiri'lagwi andiba re, wene igi mene andem mondogat hilinglasigin o. Ero sa weak elekwe afuni Israel mene weak hilingiri'lagwi nogo? Ero re o kota Samaria eroma werek mene omanogo inonggwaregen aro. Nen, ero sa weagen it afuni Yehuda mene tugwi kembu fogerari'lagwi nogo? Ero re it afuni o Yerusalem mene inonggwarek weagenaro. Gade chapit la |
MIKHA 1:5
30 Referans Kwoze
Hat hobabut mondok weak hilingiti lagen andi nenat, wene hoba fakhegen o. An heisena Tuhan Allah hambotma nobagegen andi nen, yi enggin ti enggin hoba fakhegen o. An nebe hambotma fanhendik An hailorogo hilingnafi lagen lek andiba re mondok wiik-weakhogo fakhegen andi hegen. An heisena Tuhan Allah nen nane arat igi o. An he Tuhan Allah Lego Mondok logolik Nomame Mondok Hokho mene a'nogo aro,” iluk ikhe.
A'nogo ikhesik hobuk ekhe mel ikhe: ”Hit o Sion hinagaiyekhogo welagep mene andoma inom, nen hit o Samaria fanorogo welago iluk anggikhi lagep mene andoma inom, hit afuni hinunggulenu Israel mene hinogogwi kaindek hinebe lego welagep mene yi nen he, wene fanorogo pilingisogo yaganisoageluk it hinagoromi re hit hinoba wagaikharek andi nen he, eige hit he alomat hinabigin o.
A'nogo isikhesik Tuhan nen ikhi logolik, ”Hundik-handik An nen nagainafuri Israel mene inebe fano hilinginafik, inambotkwe pugunhogo fisigik, hilingisigin iluk hilingitu sambul aremnogo isikhi lagimo re, weak hilingisugun mene inom, inaniniba hilingisugun mene inom enek hilingiri'lagwi. Iren he, ineranhogo wene lalalengge hilingitik, afuni inaiba yogot hinasi kwigik, ebekhe kwe nen telogo heligik, hilingiri'lagwi andi.
At Yosia ebe mondok yenggerek engge nen, raja menlagaikhesik a'nogo 8 tahun logolik oba aremnogo re at ambu Daud en fogerati lagaikhe mene eisena Tuhan a'nogoba endawinggen tipsek logolik fogeratu welagaikhe. Nen 4 tahun ambolkweba re aren he kembu wuti lagaukwa kwe inom, kembu he mene dewi Asyera a'nogo alik hilingik werek kwe inom, kembu fena amu mene ekhe kwe welagaikhe mene inom, omanogo mondok halik-halokhogo hilingfilik lagaikhe.
At Yosua agoromi nen he kembu ilirengge hilingik mene omanogo wolelenggen hogo liak fesikhesik he, iren a'nogo hilingfesukwa mene oak-oagengge omanogo re it ap kembu andoma faget wam warogo noli laga lagaukwa inap wa'lagaukwama salinafukwa kwe inamik kwe omanogo folik lagaukwa. Baal faget iluk mezbah wurik mene inom, amben fanongge dupa a'nogo nolhukwe iluk mezbah wurik welagaikhe mene omanogo inom he, mondogat meisalisasikhe.
Ap Ishak en tagomangge mene nen tugwi kembu obaget hilingitarek kwe andoma re hobuk wolelenggenhogo potfisigik, afuni Israel mene nen, mondok wesama iluk agarek kwe andoma re meisalogo potfisigik, igin o. Nen, at raja Yerobeam en tagomangge mene inebe mondok leget fisigik igiluk karok nenggim wanhik, igin aro,” iluk yaganete.
Yago hit afuni o Lakhis welagep mene re, hinebe kereta ba lagaluk heise lobagaigen he, hinanggo kuda ba kelfembik lano. Hiren tak afuni Israel mene nen weak hilingiri'lagwi mene andoma inobabut wokfuluk, hiren a'nogo hilingiti lagep andiba re, afuni Yerusalem mene ogore hit hinobabut waganogo weak hilingiri'lagwiat andi.
O Yerusalem en fena mo lagai wagarek fikhit tom oba andoma re, at Salomo nen he Moab mene nen fogerati lagaukwa mene dewa enu Kamos inom, afuni Amon mene nen fogerati lagauka mene dewa Molokh inom andoma obalik fogerati logogun oba faget wutikhe. Dewa andem ebe pirenet he hebak ina'ma asu hak mene nek welagaikhe.
Oba nen he, o Yerusalem oba andoma re it nabi-nabi nen ina'mage mondok weak meneba hilingitunem isigi. Iren he ineranen wene igik, babi hilingitik, afuni weak mene hilingisuageluk onggo palinafik hilingitunem he, ap misik iluk ogo inendawinggen hebelu elo'lek hilingi'mo higi. Ma re An nen it inebe mondogat faget he afuni o Sodom inom Gomora inom inanini mondok hokho mene welagaukwa hakhogo werek yi ambi iluk anggigi.
Piblisite