MIKHA 1:3 - Allah Wene Fano Wene Hupla Inane

³ At ebe werek oba obalik mondok hore'ma omanogo nen pi wagik, o kweangma yi awi ti awi tomkwe inom, punukwe inom mondogat eisok filik weri'lago andi.

MIKHA 1:3 Referans Kwoze

AMOS 4:13

At nineisena Tuhan nenat o tom-tom andoma walhogo figik, sogoi elalhik, isikhesik he, at endawimo anggikherek mene re nit afuni yaganisikherek. Andi nen o linggene inom, hubanggo inom Arenat walhasikhesik, ebe o kweangma yoma yi awi ti awi tom unggul kwe nikherek. Enu re, Tuhan, Allah Omame mondok hokho mene andiat.

YESAYA 26:21

Afuni kweangma mondogat weak hilingitu werek andiba Tuhan ebe pogoroba nen pi wesimbik unggum wogisagain o. Ap hinagaisogo inoari'lagwi mene andoma re mondogat weinam asigin. Ap warogo hinakfisagarek mene andoma re kweang en hinakfisagain mene ekhe werek mondok lego.

ULANGAN 32:13

At Allah nenat againafuri, dom-dom andoma sebelek logolik, eisewerek logouwageluk fisasikhe, Inonggwarek ineabu mene, inamburu ninggik, kin enggama tom oba mene, iren amusu ningik, Minyak e zaitun enggen, helep ebene yago mene, iren amusu ningik, ikhi logouwageluk hilingfisasikhe.

HABAKUK 3:19

Tuhan Allah neisena, Harenat nomame wo'neti lagen. Wam rusa eisok wurikhogo fuluk lagarek andi hak, an neisok wurigetnafik, an nebe tomkwe lagunem fanorogo loageluk Harenat wo'narek lagik, ikhi lagen o, neisena,” iluk samban isikhe.

MAZMUR 115:3

Nineisena Allah ebe pogoroba werego. Logolik he, At endawimo amolo anggikherek mene higithogo nek hilingiterek.

YEHEZKIEL 3:12

A'nogo yaganetemo nen Allah Areagun nen an legeisogo nobagaikhemo re, nambotkwe fikhiren ane kululuk eti logolik yi'nogo ugunem holhi, ”Tuhan pogoroba ombak-bak werek mene nek fogeratu mondok logouwak!” iluk ikhi laga.

YESAYA 25:10

Tuhan enggi Punu Sion oba sebelek logogin, oba nen Moab he gandum enggen ineisogen perelharek hak alperelogo fogoin.

AYUB 40:12

Afuni inonggwaregen fogerakhigik, inobabut weak welagik agarek mene andi it inebe werek oba andoma nen haren sebelogo fisigik, wulil tagalogo legetfisigik igin halok he, Haren aro.

ULANGAN 33:29

Hit afuni Israel mene yi, hinendawimo hinagaiyeti logoino o! Nit nineisena Tuhan nen hit telhinafikhe andi hak, it afuni inunggulenu lombok ekhe telinafi'lego. Nit nineisena Tuhan a'nogo, ebe hit werekwe a'luk, hinaselei mene mabenetfisaluk, hinomame asuagaluk hilinghinafik, ikhi logolik, At ebe re, karok weim yafarek mene hakhogo inom, afuni nen inoasinogo iluk sing labetarek hakhogo inom, asimbik logouwago. Afuni hinaselei mene andi nen, Hinendawit ninabini o, iluk yagahisa wagunem, hiren he, it inebe hineisogen al perelogo fisikhi logogun o,” iluk yagaisasikhe.

ZAKHARIA 14:4

Inenggi andi sambul At ebe punu Zaitun oba o Yerusalem en mo ero fikhit andoma mendek logogin. Ma re, punu Zaitun andi tonggo elonggo mondogat wogolek mene re tulem kagalasumo mo ero fikhiren pikhit mo erembul fikhit andomaba hilingik logogin. Punu andiba nen minggilogo re abel utara fikhit higil-higil lagik, nen, minggilogo fena re abel selatan fikhit lagik ikhi logogin.

AMOS 9:5

Kweang leigetunem afuni inendawimo weak hikhi logogun, andi re At Tuhan Lego Mondok logolik Omame Hokho welagarek mene a'nogo nen sebethugunem hilingiti logogin. I Nil fu wagunem hetogerik lagagik, hibi agunem firitokhogo pigik, ikherek andi hak he, it inalong asimbigen hobuk maben asugun o.