MIKHA 1:2 - Allah Wene Fano Wene Hupla Inane

² Hit afuni hinunggulenu lombogen he an wene igin mene andi fanorogo holini o! Hit afuni o yi awi ti awi welagep mene nen he an nen wene igin mene andi furogo futfikhi logoino. Tuhan Lego Mondok welagarek mene a'nogo nen hit hilingiti lagep mene At eil oba nen fakhogo hinenggali wasigiluk, At onggwarek aiba mondok hore'ma omanogo nen ane ili'lago a'li andi hinesanggo holini o.

MIKHA 1:2 Referans Kwoze

YESAYA 1:2

Hit pogot inom kweang inom yi sani, Tuhan ane igin enggere furogo holini. Aren ikhi logolik, ”An nagainafuri kulinafik, yanggulinafik, isigi mene omanogo nen An nawe a'ma logou inabiren nane oaksagalhu werek.

MAZMUR 11:4

Tuhan he awi fanoma horek oba omanogo werek, o Sorga andoma re At ebe hurek werek oba. A'nogo logolik he afuni mondogaren hilingitarek mene omanogo faget eilenggen penetu werek, andi nen he it inobabut yinik-hunik hilingitarek mene andoma mondogat he At elu mondok welagarek.

WAHYU 3:22

iluk igi mene andi, Allah Areagun en it Allah againafuri o yi awi ti awi andogotarek mene yagaisili'logoat andi, hinesanggo holugun halok he, fanorogo holino o, iluk yagaisigi mene andi, lisu palogo inoba lakfeino o,” iluk yaganete.

WAHYU 3:13

iluk igi mene andi, Allah Areagun en it Allah againafuri o yi awi ti awi andogotarek mene yagaisili'logoat andi, hit hinesanggo holugun halok he, fanorogo holino o, iluk yagaisigi mene andi, lisu palogo inoba lakfeino o,” iluk yaganete.

WAHYU 2:7

Wene igi mene andi, at Allah Areagun en Allah againafuri o yi awi ti awi andogotarek mene yagaisili'logoat andi, hinesanggo holugun halok he, fanorogo holino o. At sa nen omame asigin halok he, Allah eabumo enggen inelugerinaferek mene noageluk wogosigin o, iluk wene mondogat yagaisigi mene andi, lisu palogo inoba lakfeino o,” iluk yaganete.

MALEAKHI 3:5

At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.

HABAKUK 2:20

Meneat he, Tuhan ebe onggwarek awi wuri'mo hore'ma welagarek andi nen he, yi afuni ti afuni o kweangma mondogat welagaikharek menere At a'ma nek inabolok legat logogun andi fano.

YUNUS 2:7

Nendawimo nen, an arat wa'lasigin higi iluk anggigirigen, hat hoba ebethiigirik he hayonggo figimo, hat hebe honggwarek hawi wuri'mo hore'ma logolik, nane hesanggo holhen.

YEREMIA 22:29

Eige, an nawi yoma nendawi e, Tuhan nen ili'lago mene andi holin o!

MAZMUR 50:7

Yago, hit An nagainafuri mene yi sani, An nane ikhi lagi mene hinesanggo fanorogo holini o, Hit Israel hinap yi hineilhanem fageti logolik he, Hit hineisena Allah re An nebe aro, An he hit hineisena Allah welagi.

WAHYU 3:6

iluk, igi mene andi, Allah Areagun en it Allah againafuri o yi awi ti awi andogotarek mene inoba yagaisili'logoat andi, hinesanggo holugun halok he, fanorogo holino o, iluk yagaisigi mene andi, lisu palogo inoba lakfeino o,” iluk yaganete.

WAHYU 2:29

Allah Areagun en it Allah againafuri o yi awi ti awi andogotarek mene yagaisili'logoat andi, hinesanggo holugun halok he, fanorogo holino o, iluk yagaisigi mene andi, lisu palogo inoba lakfeino o,” iluk yaganete.

WAHYU 2:17

Wene yagaisigi andi, Allah Areagun en it Allah againafuri o yi awi ti awi andogotarek mene yagaisili'logoat andi, hinesanggo holugun halok he, fanorogo holino o. Sa nen omame asigin mene halok, sumburu enu manna hinago mene melagatik, enu ket mene salogo helep mola meneba lisu palogo wogetik, igin o. Enu palek andi re, it ekhe inonggot. We, at enu lisu palek helagain mene andi nek elu asigin mene wogosigin, iluk mondogat yagaisigi mene andi, lisu palogo inoba lakfeino o,” iluk yaganete.

WAHYU 2:11

Wene yagaisigi andi Allah Areagun en, Allah againafuri o yi awi ti awi andogotarek mene yagaisili'logoat andi, hinesanggo holugun halok he, fanorogo holino o. Sa nen omame asigin halok he, it ekhe wa'la'luk hobuk mondok-mondok wa'lasugun mene andi, inom weagerinabigin lego, iluk wene mondogat yagaisigi mene andi lisu palogo inoba lakfeino o,” iluk yaganete.

MALEAKHI 2:14

Hiren heinok wok-wok aga logolik he, ”Nenahalok Tuhan he niren wam warogo noleti lago mene wanhi'lek herakfisili'lago he,” iluk ikhi lagep andi re senggerogo yagahisak. Andi re, hit hinebe alageba hinagagwi woginafi logolik Allah eilhanem mel isigip andi: An nagwe yiat waganek mondok logogin o, iluk isigipsik, hinagagwi andi hinagaila'lak higit hinom lomborogo logou meneat he, ineil salinafi lagep andi nen he, At Tuhan wogeti lagep mene herakfisili'lago andi re ero andiba o.

YEREMIA 29:23

Iren weak hokhorogo afuni Israel mene were'ma nen hilingiti lagaukwa mene re; Babi lagik, Tuhan enu igisogo ineranhogo wene fagetik, hilingiti lagaukwa andiba it inoba a'nogo asigin. Iren ikhi lagaukwa mene andoma re Tuhan endawimo anggikherek mene inom agamsek hilingi'mo re, iren hilingiri'lagwi mene inobabut At mondogat elu logolik, it inomame lek hilingisogo fisageluk he At amu nen eilenggen isikhi laga. Iluk Tuhan ane mondogat igi ikhe o,” iluk palogo lakfesigi.

YEREMIA 6:19

Hat kweang yi. An nagainafuri nen, an nen yi'nogo hilingisugun ti'nogo hilingisugun iluk komorinafigi wene andi, nane hologo hilingiti'lek herakfisaluk, it inendawimo nen anggaluk hilingisugun mene nek ebetu werek andi nen he, mondok weak mene inoba lakfei wesigin enggere fanorogo futfein o.

MAZMUR 50:12

Kweang inom nen kweang elonggoma kwalek werek mene oma inom he, An meneat hilingi'mo re, An nendawimo nele agu halok he, An ti mene nele, iluk hit hinoba yagahisamo re elo'lego.

MAZMUR 50:1

Asaf Awuni. Tuhan Allah Omame Mondok Hokho mene a'nogo ane ili'lago o, Aren he yi afuni ti afuni o kweangma mo ero fikhit welagaikharek mene huli nen he mo ubuk ikherek huli welagaikharek mene inoba ane humeri'lago.

MAZMUR 28:2

An lebetnean iluk Hoba kinosi waga logolik nane kwetu halok ogo, nen Hat Hawi Mondok fano horek mene a'nogo wurik fikhit andoma nenggi liakfuluk werek halok ogo, Haren nane hesanggo holnabin o.

MAZMUR 24:1

Kweang inom, yi mene ti mene mondogat oba welagorek mene inom, eisewerek ebere, nineisena Tuhan Allah amu welagarek.

ULANGAN 32:1

An wuni wasigin andi, hat pogot hesanggo holino, hat kweang hesanggo holino.

HAKIM–HAKIM 11:10

A'nogo yagaisasikhemo re, iren onggo ikhi logolik, ”Tuhan eilenggen logolik esanggo holek werek kwelek enggere, andi re niren fano anggogo,” iluk yagatukwa.

1RAJA-RAJA 22:28

A'nogo yagaisasikhemo, at Mikha nen he, mel yagatikhe: ”Hat noe hebe hambotkwe selek fano wagen halok he, wene an nen yagaheti mene andi re, Tuhan nen yaganete mene re fuk. We, an nendawimo kagalogo yagahetimo iluk enegat asigin o,” iluk yagatikhesik, hobuk afe hebekhogo afuni era'lukwe mendek welagaukwa mene omanogo inoba yagaisikhi logolik he, ”Hit mondogat hinesanggo holek werek kwelek wene yagati andi, hineluat logoino o,” iluk yagaisasikhe.

2 TAWARIKH 18:27

A'nogo yagaisasikhemo re at Mikha nen ane hokhoba yagati logolik he, ”Hun hokho hebe heluk hambotkwe wagen halok he, Tuhan ane an noba ikhe le'ma iluk helu asigin o, Nen it afuni mondogat werek mene ya ineil hanim yagaheti andi o,” iluk isikhe.

YESAYA 18:3

Hit o kweangma yi awi ti awi mondogat sagarek welagep mene oma re! Poksu tom ebene kelogo liabe'ma linoget hili'lago mene andoma futfeni o! Iren trompet fut hili'lagwi mene andoma hinesanggo holini!

YESAYA 50:7

Tuhan Allah nen an lebetnafunem a'luk he, an nenggali wari'lagwi lek. An nendawinggen sebel hoageluk he nomamet nobagali'logo, an hobuk nenggali asigin lek, iluk nelu welagi.

YEREMIA 42:5

A'nogo igi'mo nen iren an noba ikhi logolik, ”Haren he nit nineisena Tuhan Allah a'nogoba samban in, nit ninebe fanorogo logogun nen he niren At ane hologo nek hilingiti logogun o. Enggere Aren onggo weak mene igin halok ogo nen fano mene igin halok ogo nit At ane igin mene andi higithogo hilingisugun enego. Niren ambi nineisena hat hebene nen Tuhan awene melalek wokhesigin mene andoma hilingisugun a, lega andi re, we Tuhan At eberogo nek igik, tiphogo nek hilingitik, ikherek mene andi nen eilenggen nisikhi logouwago,” iluk yaganeta.

AMSAL 8:4

Aren ikhi logolik he,” Hit afuni mondogat hinoba an nane humeti lagi o, hit hinebe lombok o kweangma welagep mene hinoba, an nen hineluet fikhi lagi mene andi futfikhi logoni o!

YUNUS 2:8

It afuni ekhe tugwi kembu ebe lek meneat fogerati logouwogeluk, hoba lomborogo welagi'lek herakhobagaluk wulifukwa andi.