MAZMUR 99:1 - Allah Wene Fano Wene Hupla Inane

¹ Tuhan andi re Raja werek. Yi afuni ti afuni inunggulenu lombogen inoak leik etarek. At ebere kerub amboloba hurek were'ma, kweang yelandit-kwelandit hili'lago.

MAZMUR 99:1 Referans Kwoze

MAZMUR 97:1

At Tuhan andi re ebe Raja hilingi'mo re kweang en agaiyegetik, i alonggen kwe andoma nen inanggilugetik, ikhi logouwak.

KELUARAN 25:22

O ariginik oba andoma An hat ninom ambi a'luk peti amboloba kerub pire fena-fena were'ma andoma nen it afuni Israel mene inobaget An nen hat wene melalek yi'nogo hilingi'no ti'nogo hilingi'no iluk wokhesigin,” iluk yagatikhe.

MAZMUR 97:4

At ombakbagen he o kweangma mondogat selegeri'lago, At ebe haluk he kweang legeri'lago.

MAZMUR 93:1

At Tuhan andi re Raja. At ebe homame hokho were'ma foget fagarek mene andi re su labetarek hak laberek werek. Kweang he tik ninghogo warogo fesikhemo re, abolok ikherek lek.

WAHYU 20:11

A'nogo higiri'mo nen, ombo'ne re, Allah kain welagarek oba obuluk hokho kut mene were'ma, at ebe andoma welaga higi. A'nogo were'ma pogot kweang mondogat at agaiserogo legasugun andi nen he, hobuk ineilenggen hogoin legat aga laga higi.

MAZMUR 80:1

Afuni nen wuni wulak fuluk inebe seberogo ugunem yanggulinafu mene faget wuni unggulenu Bunga bakung ebene felalek mene higithogo, Ap Asaf en fagetikhe awuni.

WAHYU 11:17

”Allah Nineisena, Hat homame hokho mene, Attak welagagindik yogondak inomat welagen andiba, Yogondak hat hebe kain Henupogot logolik, Afuni mondogat hawe a'ma arat fisegendik, Ferinarek mondok welagen andi nen, Hai wathafi lago.

WAHYU 6:14

pogot andi re, lisu palek yinggilik mene andi hak, yinggilogo legagik, tom unggul inom, i enggen kwe inom, welagarek kwe omanogo lombogen higilogo amumu lagunem yethigik, ugunem yethigi o.

FILIPI 2:12

Nerugwi nagaila'lak. Hinebe nendawi e. An ninom logolik, nane hundik-handigat ugunem hologo hilingiti lagagip andi hagat an yogondak nebe weat werek kwelek, nane andiat esinet fuluk he, hologo mondok hilingiti logoino o. At Allah nen, hiren hilingiti logobagaigeluk, hinendawinggen wenggelogo hilinghinafunem, hit hinendawimo nen he: ”I, nit a'nogo hilingiti logou ninamolo,” iluk, Allah endawimo amolo mene hilingiti lagep andi nen, at ebe hinailorogo hinoak elekwe lei'leik ikhi logolik: ”Aren telninabigin,” iluk andi fagerat hilingitu mondok logoino o.

LUKAS 19:27

A'nogo yagaisasikhesik he: It ap an ninom inaselei mene hangge hilingninabi'logo ikhi logolik: At andi nit ninoe kain enupogot logogin he ninabit, iluk aga mene andi inebe woginarek wesimbik he, an neilhanem yaat inoasubagaigo, iluk yagaisasikhe,” iluk he, at Yesus nen afuni omanogo yagaisasikhe.

LUKAS 19:14

Lagu kwelek he, it oe agot omanogo ap andi inabiren he, wene palhukwasik, at ap andi ninoe kain enupogot logogin he, ninabit, iluk yagaisa lano, iluk, yonggo ombo'ne lakfisasukwa.

LUKAS 19:12

”Ap kain mene nen tagongge ekhe endawimo nen he, o ap kaindek inenupogot menfisagarek oba andoma lagunem an kain nenupogot mennobagaumo nambotkwe wesigin, iluk anggasikhe.

YEREMIA 50:46

Babel ap amu mene enggiba asiginmo re, afuni inane hokho-pokhorogo sagal-fagal hugunem he o kweangma mondogat abolok igin. Inane ngai wai liafi logogun mene re afuni inunggulenu amu-amukwe logogun mene nen holugun,” iluk ikhe.

YEREMIA 49:21

Edom ap amu mene inenggiba asigin mene andi faget afuni inane hokho-pokhorogo sagal-fagal hikhi logogun mene re, o kweangma mondogat abolok igin, afuni o andoma werek mene nen inane ngai-wai engge hilingiti logogun mene re i Laut Gelagah huli andomaba holugun.

YEREMIA 5:22

An nebere Tuhan, nenahalok hiren An noba hinailo welagep lek nogo? Eberogo nenat he hiren An nobaget hinoak leigeti logou meneba nen o! An nenat i laut huli warek logouwageluk kar waganogo mondok-mondok faget hilingisogo fesigi. I laut agum founalhik, esinggen lenggalhik, hilingiterek oba nen he huli warek mene andi taganhogo lagaikherek mondok lek.

YEREMIA 4:24

O tom-tom uandek omanogo inom punu punukwe omanogo inom neilenggen yethugunem he, mondok wesa polanhogo yelandi-kwelandit hugunem higi.

YESAYA 19:14

Iren komo wene inendawinggen nonghongsek mene yagaisili'lagwi andoma re Tuhan nen hilingfisugunem hilingiri'lagwi. Andiba re Mesir he ap lugu-lugwi palhi logolik talo-talonggerik lagunem inonggwaregen hebak wutu meneba ineisok peikhogo waragarek a'nogo hak hilingiri'lagwi andi o.

MAZMUR 96:10

Hiren afuni inunggulenu amu mene inoba yagaisikhi logolik he, Tuhan andi re ebe Raja werego! Kweang he mondok ningmanibere'ma re abolok u lek hak, Aren afuni kweangma werek mene katokhogo nek inawene pilingisogo ayo wurinafarek, iluk yagaisikhi logoni.

MAZMUR 18:10

Pogot healhaluk he At ebe ohena hik meneba eisok sebelik pi wagarek,

MAZMUR 2:6

Aren ikhi logolik he, ”Ap an nen wenagaisogo figi mene a'nogo ebe raja logouwagaluk, nonggwarek nandom Sion Mondok Horek mene a'nogoba arat menfigi o,” iluk isikhe andi.

MAZMUR 82:5

Hit he yi'nogo ti'nogo hilingisu mondok hinonggot logolik, inafe mondogat nonghongsek welagep, hiren hilingiti lagep oba re it afuni yi'nogo ti'nogo hilingiri'lagwi mene iluk wene melalek werek mene a'nogo hesangge-pesanggerogo mondok hilingik werek.

2 SAMUEL 6:2

A'nogo wagaukwama, Peti Wene Warogo wo'ninafikhe iluk hilingik a'nogo waluk wesuogoluk, at Daud en he, it andi mondogat o Baale-Yehuda woginarek lagaikhe. Peti andi enu re Tuhan Omame Mondok Hokho mene, it pogoroba yonggo mene inunggulenu ekhe kerub agarek mene a'nogo amboloba takhta ba hurek werek mene enu igisogo agarek mene a'nogo andoma nen waluk wesugun iluk lagaukwa.

1 TAWARIKH 16:30

Yago, hit afuni o kweangma yoma mondogat, At elokhoma nen hinoak leigeti logoni! Kweang hambuk lele warek mene re abolok u lek hak.

MAZMUR 80:2

Nineisena Hat afuni Israel mene inobaget gembala welagen mene a'nogo hesanggo holin o, We Harenat it Yusuf en tagomangge mene omanogo wam domba ulukhogo waluk lagaikharek higit woginarek wagagin, Hat hebe re kerub amboloba hurek logolik wam yonggo palek konharek hak he, it Efrayim mene inom, Benyamin mene inom, Manasye mene inom, inelokhoma andoma,

MAZMUR 96:9

Hit hinebe mondogaren Tuhan awe a'ma hineindep awi yagaisogo hinasu Tuhan obaget hilingisuogeluk labetarek mene laberogo At faget fogerati logoni! Hit afuni o kweangma yoma welagep mene re At elokhoma nen hinoak leigeti logoni!

YEHEZKIEL 43:7

”Afuni wa'lagaikharek mene yi re, An nebe nagainafuri Israel mene inanggele'ma logolik it inebe nagainafuri nenggi mondok-mondok melalinafu logogin mene a'nogo re Nebe yi o. It inom ap raja inomen ogore, inandugwi kembu wurigik, nen it inogogwi raja inebe warek kweang yiba salinafik, ikhi logolik An nenu mondok horek mene a'nogo emerogo nobagakhi logogun lego.