MAZMUR 98:1 - Allah Wene Fano Wene Hupla Inane

¹ Wuni. At Tuhan nen elalin hilingisu elo'lek mene hilingiterek andi nen he At obaget wuni ket mene wulagaisogo wati logoni! At onggwarek esin logolik omame werek andiba re, telinaferek mene a'nogo At ebikhit hilinglagama werek.

MAZMUR 98:1 Referans Kwoze

KELUARAN 15:6

Henupogot neisena, homameba elalin hilingiten, Homameba, selei mene wulil tagalogo inoaten.

YESAYA 52:10

Tuhan omame werek mene a'nogo it inunggulenu mondogat inoba inugisamo re, afuni o kweangma yi awi ti awi unggut-unggut welagaikharek mene mondogaren he, Allah nit nineisena telninaferek mene a'nogo ineilenggen hogoin o.

WAHYU 14:3

A'nogo inane hokho ikhi logolik, Allah ebe kain welagarek mene obuluk oba werek kwelek, it aren elalinafikhe mene ekhe inebe enggaminogo omanogo inom, ap inaluendek omanogo inom, ineilhanem wuni ket mene felalogo it afuni fena yanggulhi'lek inonggot, we, it afuni inebe 144.000 kweangma nen arat telinafe mene omanogo nek inelumo watunem inane nesanggo holhi.

MAZMUR 96:1

At Tuhan obaget wuni ket mene wulak fuluk ikhi logoni, hit afuni o kweangma mondogaren he At Tuhan obaget awuni wati logoni.

MAZMUR 33:3

Nineisena Tuhan faget wuni ket mene felalogo, pinggong kecapi aneba fanorogo watik, hinendawimo hinagaiyetik hikhi logolik, a'mit suphogo awuni wati logoino o.

MAZMUR 96:3

It afuni inunggulenu lombok andoma inoba At ebe andungdang welagarek mene a'nogo faget tindelhi logoni, Aren afuni inoba wesa polanhogo hilingiri'lago mene andoma faget pilingiti logoni.

WAHYU 5:9

A'nogo wuni ket mene felalogo wati logolik: Oi ye oi ye hu, oae oae oae hu: ”Hat enek he, arat hoatukwama wa'lagagindik, Afuni mondogat inunggulenu lombok, inane lombok, Inagap lombok, inawi lombok, Hat hamep oba Allah faget onggo palogo fisaluk, Eisewerek agagindik, Suesingga uan meneba lisu palek yinggilik andi, Waluk he, silo fagarek andi hak, Amusu te'merogo fesukwa mene andi, Elok fikhaligin.

KOLOSE 2:15

At Kristus ebe e andiba wa'laga logolik Iblis agoromi kaindek inomame werek mene inom mabenet fisaluk he, afuni nen selei mene inom weim yafi logolik inomame a'luk, inebe ineluk hele warogo afuni ineilhanem woginarek wagaikharek hak, at Kristus nen sele'ma inenggali watikhe andi.

YOHANES 16:33

ekhe mel yagaisasikhe: ”Hit an ninom hundik logolik, hinendawinggen hambukhogo logobagaigen iluk, wene andi mondogat yagahisigi o. Hit hinebe kweangma logolik yi enggin ti enggin hikhi logogun o. Mene re, kweangma mene mondogat mabenet fisigimo werek andi nen he hinailo lekhogo logoino o,” iluk yagaisasikhe.

WAHYU 3:21

An arat nomame agagimo, neisena kain welagarek mene obulu'mo nemberek welago yi hak, sa nen omame asigin halok, an kain welagirek nobulu'mo nemberek logouwogeluk menfagain o,

KISAH PARA RASUL 2:11

Nit fena ebe Yahudi mene, nen it fena alek mene Yahudi mene ninoba kwi wagaukwasik Allah ane wanhukwasik ninom welagoat. Nen, afuni o Kreta mene inom, Arab mene ninom were'ma, it yi nen Allah omameba elalinat hilingitarek mene yaganisugunem, ninonggwarek ninaneba lombok ninesanggo holhi lago yi,” iluk,

LUKAS 1:49

At omame hokho mene nenat, hokho mene hilingnafe o. At onggwarek amuat enu werek logouwago.

YEREMIA 31:22

Yago, hit hinunggulenu An noba tiphogo hilingiti lagep lek mene yi re, hit hinendawinggen pire pare ikhi logolik werek kwelek enek he ki huli logogun nogo? Hemi nen ap ineyaga welagaikharek hak, An nen o kweangma yoma ekhe hilinglagarek lek mene mondok ket mene hilingisogo figi o,” iluk ikhe.

YESAYA 63:5

A'nogo anggigirik, An nen heraginafiba nen he lebetnafu mene ekhe welagaikha lek, andi nen An noba fokhogo welagi. A'nogo logolik An nonggwarek nomameba nen lebetniugunem welagi, nen An noggwarek na'mage lagagu meneba lebetniili'logo.

YESAYA 42:10

Wuni ket mene Tuhan faget felalogo ini o, Hit afuni kweangma welagep mene mondogaren he, Arenek fogera'ni o! I laut inom, elonggoma werek mene inom, yi awi ti awi yatkwe-yatkwe welagaikharek mene inom, inebe mondogat At faget fogerasuogeluk andogosi we'ni o!

MAZMUR 149:1

Wuniba Tuhan fogerasuok! At Tuhan faget wuni ket mene wa'ni! Afuni At againafuri andogore'ma andoma nen At fogera'ni!

KELUARAN 15:11

Afuni ekhe inawesa meneba himbirik welagaikharek andi hangge, Hat he andi hinom he higitsek lek, Hat hamunek tegelek mondok were'ma fogethafarek. Hebe futfagauwageluk elalin mene hokho hilingiten andi hak, Sa hagen a'nogo hilingisu hak nogo?

YESAYA 59:16

It ekhe nen menlasi we'luk inebikhit agaikharek mene a'nogo, ekhe werek le'ma hikhesik he Tuhan oba fogikhe. Andiba re At onggwarek omameba re it inagap telinafik, inalonget fisigik, ikhe.

MAZMUR 139:14

Hilingisu elo'lek mene, elalin mene hilingnafigin. Haren hilingiti lagen mene andoma re, mondok inailo asu hak mene iluk an arat futfigirik, hokhorogo fogethafi lagi o.

MAZMUR 136:4

We Arenat hilingisu elo'lek mene mondok hokho mene hilingiterek, Endawi hundik hilingninaferek mene andi re mondok-mondok logogin mene.

MAZMUR 105:5

Hit afuni Abraham Allah amingmingengge nen tagongge mene yi sani! Hit afuni Yakub Allah nen wenatikhe mene a'nogo nen tagongge mene yi sani! hit hinebe re, iren tagomangge mene inoba Allah nen he, elalin hilingiti lagaikhe mene andi, wene andi mondogat eberek logoino o. Ane palek werek mene andi, hinonggoragi'lek eberek mondok logoino o.

MAZMUR 86:10

We Hat hamu nek Allah welagen, nen Hat he Allah hebe Lego mene logolik he, Haren hilingisu elo'lek mene omanogo nek hilingiti lagen.

MAZMUR 77:14

Neisena Allah, Haren hilingiti lagen mene andoma re mondok fano horek mene nek hilingiti lagen, nit nineisena Allah hokho hagun andi hak he ap sa hak ekhe werek nogo?

KEJADIAN 3:15

Hat inom, he yi inom, hemberek mondok weak logolik, aren tagongge mene inom, haren tagongge mene inom, hinom weim palek mondok logogun o. A'nogo logolik aren tagongge mene nen he, hat hungguloak sagalogo hoatunem, hat haigen it ineisok onggut libilinafi logogin o,” iluk yagatikhe.

WAHYU 17:14

A'nogo eisewerek fembik, Domba Eak a'nogo weim inom yabuogeluk ugun meneat he, at Domba Eak ebe afuni kaindek inenupogot inom, inenuwerek mene inom, mondogat inoe enuwerek lego mene arat andi nen he, againafuri wenaginafikhesik inayonggo fesikhemo inobabut at faget humbunhogo hilingitarek mene omanogo, at ebikhit agaikhasik, inomen, at mene olomene hangge a'nogo agoromi inom mabenetfisogoin o,” iluk yaganete.

KISAH PARA RASUL 19:20

A'nogo hilingitukwama re, Tuhan Allah ane andi hokho agik, omame agik, ikhi lagaikhe.

WAHYU 6:2

A'nogo ugunem, neilenggen yethigi hak he, ap ekhe sikhe waluk kware-kware ap inenupogot ikfisagarek mene unggul oba ikfagama, wam kuda esi mola kut mene amboroba hurek logolik, o sebeligeluk sebelik nugunem yethigi o.

AYUB 40:9

An nomame werek andi hak, hat homame andi higit werek nogo? An nane unggunggu ane hangge igirek andi hangge hat hane u hak nogo?” iluk yagatikhesik he,

MAZMUR 72:18

Tuhan it afuni Israel mene ineisena Allah andi nek fogeratu mondok logouwok. We At ami amu nenat yi wene ti wene elalin mene nek hilingiterek.

MAZMUR 89:14

Hat he homame mondok hokho mene welagen, Nen Haren hilingiti lagen mene andoma re mondok elalin mene hilingitendek.

YESAYA 12:5

Aren elalin mene hokhorogo hilingiterek andi faget, Tuhan obaget awuni wati logoino. O kweangma yoma mondogagen, Aren hilingiri'lago mene andoma faget inesanggo holuak.