MAZMUR 97:3 - Allah Wene Fano Wene Hupla Inane

³ At elokhoma nen he endu amulok kulunghogo lagakhi logolik he, it Aselei mene At eralukwe maserogo werek mene omanogo mondogat endu nolinabi'lago.

MAZMUR 97:3 Referans Kwoze

MAZMUR 50:3

Nit nineisena Allah andi ebe waga logolik he At ane legengge wagarek lek, At waga logolik elokhoma re endu amulok kulung-kulung wagarek, nen sogoi sielu hokho mene re At ebe huli'liphogo wagarek.

MAZMUR 18:8

A'nogo holnobagaluk At Allah mondok a'mage lagagunem he, abologet hugunem, o kweangma mondogat abolok ikherek, nen tom ero yago mene andoma ogore abologetik, leigetik ikheregat.

MALEAKHI 4:1

Tuhan Omame Mondok Hokho mene a'nogo ane ikhi logolik he, ”Hobuk An nawi andi wei ugunem he, afuni ekhe inonggwaregen foget fakhagarek mene inom, inobabut weak hilingitarek mene andi inom, inebe engga puk mene endu nen ninggerek andi hak ekhe fena herakfisigi'lek endu mondok nagain o.

DANIEL 7:10

Nen, kursi hurek welaga mene andiba nen, i endu mene elesi wilibisogo lagunem higi. Nen, yi afuni ti afuni inebe mondok hokhorogo ribuan mene re At faget hilingiti lagaikha. Nen afuni inebe inenggi wenasu mondok elo'lek jutaan mene re At elokhoma mendek welagaikha. A'nogo logolik, afuni inanema waganogo wene inoba figik, kotik, igiluk suesingga omanogo mondogat funggulhunem neilenggen yerogo welagi.

ULANGAN 32:22

Endu amulok melang-melang, ninggerek hak, it ina'makwe het-perimbik, nilik huli fem a'ma ma'limaat pigin, yago mene mondogat nagain. Tom ebe ninggi logolik, ero inom mondok tamukhogo nagain.

HABAKUK 3:5

Harenat, ou weak mene Hat helokhoma attak loageluk lakfigik, nen wa'lagaikharek mene hombo'ne wesuageluk hilingitik, ikhi lagenat.

WAHYU 11:5

Nen, it afuni nen, ”It weagerinabuok,” iluk ugun halok he, endu it ap pire andi inambelema nen wulibi waga logolik, it inaselei mene andi inebe endu nen nagain aro. Halok, sa nen, it weagerinabigeluk igin halok he, a'nogo wasu higit obaat a'nogo wasugun o.

ULANGAN 5:4

O tom oba endu amuilok a'nogo anggele'ma nen he, Tuhan ane hit hinoba pikhit yagahisasikhe.

ULANGAN 4:36

Wene yagahisageluk At ebe pogoroba nen ane holubagaigeluk pelakfei wagaikhemo hinesanggo holhigip. Nen, At ebe kweangma nen he, endu inailo mene andi inukhisasikhesik, endu andi anggele'ma nen ane yagahisugunem holhigip andi.

ULANGAN 4:11

Hit tom ohena mondok mumweak mene nen sebelek welagarek hak so'le mondok mumweak mene nen sebelhinarek were'ma endu amuilok pogot halianggen oba lagagunem wagagipsik mendek logolik hasigip a'nogo, hinendawimo eberek logolik he, Nit yi'nogo hilingitugu, iluk hinagainafuri, yagaisikhi logoino o.

MAZMUR 18:9

Hule re ambisang elema nen palogo wulabi wagik, nen endu amulok inom, endu ambisang inom he At ambelema nen wulabi wagik ikherek.

YEHEZKIEL 1:4

A'nogo nunggul legeisogo liakhasigi re, sogoi hokho mene o abel utara fikhiren funha waga laga. A'nogo funha wagunem he, ohena hokho logoumsek meneba nen, eilabut hobugalep yararet hugunem he, o pogot esanggo-esanggo mondogat lia-fiarogo hilinglagunem higi. Nen eilabut yararet hikhi laga mene andi ebe re endu hangge mene re, elonggoma re, elokhonggen tembaga hangge ombak-bak hokho mene were'ma hasigi.