MAZMUR 96:9 - Allah Wene Fano Wene Hupla Inane

⁹ Hit hinebe mondogaren Tuhan awe a'ma hineindep awi yagaisogo hinasu Tuhan obaget hilingisuogeluk labetarek mene laberogo At faget fogerati logoni! Hit afuni o kweangma yoma welagep mene re At elokhoma nen hinoak leigeti logoni!

MAZMUR 96:9 Referans Kwoze

MAZMUR 29:2

At Tuhan enu ibi ebe mene andi fogera'ni o, At obaget hilingiti logolik su labetu mene andoma laberogo apne wanhi logoni o.

MAZMUR 114:7

Hat kweang yi re, At Tuhan Yakub eisena Allah a'nogo nen, helep uk welagaikheba omanogo agaumhogo re i mogo yenggelfigik, nen helep tom eil silipnorek menere i elesi wulakfei wagik, isikhe mene a'nogo elokhoma andoma nen leik waririm esin o, iluk wuniba fogeratikhe.

MAZMUR 110:3

Hat hebe Handom horek oba andoma homamerogo wagunem he, o hubet lilengge welagarek hak, hat hagoromi ap alage mene inendawinggen nenat yabugun iluk, esa hokhorogo logalugun.

DANIEL 11:45

A'nogo hilingisimbik aren he kerajaan andiba o tenda re i laut en hilingi'luk, tom o Tuhan awi wuri'mo nen hilingi'luk tulem andoma wusigin. Oba nen hobugen he, at ebe wa'lasumo re ap misigen iluk ogo ekhe lebethogoin mondok lego,” iluk ikhe.

MAZMUR 33:8

Nineisena Tuhan aneba yi mene ti mene elalame iluk isikhemo, ebe arat elalagaikhesik, mondogat werek andi nen he, yi afuni ti afuni o kweangma werek mene mondogaren he, At oba inailorogo logolik agaugwerati logouwago.

YEHEZKIEL 7:20

Attak he it inangge permata elokhe fano mene were'ma inagaiyek aga lagaukwa, oba nen he iren inanggembu ina'meilo mene omanogo wurouwogeluk no andomaba wurikhi lagaukwa andi nen he, Tuhan nen it inangge andoma re mondok inali'lip mene hangge hilingfisagain.

MAZMUR 76:11

Afuni ina'mage mondok hokho mene ogore Hat fogethafi logogun, nen it ina'mage lagaluk logogun mene ogore fong warogo iluk pelagi su ikfuluk logogunat.

EZRA 7:27

Surat a'nogo palogo wogetikhemo re, at Ezra nen ikhi logolik mel isikhe: ”Tuhan Allah nit ninombawi nen fogerati lagaukwa mene a'nogo o Yerusalem At onggwarek awi a'nogo haluageluk raja endawimo kagalhemo, eil wo'ninafe andi nen At ebe fogerasuogo.

MAZMUR 76:7

At Yakub eisena Allah nineisena, it ap wam kuda ba lagaluk weim yabi lagaikharek mene inom, kuda ebe inom ogore, Hat hane pararagen he it inebe mondogat wa'lagaikha.

2 TAWARIKH 29:28

It wuni wulafu inap omanogo re wuni wulafi logolik werek kwelek he, it pinggong watu inap omanogo re pinggong watu mondok were'ma re at raja Hizkia inom, it afuni mondogat andoma welagaukwa mene inom he, Tuhan a'ma sebe uluk fogeratu kwelek enek he wam warogo noletukwa mene omanogo mondogat endu nen felelenghogo nasikhe.

2 TAWARIKH 29:30

It afuni holhu mene inogogwi omanogo inom, at raja inomen he wuni at raja Daud en felalhikhe mene inom, hun nabi Asaf en felalhikhe mene inom, wuni Tuhan obaget fogeratu awuni omanogo it ap Lewi inaben wulabuageluk yagaisasukwama iren wuni omanogo wulagaisogo watu kwelek he, it ap mondogat a'nogo re wuni inagaiyek oba wati logolik he, ineindep awi yagaisogo Allah apne wanhi lagaukwa.

MAZMUR 99:1

Tuhan andi re Raja werek. Yi afuni ti afuni inunggulenu lombogen inoak leik etarek. At ebere kerub amboloba hurek were'ma, kweang yelandit-kwelandit hili'lago.