MAZMUR 96:2 - Allah Wene Fano Wene Hupla Inane

² At Tuhan obaget wuni wulagaisogo wati logolik he At enek fogerati logoni. Aren nit ninagap telninafe iluk linggene hundik-hundik wene inagaiyek mene andi wialhi logoni.

MAZMUR 96:2 Referans Kwoze

MARKUS 16:15

A'nogo wenagisasikhesik, wene ekhe mel yagaisasikhe: ”Hit he, afuni inunggul enu lombok o yi awi ti awi a'lima mondogat wene fano wene yi yagaisilik laga logoino o.

MAZMUR 71:15

Haren katokhogo nek hilingiti lagen mene faget inom, inenggi wenasu elo'lekhogo telninafi lagen mene faget inom, an nen linggene inukhogo tindelhu mondok welagirego.

MAZMUR 40:10

It Hat hagainarufi andogorek were'ma, telninafendek wene ninendawimo inagaiyek asugun mene andi nenggi ekhe kamo igi'lek yagahisugu mondok welagirek andi mondogat he helu welagen o.

YESAYA 40:9

Tom uan mene ungguloba lagai lambik he, wene ebe mene o Yerusalem awene andi faget yagarisa lano o, hailo agi'lek hane hokhorogo kweti logolik wene fano wene andi o Sion faget yagaisano. It o kota-kota Yehuda ba andoma werek mene inoba yagaisikhi logolik he, Allah it ineisena re hobuk wesigin o, iluk yagaisano!

MAZMUR 145:1

Daud en wuniba Allah fogeratikhe mene. Allah neisena, Hat he Raja an neisena welagenma re an nen legeisogo hobagakhi logogin, Nen Hat hobaget mondok-mondok andoma fogethafu logogin.

WAHYU 5:13

Andi hak, it Allah nen elalhikhe mene mondogat, pogoroba mene inom, kweangma mene inom, kweang a'ma mene inom, i laut yenggele'ma welagarek mene inom, mondogaren ikhi logolik: ”At kain welagarek obuluk oba werek andi, Domba Eak a'nogo emberegat, Irat inomame werego, iluk hai warinafik, agaugwerinafik, fogerinafik, ugu mondok logouwogo,” iluk ugunem holhi.

EFESUS 1:3

Ninoe Tuhan Yesus Kristus eisena Allah at fogerati logouwogo. Nit Kristus ninom hundik were'ma, at Allah nenat fano mene mondogat ninendawinggen faget pogoroba nen wo'nisasikhemo welago.

KISAH PARA RASUL 13:26

Halok he, hit afuni Abraham en tagongge mene inom, endakwe mene Allah ane hologo hilingiti lagep mene yoma inom, nerugwi nagaila'lak. Wene telninabigin wene andi Allah nen nirat ninoba lakfei wagama yi.

MAZMUR 145:10

Tuhan neisena, yi mene ti mene elalinafigin mene andoma mondogaren he, Harenek fogethafu mondok logogun. It Hat hagainafuri mondogaren he, Harenek legeisogo hobagakhi logogun.

MAZMUR 103:20

Hit Allah agoromi malaikat hinomame hokho mene, At ane hologo hilingiti lagep mene omanogo hinebe mondogaren, At Tuhan andi nek fogerati logoino.

1 TAWARIKH 29:20

A'nogo mondogat samban isikhesik, at Daud en afuni hokhorogo andoma kaboksek welagaukwa mene omanogo inoba ikhi logolik he, ”Hineisena Tuhan Allah fogera'ni o! Iluk yagaisasikhemo re, it afuni mondogat a'nogo nen, ineisena Tuhan Allah it inombawi nen apne wanhi lagaukwa mene a'nogo fogeratukwa. Fogerati logolik he, iren At Tuhan legeisogo fikhi logolik iluk inom, at raja a'nogo legeisogo fikhi logolik iluk inom he, ineindep awi yakfesukwasik inelokhe sagaum fogeratukwa.

MAZMUR 145:2

Linggene hundik-handik andoma an nen Hat hai wathafu welagik, Nen nenggi mondok-mondok andoma Hat henu seralhu welagik, ikhi logogin.