MAZMUR 94:21 - Allah Wene Fano Wene Hupla Inane

²¹ Iren inane misik seberogo makfuluk ap higithogo hilingiri'lagwi mene omanogo inom eil eri'lagwi, nen iren he afuni weak hilingiri'lagwi lek mene we tulem mene omanogo pinggi inoari'lagwi

MAZMUR 94:21 Referans Kwoze

MATIUS 27:1

A'nogo hilingitukwasik were'ma, o arat wei isikhemo ohealekwe it ap Allah eisewerek mene inogogwi kaindek mene omanogo inom, inaluendek omanogo inom, mondogaren he, Yesus wasuogeluk weim abok isukwasik he,

AMSAL 17:15

Ap weak hilingitarek mene inili wanhi logolik ap higithogo hilingitarek mene weaget fisagarek mene andi re Tuhan nen abit anggikherek.

MAZMUR 59:3

It afuni weak hilingitarek mene andomaba nen an fikhalogo wulak nobagain o, it ap ware andoma inenggimo nen telogo wulak nobagaime o.

WAHYU 17:6

Nen, he andi nen, Allah againafuri mene inom, Yesus ane yagaisilik nikharek mene inom, inoatikhe mene inamep ninggesik, afuni nen anggur enggen amusu naluk lugulugwi palik agaikharek andi hak, lugulugwi palik agasik were'ma yethigi. A'nogo yethigirik hokhorogo fogerati.

KELUARAN 23:7

Ap ekhe weak hilingisigin lek oba nen, hinendawi menenei en oba hikhibet haluk ebe pinggi watuaple andi re, An nen ap weak ariginik mene nen hilingitu mene faget mondogat nabit welagimo re, hiren agaiserati logoino.

YAKOBUS 5:6

It ekhe higithogo hilingiri'lagwi mene andi, iren onggo hit hinoati le'maat wene inoba fuluk inebe inoati lagep andi ri!

MATIUS 27:4

”Eige! Ap andi weak hilingiti'le'maat wasubagaigeluk yonggo wagimo o. Halok he, weagat hilingitimo higi o,” iluk, yagaisasikhemo, it omanogo nen he ”Wene andi nit ninoba agama anggegen? Lego. Andi hat hoba lombogaro,” iluk yagatukwama re,

YEHEZKIEL 22:27

It inogogwi kaindek pemerintah ba yabu hilingiri'lagwi inap andoma re mene olomene serigala nen paik hangge senfuluk tilip talap isikherek andi higit werek. Iren he inangge hokhorogo helogoin iluk ap wasugun mene nek hilingiri'lagwi.

YEHEZKIEL 22:12

It fena ekhe re ap wasuageluk onggo palinafunem inoatu mene agik, muli inamep nunggu mene agik, nen afuni it inunggulenu mene inoba sebelogo fisikhi logolik welagik, hilingitu mene werek. It inebe mondogaren An inonggot agaikha. An Tuhan Lego Mondok welagirek mene a'nogo nane mondogat igi.

AMSAL 1:11

It andi nen ambi, yi'nogo yagahisogoinat: ”Nit ap ekhe murok lambik he ebe libi'labakhogo wasi louwogen we'ni. Nen niren we men-menengge lambik he, it ap weak hilingiri'lagwi lek mene inoasi louwogen we'ni.

MAZMUR 22:16

Nalonggop elema re iwak halongorek mene hakhogo mondogat kelok ikhe, namelinggen he nelanglang oba te'me ikhe. Neisena Tuhan an he afuni warek mene hakhogo re, ologoilong engge amboloba nobagegenma welagi o.

1RAJA-RAJA 21:19

Lambik he, Nineisena Tuhan nen he, wene yi'nogo yagahete ino: Ebe arat watendik he, eabu sebeligilugat higi. A'nogo hilingiten andi nen he, at Nabot amep mene nen melangethigik ninggeba andem he, harogo hamep mene nenat melangethigik nagain aro, iluk yaga'no,” iluk yagatikhe.

KISAH PARA RASUL 7:52

It ap Allah ane yagaisikhi lagaukwa mene omanogo, hinombalagen inebe weagerinafi'lek ekhe welagaukwa nogo? Weagerinafi lagaukwa nek anggigi. It Allah Ane yagaisikhi lagaukwa mene nen he: Allah amingmingengge obabut higithogo hilingisigin mene andi hobuk wesigin o, iluk ebe wagi'lek werek kwelek, abok tak ikhi lagaukwa mene inebe hinombalagenat inoati lagaukwa andi. Hobuk, iren abok tak isukwa mene andi ebe wagaikhemo re, hirenat at ebe wasuageluk yonggo lagik, ebe watik, egep andi.

YEHEZKIEL 22:6

Nen it afuni Israel mene inogogwi kaindek ferinarek welagaikharek mene inebe mondogaren he it inonggwarek inomameba nek tibet fak hikhi logolik, ap hokhorogo inoati lagaukwa.

YEREMIA 26:15

Oba nen he hinendawinggen fanorogo wenggel hano, hiren an pinggi noasugun halok he, hit inom afuni o kota yi mene mondogat inom he ap weak hilingiti'lek kwelek wasugun mene andi faget ambisangma enek hogoin o. Wene yi re Tuhan nen an la'nobagai waga logolik he wene a'nogo ineluet fei lan o, iluk yaganetemo igiri'mo nen enggere,” iluk yagaisasigi.

AMSAL 1:16

It he weak hilingiti'legengge yamukhogo logou re inabit. Iren anggagarek he weak-weak ferekhogo nek inoa'lo anggagarek.

MAZMUR 106:38

Iren he yenggerugwi weak hilingitu aple inonggot mene omanogo abomalik inom helime yenggerugwi inom inoa'luk inamep he, iren kembu omanogo obaget pelabik laga lagaukwa. Andiba re iren o kweang andiba mondogat emetfikhi lagaukwa.

MAZMUR 56:6

Linggene hunduk-hundik he it naselei mene omanogo nen an nawene a'nogo nonghonget fogoin iluk hilingitik, nen an nebe weaget nobagagun iluk hilingitik, ili'lagwi o.

2 TAWARIKH 24:21

A'nogo yagaisasikhe oba nen he, raja Yoas a'nogo it afuni holhu mene inom, wene misik seberogo makfesukwasik he, at Zakharia ane a'nogo puliarogo fesukwa. A'nogo hilingitukwasik he, at Zakharia eisena Yoyada nen hilingiti lagaikhe mene inom, aren ekhe mene ekhe mene kamo igi'lek hilingiti lagaikhe mene inom omanogo wenggel higi'legengge at raja nen he Zakharia a'nogo ebe wa'ni iluk yagaisasikhemo re, at Zakharia a'nogo o Tuhan Awi wuri'mo nen ambe kabukhogo tale'ma omanogo nen helep oba fukfugenggerogo pinggi watukwa. A'nogo watfesukwama, aremnogo ebe wa'lasigiluk logolik he, at Zakharia ane yi'nogo isikhe, ”Haren hilingiten mene yi re, At Tuhan amu nen enek eilenggen hikhemo re, aren enek hat henggi ambisangma hilinghobagauwak!” iluk yagatikhe.

DANIEL 6:8

Nit ap kaindek, afuni haren hawe a'ma ferinarek welagen oba yoma ekhema-ekhema ferinarek welagorek mene ninebe mondogat gubernur inom, hat henggi ebekwe mene inom komorinaforek mene inom, bupati lak inom, ninomen wene arat tekhogo ogosigen wene palek oba loukhogo hilingiti logogun mene ekhe lisu palogo wene isa wulabinogen iluk yagaheto o, noe. Haren wene isa wulafi logolik he, Afuni nen inenggi 30 nen logolik amu mene faget, Nineisena ebe yi aro, iluk fogeratarek mene andi hea, afuni mene hea, ekhe ayonggo figik, kino yagatik, ikhi logogun mondok lego. We, an enek nayonggo figik, kino yaganetik, ikhi logogun o. A'nogo meneat he, at sa nen an nen wene ero wulafi mene andi hologo hilingiti'lek halok he, singa kweang habuli'mo welagarek oba pelakfisagain o, iluk wene ero wulabin o, iluk yagatukwa.