MAZMUR 90:5 - Allah Wene Fano Wene Hupla Inane

⁵ Haren he, inabi hagarek andi hangge ninebe leget ninobagagik, nen i nen woginapluk lagarek hak hilingninobagagik ikhi lagen. Nen yi mene ti mene fulelheresik,

MAZMUR 90:5 Referans Kwoze

YESAYA 40:6

Ane ekhe ikhi logolik he, ”Yagaisan o!” Ugunem he, ”An nen wene ninggi'nogo mene yagaisagain?” igimo re, ”Afuni mondogat he engga hak, athe owil-owilengge we elama elokhe fano werek andi hak werego,” iluk yagaisan, yaganete.

1 PETRUS 1:24

Andi nen, Allah ane mel iluk lisu palek werek hak: ”Afuni mondogat inebe re, e engga hangge aro. Fano iluk fogerinafarek andi, e enggen fogeratarek andi hak fogerinafarek. Engga puk agik, enggen lologo pigik, ikherek andi.

MAZMUR 73:20

Inabi hagarek mene ineluk aga logolik inonggot agarek andi hak, neisena Tuhan hebe menlagu sambul he, it inebe mondogat weagerinafunem lek agaikharek.

AYUB 22:16

Athe inebe wa'lagaikharek oba oan asi wagi'lek werek kwelek weak-weak woginaferek, nen i fu wagu mene nen sebelinabi we'luk woginapluk lagarek.

AYUB 20:8

At ebere afuni inabi wokhaluk longgo ikherek a'nogo hak, nen hubanggo inabikanggoba hagarek a'nogo hak longgo ugunem he,

AYUB 9:26

Perahu i ambolebene kulunghogo lagarek hak, nebe neluk welagi mene yi re a'nogoat lili'lago, nen sue kuri nen paik herakfuluk sebeligin iluk toin pikherek hak hilingiri'lago.

AYUB 4:20

Ap andi re we hubet enek eluk welagaresigen he, o hu'mokwe agu kwelek aremnogo re hesanggema teisa-teisa wa'lagunem he afuni nen inenggi hokhorogo andoma ap andi oba ekhe ebesu lek hak.

YESAYA 38:12

Nen an neluk welagi mene a'nogo sikhiphogo lagunem he, an nebe legasi lagain mene a'nogo huli andibaat asigin, ap domba halharek mene inawi sabu meisalharek hak, su yo itarek meneba nen tegetharek hak, an nen anggikhi logolik neluk welagi mene ari Allah nen wurep kobokhogo hilingnobagaikhe iluk anggigiri'mo nen o.

YESAYA 38:13

O hubanggo re an nebe ouen nane kweti lagi, nen an noak he mene singa nen halumet hugunem hakhogo nafunem, an nen anggikhi logolik he neluk welagi mene a'nogo Allah nen arat wurep oba hilingnobagaikhe higi, iluk anggigiba nen o.

YESAYA 40:7

Tuhan nen sogoi aganhan mene funha wagunem he engga puk agik owil-owilengge sawet agik ikherek hak. Eberogo nen he unggulenu ari mene re engga hak werek.