MAZMUR 90:12 - Allah Wene Fano Wene Hupla Inane

¹² Nit nineluk umur horogat welago mene andi faget, fut fouwageluk ninendawinggen kagalek mene hilingninobagakhi logoin o.

MAZMUR 90:12 Referans Kwoze

MAZMUR 39:4

Nen an nendawimo enggin hokho mene fitlasi weri'lago. Hilinglagu mene a'nogo wenggelhagain iluk hilingitunem he, nendawimo ekhe inom enggin mene nek asi weri'lago, a'nogo nek agu nen he ambisangma an nen ikhi logolik he,

YOHANES 9:4

ekhe mel yagaisasikhe: ”Hobuk o mum asigin o. A'nogo mum agunem, afuni ekhe nen yi mene ti mene hilingisu lek hak asigin andi nen he, At laknobagai wagaikhe mene hilingiterek mene andi, o yogondak o selek werek kwelek yagaat hilingiti logouwogo.

ULANGAN 32:29

Inendawimo kagalek logoilepma re, yi'nogo hilinglasugun higi, iluk futfeilebo.

AMSAL 4:7

Wene ebe esin mene attak-attak haren hilingiti logogin mene re yi'nogo: Hafe hibil hebelhogo logolik homamerogo hilingiti logoino. Haren amu mene faget ekhe mu'luk laga logogin oba nen he, ebe tukum hogore yi wene ti wene futfuluk hilingitarek mene andi helagain iluk homamerogo mu'luk laga logogin fano.

PENGKHOTBAH 9:10

Afuni inebe wa'la'luk lagaikharek oba andoma re yabu hilingitik, menenei ebetik, yi wene ti wene inelu agik, inendawinggen kagalek mene hilinglagik agarek le'ma andomaat hit logoin andi nen he, hineluk logolik yi yabu ti yabu hinomamerogo hilingiti logoino.

AMSAL 23:12

Heisugwi guru lagen yagaheri'lagwi mene andoma ebeti logolik furogo wanhu nogo. Nen, furogo helu asuageluk he hokho pokhorogo yanggulikhi logoino.

AMSAL 22:17

An nen hat hoba komo wene ap hebelagaikharek mene yagahesigin mene andoma holhu nogo! Nen yagahesigin mene re fanorogo futfugunogo.

AMSAL 16:16

Emas helagarek mene andi re we endep hak oba nen, inendawinggen kagalek mene helagarek andi nek he mondok fano. Perak helagarek mene andi re we endep hak oba nen, inelu agarek mene helagarek andi nek he mondok esin.

AMSAL 4:5

Hebe mondok hebelek mene a'luk hendawinggen kagalek mene logoino! An nen komothafirek mene andoma re herak figi'lek eberek mondok logoino,” iluk yaganeti laga.

AYUB 28:28

At Allah nen afuni inoba ikhi logolik he, ”Inendawinggen kagalek mene andi wo'nisoageluk he, Allah andiat legeisogo fikhi logoni. Nen, futfikhi logouwogeluk he, weak mene andi agaiserogo yatma lakfuluk logoni,” iluk isikhe.

AMSAL 23:23

Eberogo wene yagaisagarek mene andi inom, inendawinggen kagalek mene andi inom, komorinafarek mene andi inom, futfuluk hilingitarek mene andi inom, andoma mondogat he onggo hunisuba nen he ebe wanhu aplere onggo mondok hokho.

MAZMUR 39:5

”Tuhan neisena, an nebe neluk welagi mene yi huli kiba werek iluk nelu asuageluk he, an nebe kiba legasigin andi yaganom o,” iluk ikhi lagi.

PENGKHOTBAH 7:2

Seni isatukwe lagaikharek andi re harek oba nen fong wari'lagwi kwe lagaikharek andi nek he mondok fano. Andi re wa'lari'lagwi mene andi nen afuni inebe lombok nenangorinafu werek higi, iluk wenggel hikhi logogun.