MAZMUR 90:10 - Allah Wene Fano Wene Hupla Inane

¹⁰ Nit ninebe umur he we, 70 tahun huli nek welagorek. Mene re, ninomame werek halok enek he, 80 tahun huliba asi lagorek. A'nogo meneat he ninebe a'nogo nineluk logolik he yi enggin ti enggin hikhi logolik mondok welago. Nen ninebe umur endebat a'nogo wela'luk arat lek agorek andi.

MAZMUR 90:10 Referans Kwoze

YAKOBUS 4:14

Ohealekwe nit wene ninoba yi'nogo hilinglasigin, iluk hinonggorat logolik ikhi lagep andi ri! Nit ninebe andi nena mene hangge welagorek nogo. O hena endebat welagaresigen weak-weagat lek agarek andi hak, ninebe a'nogo welagorek andi.

MAZMUR 78:39

Aren wenggel hikhi logolik he, it andi re wa'lagu mene, o sogoi furogo lagu mene ambotkwe lagokhogo wagarek lek andi hak werek iluk wenggel hikhi lagaikhe.

2 SAMUEL 19:35

An nebe umur 80 tahun arat agari'mo re, yi fano mene, yi weak mene, iluk penesu mondok elo'lego. Nen, sumburu inom, i inom, nunggunem enduk nambema mondok legat agik, afuni wuni watunem inane nesanggo holu elo'legat agik ikheo, noe. Andi nen he, noe hoba engginet fagain andi elo'lego.

KEJADIAN 47:9

Heinok wokhasikhemo, at Yakub en he, ”An hamingmingengge yi, o fuluk pugulogo nikhi logolik, huli yogondak nebe umur 130 tahun welagi. An nombalak o pugulogo nikhi logolik inebe umur uanat welagaukwa andi, an welagirek mene emberek walhamo re, an mondok wiik-weakhogo nikhi logolik, nebe umur horogat welagi o, noe,” iluk yagatikhe.

ULANGAN 34:7

Musa ebe re umur 120 tahun oba were'ma wa'lagaikhe. Ebe omame lek agik, eilenggen mum agik, igi'le'ma wa'lagaikhe andi.

1RAJA-RAJA 1:1

At raja Daud ebe arat yaman agaikhemo, selimut ambumeak meneba salogo fikhi lagaukwa meneat he, oba sogoi awi kwalogo nek welagaikhe.

AYUB 24:24

We horok elama faget enek endawimo agaiyekhogo werek oba nen he, hobuk he mondok-mondok lageluk werek. At ebere engga puk mene hakhogo a'luk werek, nen padi enggen oak oba nen palogo fugunem hakhogo hilingla'luk werek.

AYUB 14:10

A'nogo meneat he, afuni inebe wa'lagunem he, mondok-mondok lek agaikharesik he, koma lagaikha heat longgogarek andi.

YESAYA 38:12

Nen an neluk welagi mene a'nogo sikhiphogo lagunem he, an nebe legasi lagain mene a'nogo huli andibaat asigin, ap domba halharek mene inawi sabu meisalharek hak, su yo itarek meneba nen tegetharek hak, an nen anggikhi logolik neluk welagi mene ari Allah nen wurep kobokhogo hilingnobagaikhe iluk anggigiri'mo nen o.

LUKAS 12:20

at Allah nen he, ap yi, hendawinggen mondok lek yi ri! Yogondak hubanggo yi arat hareagun selokhogo wulakfisa wesigin o. Wulakfisa wagunem, hagarek mondok hokhorogo andogorogo fakhegen andoma sa eise asigin anggegen, iluk yagatikhe.

AYUB 20:8

At ebere afuni inabi wokhaluk longgo ikherek a'nogo hak, nen hubanggo inabikanggoba hagarek a'nogo hak longgo ugunem he,

KEJADIAN 6:3

A'nogo woginafukwama, At Tuhan Allah nen ikhi logolik, ”It afuni andi inebe ineluk mondok logogun andi re nabit. Inebe we elama mene hilingi'mo, wa'lasugun nen werek. Andi halok he yogondak huli nen he inebe ineluk uanhogo ekhe logogun lek, we umur 120 tahun huli nek logogun,” iluk isikhe.

YOSUA 14:11

Oba nen he, an nebe nomame attak at Musa nen laknobagai wagaikhe huli andem welagagi aremnogo inom higirat hilingik welagi. An he weim yafu aple ogo nen amu aple hilingitu mene faget ogo re nomamerek welagi.

2 SAMUEL 19:36

Haren yi mene ti mene hokhorogo wo'nesigiluk egen andi, an wanigin mondok elo'lego, noe. An he, we, hat wokharek i Yordan aik eliba horok andi huli lakhobagai lagain o, noe.

AYUB 5:7

Lego! We, endu enggen talelogo inoba lagarek andi hak, afuni ta'lagaikharesik oba nen yi weak ti weak andi inoba agarego.