MAZMUR 9:8 - Allah Wene Fano Wene Hupla Inane

⁸ Meneat he, At Tuhan he Lego mene logolik melalinafu mondok logogin. Aren afuni kweangma mene mondogat inawene pilingisogo katoget fuguba faget obalik takhta a'nogo wurogo fikhemo werek.

MAZMUR 9:8 Referans Kwoze

MAZMUR 96:13

At Tuhan ebe o kweangma melalinabigiluk wagunem, Aren he afuni kweangma werek mene katokhogo nek endawi fanoba inawene pilinget fuluk higithogo ayo wurinabigin o, isikhe.

MAZMUR 98:9

At Tuhan ebere afuni o kweangma werek mene inawene pilinginabigiluk wesigin. Aren he afuni inunggulenu lombok o kweangma ekhema-ekhema welagaikharek mene mondogat inawene higithogo ayo wurinafik, heirogo tegetik, eberogo weneba hilingisigiluk wesigin.

KEJADIAN 18:25

Haren afuni weak hilingita mene andi wene inoba fembik inoati logolik afuni weak hilingiti'lek mene andi inomat inoasigin andi nen he, afuni weak hilingiti'lek mene andi, it weak hilingita mene inom inoatun o. Haren kweangma mene inom, pogoroba mene mondogat wene inoba figik kotik egendek andi weak ugun nogo? Higit hogoat egendek andi,” iluk yagatikhe.

MAZMUR 99:4

Hat he Raja homame hokho mene welagen, higithogo hilingitarek mene andi nek hendawirogo welagen. Haren enek eberogo wene a'nogo omamet fikhi lagen, Harenat he it afuni Israel mene were'ma andoma higithogo hilingfisigik, wene melalek omanogo menfigik hilingiti lagen.

MAZMUR 94:15

Andiba re wene melalek a'nogo o wene katokhogo palharek oba omanogo nen ekhe inom omamet fugunem, it afuni inobabut higithogo hilingitarek mene nen he ane legeisogo fikhi logogun.

MAZMUR 50:6

Pogoren fageti logolik he, At Allah ebe afuni wene inoba figik kotik ugu mene logolik, Aren it againafuri omanogo inawene katokhogo tegeterek.

KELUARAN 15:18

Andoma werek kwelek, Hat nit nineisena Henupogot kain logolik, Fetninarek mondok logogin, iluk wuni felalogo watukwa.

MAZMUR 10:16

At Tuhan ebe Raja lego mene logolik ninhup nanhup melalinafu mondok were'ma re, it inunggulenu ekhe mene-ekhe mene At ebe inonggot mene omanogo re it inanggweang oba andoma nen inebe mondogat leget fisagain o.

MAZMUR 29:10

I fu lagarek mene ogore At Tuhan a'ma nek werek, At ebere Raja mondok-mondok faget lego mene logolik mendek werek.

YEREMIA 10:10

Oba nen Hat enek he nineisena Tuhan Allah eberogo mene o, Raja hetok mondok logolik nineluk wo'nisegendek mene welagen. Nen Hat ha'mage lagagunem he kweang leik eterek, nen Hane pararak etunem he yi afuni ti afuni hambuget hare elo'lek.