MAZMUR 9:14 - Allah Wene Fano Wene Hupla Inane

¹⁴ Tuhan neisena! it afuni an naselei mene nen noba ou pourogo nek hilingnabi'lagwi mene andoma heilenggen nean o, An hendawi nealuk wa'lagaikharek meneba andoma nen fagaisogo wulak nobagaime o.

MAZMUR 9:14 Referans Kwoze

MAZMUR 13:5

It naselei mene nen ikhi logolik, niren omame leget fogo, iluk yaganetik, nen an nalo-halo ugunem iren endo ya'nafik, uageluk herak nobagagun o, neisena.

MAZMUR 106:2

At Tuhan andungdang werek mene andi faget he ap sa nen waluk sagarik la hak nogo? nen ap sa hagen At obaget mondok higithogo foget fou hak nogo?

MAZMUR 51:12

Neisena Allah, Haren an nendawinggenma fano horek mene hilingisogo nobagain o. Hoba lomborogo mondok logouwageluk, hareagun nendawimo peterogo fembik, nobabut ket mene hilingisogo nobagain o.

MAZMUR 35:9

Oba nen an he, neisena Tuhan faget nagaiyegeti logogin, Aren nagap telnafunem he an nendawimo nen nagaiyek anggikhi lagi.

MAZMUR 20:5

We Aren enek yi mene ti mene hat hendawimo hamolo mene andoma wokheti logouwak, nen haren hilingitu mene faget iluk abok wilafi lagen mene andoma ambisangma mondok fano mene nek aga logouwageluk hilinghobagakhi logouwak.

YESAYA 37:22

Tuhan nen yi'nogo ikhe iluk lakfesikhe, ”Sanherib! o kota Yerusalem en he hat hobaget endo yakhafi logolik, ha'mage kwelabi'logo ari o!

MAZMUR 21:1

Afuni nen wuni wulakfuluk inebe seberogo ugunem melalinafu mene faget, Daud Awuni a'nogo.

1 SAMUEL 2:1

At Hana nen Allah fogerati logolik, samban oba mel isikhe: ”Neisena Tuhan nen fanotnafenma nendawimo nagaiyek hikhi lagi o. Haren hilingitendek mene andi re, nendawimo nagaiyek anggigirek mene nek hilingiti lagen o. Hat neisena Allah nen lebetnafenma, nendawimo nagaiyek oba it naselei mene nen inane asegen wo'nabi'lagwi mene omanogo re, an nen ogo pilibinafi logogin aro.

LUKAS 1:47

Allah an telnafe mene a'nogo nen yi'nogo hilingnafemo nendawimo nagaiyek hokhorogo hikhi lagi o.

HABAKUK 3:18

an telnaferek mene re neisena Tuhan Allah werego, iluk, nendawimo nagaiyek hikhi logolik wuniba Allah fogerati logogin.

MIKHA 4:13

Tuhan nen ikhi logolik, ”Hit afuni o Yerusalem welagep mene yi. It hinaselei mene andoma hineisogen alperelogo fisobagaigen he lani o. An nen wam sapi andimuk besi meneba inom, eisok a'lip tembaga meneba inom hilingik hak hilingisogo hinobagagin. Nen, hiren he afuni inunggulenu lombok inebe hokhorogo alperelogo inoatik, inangge yi mene ti mene onggo hokho mene hugul helasukwa mene andoma hiren wanimbik he, An hineisena Tuhan o kweangma yi awi ti awi mondogat faget welagirek mene a'nogo nobaget feino o,” iluk yagaisikhe.

YESAYA 62:11

Tuhan en afuni o kweang wurep-wurep welagaikharek mene andoma inoba yagaisoageluk wene yi'nogo warogo fikhe, ”Afuni Sion werek mene inoba yi'nogo yagaisano, ’Tuhan hinagap teligin mene a'nogo weri'logo a'li hani! It afuni fikhalogo fisasikhe mene omanogo inom seberogo weri'lagwi a'li,’ iluk yagaisani,” ikhe o isikhe.

YESAYA 12:3

I habub mene nen inendawinggenma sakot fisikherek hak, Allah nen hit hinagap telhinabigin andi nen hinagaiyegeti logogun.

MAZMUR 79:13

Andiba re nit Hat againafuri hanggo domba Haren halninafi lagen mene nen he, ninenggi mondok-mondok andomaba Harenek hai wathafu welagik, nen mo lagagik pigik ugu kwelek andomaba Harenek fogethafu welagik, hilingitu logogun o.

MAZMUR 51:15

A'nogo hilingnabumo an nen he, it weak hilingiri'lagwi mene andi inafe hebelasimbik inambotkwe hoba wesuagaluk, wene haren yaganisasigin mene andi fakhogo yagaisagain o.

MAZMUR 42:4

Lingge hundik, hup hundik le mondok aga logolik, sumburu nenggarek andi hak, le filirogo aga lagi o. Hundik-hundik it naselei mene omanogo nen yaganeti logolik he, ”Heisena Allah ebe koma werek,” iluk yaganeri'lagwi.

MAZMUR 35:18

Andiba re an nen it hagainafuri hokhorogo kabokse'ma andoma ineilhanemen, Hat hai wathafik, Nen it inebe andogotukwe andoma nen fogethafik, ikhi logogin.

MAZMUR 22:25

At Allah re afuni nen sebelogo fisagarek mene andi inoba re sebelek hangge iluk anggikherek lek. Nen yi enggin ti enggin hili'lagwi andi re, se mene hili'lagwi iluk anggikherek legat. Telninabin iluk yagatunem, elokhe hebekhogo herakfisaluk lagarek legat. Oba nen he iren lebetninabin o, iluk yagatunem he Aren inane esanggo holherek.

MAZMUR 22:22

An he nomame lek welagimo re no kambing andimuk hanggeba inom, singa aik werelek kabuk hanggeba inom, noasuogoluk ili'lagwi mene andomaba nentelnabime o.

KELUARAN 3:7

A'nogo salhikhemo, At nineisena Tuhan nen he, mel yagatikhe: ”An nagainafuri afuni Mesir mene nen inamingmingengge higit ferinarek logolik, yi enggin ti enggin hilinginafunem telinabuageluk nayonggo fugu mondok welagaikharek andi, An arat neilenggen isigik, nesanggo holhik, igi o. It yi enggin ti enggin hili'lagwi andi An mondogat nelu o.

KELUARAN 3:9

Afuni Israel mene Mesir mene nen sebelogo ferinarek weregen le ari'lagwi andi An neilenggen isigik, inane nesanggo holhik, igi o.

MAZMUR 6:3

Neisena Tuhan, an he nomame mondok lek agama re hendawi nean o, an mondok nonghong igirik logolik he fano hilingnabinogeluk hayonggo figi o.

MAZMUR 75:9

Tuhan anini re piala hangge At enggimo werek, nen piala andiba re anggur amusu arik weak mene hinago werek. At Allah nen he amusu a'nogo kweisal hugunem he, afuni inobaharo weak mene o kweangma yoma werek mene omanogo mondogaren ekhe herak figi'lek i a'nogo mondogat nogoin.