MAZMUR 9:1 - Allah Wene Fano Wene Hupla Inane

¹ Afuni nen wuni wulak fuluk inebe seberogo ikhi logolik at Mut-Laben awuni mene ane lisogo Daud en isikhe awuni a'nogo.

MAZMUR 9:1 Referans Kwoze

MAZMUR 86:12

Tuhan Allah neisena, an nendawinggen abirenggeba nenat Hat hai wathafu mondok logogin, nen Hat henu hokho welagen mene andi faget fogethafu mondok logogin.

1 TAWARIKH 16:24

At mondok along werek aple a'nogo afuni inunggulenu welagaikharekwe andoma tindelik lani o, At obabut fulu polanhogo hilingiri'lago mene andoma At againafuri inoba tindeli lani o.

MAZMUR 111:1

At againafuri inebe andogore'ma inanggele'ma omanogo nen, an nendawinggen oba nenat neisena Tuhan hai wati lagi.

MAZMUR 26:7

nen legeisogo hobagauwageluk Haren elalin hilingiti lagen mene andoma fagetik, Hat hobaget yi mene ti mene warogo nolhuba mezbah era'lukwe masetik, ikhi lagi.

IBRANI 13:15

Andi nen he, at Yesus ninom hundik logolik, niren he, ”Allah neisena,” iluk wam warogo at faget wogeti logou hak, hundik-handik ninambeba Allah enu hokhorogo fogeratu mondok logouwogo.

YESAYA 43:21

It inunggulenu ari mene re iren An nobaget wuni fogetnafu awuni wati logolik fagerik laga logouwageluk An nonggwarek faget wenagaisogo fakhasigi o,” iluk ikhe.

MAZMUR 7:17

Arigini'mo ap andi re, at onggwaregen weak hilingiri'lagoba wene oba fakhigik, oba haroba hilingituba re, onggwarek ebeba enggin-fenggin fakhigik hilingirili'lago andi.

1 TAWARIKH 16:12

Yago! Hit Allah amingmingengge Yakub eisok erokwe mene yi, e hu Yogo! Hit Israel en tagongge mene hineisena Tuhan nen tegelogo hinobagaisikhe mene yi, e hu Aren elalin mene hilingiti laga mene omanogo wenggel hikhi logoni, e hu Aren yi'nogo hilingiti logogun iluk tekhogo isikhe mene omanogo hinonggoragub, e hu

MAZMUR 138:1

Daud en isikhe mene. Tuhan neisena, an he nendawinggenma mondogaren he Hat enek hai wathafi logogin. It kembu dewa inelokhoma andoma nen, An he Hat hobaget wuni fogethafu awuni ikhi logogin.

MAZMUR 51:15

A'nogo hilingnabumo an nen he, it weak hilingiri'lagwi mene andi inafe hebelasimbik inambotkwe hoba wesuagaluk, wene haren yaganisasigin mene andi fakhogo yagaisagain o.

LUKAS 10:27

ap a'nogo nen he, mel yagatikhe: ”At Musa nen he, Hinendawinggen inom, hinobabut inom, hinomame inom, hinebe inom mondogat misik a'luk, nineisena Tuhan Allah ebe andiat hinendawinggen hundik logoino o. Nen, ekhe re, Hit hinonggwarek hinebe hinendawinggen hundik welagep andi hak he, it afuni ekhe hinom welagep mene andi hinendawinggen hundik logoino o, iluk isikhemo lisu palek werek,” yagatikhe.

WAHYU 15:3

A'nogo logolik, at Musa Allah amingmingengge a'nogo awuni inom, Domba Eak a'nogo awuni inom, emberek inawuni wati logolik mel ikhi lagaikha: ”Allah nineisena, Hat homame hokhoma re, Yi mene ti mene hilingisu hagenek, Elalin mene hokhorogo inailo mene nek hilingitendek. Hat yi afuni ti afuni ineisena Henupogot logolik, Higithogo nek hilinginafendek, Fano nek hilinginafendek, Nineisena.

YESAYA 12:1

Lingge ekhe weinam asi wesigin meneba re, hiren wuni ikhi logolik: ”Tuhan, attak he Haren an noba hobaharo welagen, oba nen yogondak he Hat hobaharo a'nogo arat lombuk ikhe, Haren an nendawimo konnafi lagen ma re, an nen Hat hai wathafi lagi.

YESAYA 60:6

No unta o Median inom Efa inom omanogo mene nen he o haren ferinarek welagen kwe andoma huli'lipsek logogun. O Syeba nen he afuni nen no emas inom, kemenyan inom waluk waga logolik, Tuhan nen hilingiri'lago mene omanogo faget fogerasi wesugun.

MAZMUR 106:2

At Tuhan andungdang werek mene andi faget he ap sa nen waluk sagarik la hak nogo? nen ap sa hagen At obaget mondok higithogo foget fou hak nogo?

MAZMUR 9:14

Tuhan neisena! it afuni an naselei mene nen noba ou pourogo nek hilingnabi'lagwi mene andoma heilenggen nean o, An hendawi nealuk wa'lagaikharek meneba andoma nen fagaisogo wulak nobagaime o.