MAZMUR 89:1 - Allah Wene Fano Wene Hupla Inane

¹ Etan awi Ezrahi mene andi nen yanggulinafikhe awuni.

MAZMUR 89:1 Referans Kwoze

MAZMUR 101:1

Daud Awuni. Tuhan neisena, an he Haren hendawi hundik hilingnapluk, tiphogo hilingitik, katokhogo hilingitik, hilingiti lagen mene andi faget, wuni Hat fogethafu awuniba ikhi logogin o!

MAZMUR 119:90

Haren tiphogo nek hilingiti lagen mene a'nogo agam eti'lek yogondak huli nen hobuk huli andoma logogin, Harenat kweang talfesigin mene andi re abolok lek werek andi.

RATAPAN 3:23

o hubet hundik-handik andoma re ket mene nek hilingnobagali'logo, eberogo nenat Tuhan andi re tiphogo nek hilingiterek!

MAZMUR 89:8

Hat he it ekhe inebe fano horek welagaikharek mene omanogo inanggele'ma nen he legeisogo hobagaluk agaugwet hafarek, Nen it ekhe Hat hera'lukwe haningisogo welagaikharek mene omanogo nen inailot hafarek.

MAZMUR 89:33

iren wene taganet fogoin andi nen he, An nen wene inoba fembik enggin-fenggin inoba fagain o.

MAZMUR 36:5

At ebe nogoikherek oba omanogo nen he weak hilingitu mene faget wenggelherek, At obabut he fano hilingiterek mene ekhe werek lek, nen weak mene re nabit iluk herak fisikherek legat.

TITUS 1:2

At Allah nen, yi mene ti mene oan elalhi'lek logolik, nit afuni faget mel isikhe: ”Afuni an nen elalinabimbik he, inebe ineluk mondok logouwageluk, fano hilinginabigin,” iluk, abok isikhe andi, ”Eranen ikherek lek,” iluk ninendawimo eberek logolik, ebe wene yagaisikhi lago andi.

MAZMUR 106:1

At Tuhan andi re ebe fano mene logolik, Aren endawi hundik ninaferek mene a'nogo re etok mondok logoginmo re, At oba hai watu mondok logoni o.

MAZMUR 89:49

Nit afuni ninebe wa'lagi'lek ineluk mondok welagaikharek mene ekhe werek nogo? Afuni ninebe warek kweangma salinafi'lek welagaikharek mene ekhe werek nogo?

MAZMUR 92:2

Nineisena Tuhan, Hat hoba niren hai wathafu aple andi re eberogo nenat hai wathafi lago mene andi re eberogo nenat hai wathafi lago o. Nen Hat Lego Mondok welagen mene fogethafi lago mene andi re mondok fano o.

MAZMUR 71:8

An nen he hundik-handik Harenek fogethafu welagi o, nen lingge inukhogo re Hat hebe hanggiluk welagen mene a'nogo fogethafi lagi o.

MAZMUR 89:24

At aselei mene re inebe mondogat An nen wulil tagalogo leget fisagain. Nen at oba inapsiri wat fisili'lagwi mene andoma re An nen it inebe inoasigin.

MAZMUR 59:16

It inebe re nunggungge herarik yi kwe ti kwe omanogo leil warik nikhi la'luk he, inoba homot lagu legen he inane kouwati logolik werek.

MIKHA 7:20

Hagainafuri Abraham inom, Yakub inomen tagomangge mene andoma, ninombawi attak welagaukwaba honggwaregen henu hombuk palogo wene warisasigin andi nen he, Hat hebe it inoba hendawi hundik logolik he tiphogo hilingfisikhi logoino o, neisena.

YESAYA 25:1

Tuhan Hat he an neisena Allah welagen, an nen Hat legeisogo hobagakhi logolik, Hat henu fogethafi lagi. Haren hilingiti lagen mene andoma mondogat he elalin mene nek hilingiti lagen, Andiba re Haren o attak andoma nen wene melalogo fesigindik tiphogo nek hilingiti logolik welagen.

MAZMUR 88:11

Afuni warek mene inoba re Haren elalin mene ekhe hilingisu hak nogo? It ineluk a'luk Hat foget hafarek mene ekhe werek nogo?

1 TAWARIKH 2:6

At Zerah nen he againafuri inebe fuaben taginafikhe, inenu re Zimri inom, Etan inom, Heman inom, Kalkol inom, Dara inom, taginafikhe.

1RAJA-RAJA 4:31

At he hun Etan ap Ezrahi mene andi inom, Herman inom, Kalkol inom, Darda inom, hun Mahol againafuri andem inomen hebelek welagaukwa mene re sebelek kwelek he at Salomo nek he o kweang alekwe haningisogo welagaukwakwe andoma mondogaren at enunek lego welagaikhe.

1RAJA-RAJA 5:11

Nen at Salomo nen he afuni Hiram awi istana welagaukwa mene andoma inamburu nunggu mene faget he gandum 322.500 kilo nen inom nen zaitun amusu re 4.400 liter nen inom, tahun ebe lombok raja Hiram obaget fisaluk lakfisa laga lagaikhe.