MAZMUR 87:3 - Allah Wene Fano Wene Hupla Inane

³ Hit afuni Allah aiba kota welagep mene andi hinesanggo holini o. Hit hinawene mondok fano mene ikhi logolik he, mel ili'lago:

MAZMUR 87:3 Referans Kwoze

WAHYU 14:1

A'nogo yethigiri'mo nen, ombo'ne yethigi hak he, at Domba Eak a'nogo tom Sion oba mendek were'ma yethigi. Andi re, at ebe inom, it afuni inebe 144.000 nen, at Domba Eak inom, Eisena inom, emberek inenu it andi inebe lombok inelhaba lisu palek were'ma yerisigi.

YESAYA 61:3

it afuni o Sion werek mene inendawimo heiselhu welagik, fong watu welagik agarek mene omanogo inoba, hobuk inendawimo inagaiyek hikhi logouwagaluk fanorinafik, ”Ninggi'nogo hilingisugun he,” iluk inobakheindok palagarek mene andi, inendawimo fanorinafunem Allah awuniba fogerati logogun wene yagaisigik, uagaluk laknobai waga aro. It a'nogo yagaisamo, inebe re e Tuhan onggwarek enggi nen awi yate mene hangge logogun. A'nogo logolik, fano hilingitik, higithogo hilingitik, ugunem, Tuhan mondok legeisogo fikhi logogun.

YESAYA 59:20

Tuhan nen againafuri inoba ikhi logolik, ”An nen hit hinebe mondogat hinaweak oba nen hinobabut hebelugun mene o Sion oba andoma hinagap telogo hinobagaigiluk wesigin o.

YESAYA 12:6

Hit afuni o Sion oba welagep mene yoma sani, hinagaiyegeti logoni. Wuni hinagaiyek oba wati logoni. Israel mene ineisena Allah Mondok Horek mene andi re, Ombak-bak mondok werek, At ebe re hinanggele'ma werego, iluk wuni wati logogun.

MAZMUR 46:4

i laut ha'labu esinggen founalek lenggalek lakfei wesigin oba nen, a'nogo hilingiti logolik tom-tom omanogo erak kwerak isagain oba nen, nit he, ninendawinggen abolok igi'lek hambukhogo mondok logogun.

YEHEZKIEL 36:2

It Israel mene inom weim palek mene omanogo nen li'norinafi logolik he yi'nogo ili'lagwi: Tom-tom o attak mene omanogo yogondak he nit mene aga o, ili'lagwi.

YEHEZKIEL 5:5

Tuhan Omame Hokho mene a'nogo nen ikhi logolik, ”Kwelakhan, o kweangma mondogaren inom nen o kota ekhema-ekhema haningisogo werek mene andomaba nen inom he o Yerusalem yi re enggen tulem logouwageluk hilingisogo figi.