MAZMUR 86:11 - Allah Wene Fano Wene Hupla Inane

¹¹ Tuhan neisena, Hat hendawimo hagaiyek anggikhi lagen mene andoma an nen tiphogo hilingiti logogin nen he Haren yanggulnabin o, nen an nendawi abirengge nen Hat hawene melalek a'nogo futfuluk hilingiti logouwageluk hilingnobagakhi logoino o.

MAZMUR 86:11 Referans Kwoze

MAZMUR 5:8

Oba nen he Hat hendawi hundik mondok hokho mene hilingnafi lagen andiba re an Hat hawi wuri'mo elok kwi waga lagi. Hat Hawi Mondok Horek mene a'nogo fikhit neilenggen lourek logolik he neindep awi yagaisogo fogethafi lagi. Nen an nen nendawinggen mondok sebe uluk hapne wanhi lagi.

MAZMUR 119:33

Tuhan neisena, Haren wene tekhogo unggul warogo fesiginmo werek mene andi an nen o wurep kobokhogo andoma higithogo nek hilingiti logoiyogen he, Haren yaganeti logoin o.

MAZMUR 25:12

Tuhan nen he it afuni At Awene melalek futfuluk hilingitarek mene nek, it logoinkwe yagaisikherek.

AYUB 34:32

Hat haweak werek mene omanogo ebe weinam fakhogo yaganesuageluk he At oba yagaten a, lega? Haren hilingiti lagen mene a'nogo palfagain iluk he, hombuk palhen a, lega?

MAZMUR 27:11

Tuhan neisena, an naselei mene re inebe hokho pokhorogo werek andi nen he, Hat hendawimo nen an nen hilingi'lep anggikhi lagen mene andi re an inukniigik, kwe higithogo lagaikharek meneba halogo nobagai lagik, in o,

MAZMUR 26:3

An noba Haren hendawi hundik hilingnafi lagen mene andi faget hundik-handik wenggel hikhi logolik he, Hat hoba tiphogo nek hilingitu welagi.

2 YOHANES 1:4

Hit hinebe re, he misigat mene eagwi hangge logolik, hinebe ekhe nineisena Allah nen ebe wene komotninafikhe a'nogo higithogoat hilingiti lagep mene hinobabut palhirik, nendawimo nagaiyek hokhorogo hikhi lagi o.

MAZMUR 119:73

We Haren enek an nebe pugunhogo elalnafigin, Haren wene yi'nogo hilingiti logoino ti'nogo hilingiti logoino iluk werek mene andi yanggulikhi logoiyogen he, an wenggelhu mene wo'nom o.

KOLOSE 3:17

”Nineisena Allah nen wo'nisikherek andi ebe Yesus nenat wo'nisikherego,” iluk, Allah hai wati logolik: ”Ninoe Enupogot Yesus awe a'ma logolik hilingiti lago,” iluk, yi mene ti mene mondogat hilingisuogeluk, hinane yi mene ti mene faget uogeluk, at Yesus enu hombuk palogo hilingiti logoino o.

EFESUS 4:21

Hit at abok holhigipsik hinom hundik logolik, ebe wene Yesus hilingitikhe wene andi, yagahisasukwama wanhigip anggigi.

1 KORINTUS 10:21

Hit he, ninoe Enupogot agai hinago ninggik, munggwarengge obabut weak mene agai hinago ninggik, ugun mondok lego. Nen, ninoe Enupogot amburu nenggarek oba ninggik, munggwarengge obabut weak mene amburu nenggarek oba ninggik, ugun mondok legaro.

MALEAKHI 2:6

Iren he, wene weak mene yagaisigi'legengge eberogo mene nek yagaisikhi lagaukwa. It inebe re An ninom mondok horoksek logolik, henarogo hilingiti'legengge An nendawimo anggigirek mene nek hilingiti lagaukwa. Irenat he afuni hokhorogo nen weak hilingisinogo iluk komorinafi lagaukwa.

1 KORINTUS 6:17

Nit ninebe faget a'nogo hilinglagorek meneat he, ninoe Enupogot ninom huni'luk he, at ninom ninendawinggen misigat agorek andi.

MAZMUR 119:30

An he hane hologo hilingiti logogin iluk wenagaisogo fakhigirik he, Hat hawene melalek omanogoba nek ebet-ebet hilingiti lagi.

KISAH PARA RASUL 2:46

A'nogo hilingiti logolik he, inenggi ekhe kamo igi'lek hundik-handigat Allah awi wuri'mo andogotik, inendawimo inagaiyek hikhi logolik, inendawinggen sebelek logolik inailokwe sumburu inom kurogo ninggik, ikhi lagaukwa.

ZEFANYA 1:5

Afuni ekhe nen o tum oba lagaluk mo inom hesagalenggen inom apne wanugun iluk lagagarek mene andoma re An nen mondogat nenggi sabul horogo herakfisagain. Nen, ekhe it afuni nen An napne wanhik, tiphogo hilingiti logogin iluk inane hombuk palhik, ikhi logolik oba nen iren kembu dewa Milkom enu igisogo hombuk palharek mene andoma re An nen mondogat legetfisagain aro.

HOSEA 14:8

It hobuk inambotkwe noba wesimbik, nawe a'ma logogun. Logolik, inebe gandum yabumo yago mene muli fano agarek andi hak hilinglagik, anggur fano mene yabumo yago welagarek andi hak hilinglagik, e anggur amusu o Libanon mene enu fano lagarek hak inenu yi awi ti awi wialarik lagik, ugun.

2 KORINTUS 11:3

A'nogo meneat he, attagat at kisu a'nogo obabut lagokse'ma re, he Hawa lalhikhe hak, hit hinendawinggen misigat Kristus oba eberogoat himbiret fuluk at faget tegelek welagep mene it ekhe nen lalhinabugun andi nen he nailo ari'logo.

HOSEA 10:2

Yogondak he afuni henarogo hilingiri'lagwi mene andoma it inaweak onggo ambisangma hogoin. Allah nen he iren mezbah wuta mene andoma wolelenggenhogo lakfisambik iren tugwi kembu fogerari'lagwi kwe andoma meisalogo lakfisagain.