MAZMUR 85:7 - Allah Wene Fano Wene Hupla Inane

⁷ Haren nit lebetninafi lagen andiba nit hagainafuri ninagaiyek hikhi logogun nen he, Haren ninambotkwe ninomamet ninobagain o.

MAZMUR 85:7 Referans Kwoze

MAZMUR 91:16

An nen at ebe umur uanhogo wogotunem, at eluk ekhe inomat welagik, nen ebe telogo figik, ugunem ikhi logogin o,” iluk isikhe.

MAZMUR 50:23

Afuni nen wam yi mene ti mene warogo An nobaget fou hak he, ap andi nen An nalong anggaluk legeisogo nobagakhi logogin andi aro. Nen it ekhe kwe pikhithogo laga logogun mene andi inoba re, inagap telinabigin mene andi re An noba nen inugisikhi logogin o, iluk ikhe.

YEREMIA 42:12

An nen hit hinoba nendawit hinafi lagimo re An nen he raja Babel mene andi nen hit hinelagaik hisaluk endawit hinabimbik, hinaiba lani o, iluk yagahisoageluk hilingisigin o. Iluk An Tuhan nen nane mondogat igi o ikhe,” iluk yagaisigi.

YEREMIA 33:10

Tuhan ane ikhi logolik afuni nen he yi'nogo ili'lagwi o ikhe, ”O yoma re leimo hak hilingik, afuni ogo yi mene ti mene eluk werek mene ogo ekhe werek lek iluk ili'lagwi. Nen iren a'nogo ili'lagwi andi re eberogo nenat, andi re o Yehuda ba kota omanogo inom, o Yerusalem kwebene omanogo inom mondogat he tiring terengse'ma re, nen afuni ogo eluk-elugengge ogo andoma ekhe werek legat.

YEREMIA 33:11

Oba nen he o andoma bene re inane inagaiyekhogo agarek mene inom, inamolorogo agarek mene inom, afuni iginafi logolik inane agarek mene inom, holhi logogun. Nen afuni nen An nobaget hai warogo noba waluk lagu mene iluk inangge fugu mene waluk laga logolik wuni ugu mene ogore inesanggo holhi logogunat. Iren ikhi logolik, ”Tuhan Omame Mondok Hokho mene andi oba hai wasuok, At mondok fano logolik endawi hundik oba nek hilinginaferek mene andi re etok mondok logogin mene hilingi'mo re oba hai wasuogo ikhi logogun. O kweang yiba re An nen attak hilingik welaga hak sik-pikhogo hilingfagain o. Iluk An Tuhan nen nane mondogat igi,” ikhe.