MAZMUR 85:2 - Allah Wene Fano Wene Hupla Inane

² Tuhan nineisena, Hat he honggwarek hanggweang faget hendawirek logolik it afuni Israel mene inoba hilingik welagaukwa mene a'nogo Haren ambotkwe fanot fisegen.

MAZMUR 85:2 Referans Kwoze

MIKHA 7:18

Nineisena Allah, Hat hemberek higit mene ekhe werek lek, it hagainafuri fena werek mene inaweak hilingiri'lagwi mene omanogo haren sagalogo leget fisikhi lagen. Nen Hat he wene ninoba fuluk aninurogo welagen lek, oba nen hebekhogo re hendawi hundik hilingninafi lagen mene huli warek lek mene andiba hagaiyek ninoba fugu welagen.

KOLOSE 2:13

Hit attak he, hinagap endakwe faget hinenggalimo mene a'nogo palek lek, weak hilingitu mondok logolik he, hinebe warek hangge were'ma, at Allah nen nit weak hilingiti lagagu mene sebelogo legetfisasikhesik he, Kristus hinom hundigat were'ma hineluget hinafikhe andi.

MAZMUR 32:1

Afuni weak hilingitarek mene fakhogo fuluk, leget fogoin halok, inendawimo nen inagaiyek hikhi logouwago.

BILANGAN 14:19

Ma re, Haren hokhorogo hendawirinafik, yi'nogo hilinghinabigin, iluk wene wa'nisasigin higithogoat hilingninafik egendek andi nen, yogondak it afuni Israel mene o Mesir en herakfisaluk wulibi wesuageluk weak hilingiti lagaukwa mene sagalogo legetfisikhi lagagin andi hak, yogondak it weak hilingita mene andi sagalogo legetfisanogen iluk yagaheti o, neisena,” iluk yagatikhe.

KISAH PARA RASUL 13:39

Yi weak ti weak hilingitunem he, wene Allah nen Musa ayonggo fesikhesik komorinafikhe wene a'nogoba, korogo wokhogoin elo'lek meneat he, ninebe lombok ninendawinggen Yesus oba eberogoat himbiret foumo nek he, elok korogo wokhogoin werego.

YEREMIA 50:20

Andem sambul he Yehuda mene inom Israel mene inom he An nen afuni inagap telinabigin mene andoma inom inaweak horogo legetfisamo re, weak meneba nen mondogat horek mene logogun. Iluk An Tuhan nen nane mondogat igi o,” ikhe.

MAZMUR 78:38

Oba nen he, At Allah nen, At againafuri endawi hundik hilinginafi logolik, it inaweak onggorabethogo fisasikhe, nen it inebe mondogat leget fisasikhe lek. At a'mage hobugalep lagagu kwelek oba nen he hambuget hikhi lagaikhe, At anini lagaikherek mene a'nogo it inoba fikhi lagaikhe legat.

EZRA 1:2

”An he, hit afuni o Persia mene hinoe raja nenu Kores nen wene mel yagahisak: Tuhan Allah ebe pogoroba logolik, yi mene ti mene enggiba welagarek mene nen, an arat kweangma yoma yi awi ti awi mondogat faget inoe raja logouwagaluk menagaisogo nobagaikhesik, At ebe awi wuri'mo nen fogerati logogun oba, o Yerusalem afuni Yehuda mene inaiba andoma wusuageluk nayonggo fikhemo welagi o.

MAZMUR 126:1

Allah awi wuri'mo lagakhi logolik wuni watukwa mene. At Tuhan nen o Yerusalem a'nogo ambotkwe fanot fesikhemo, niren kwelakhasugu re inabi wokhugu mene hak hilingi'mo hasugu.