MAZMUR 84:5 - Allah Wene Fano Wene Hupla Inane

⁵ Nen it afuni Hat hawi wuri'mo logolik, hundik-handik wuniba fogethafik, hai wathafik, agarek mene andi re, ibi-eberogo nen he inendawimo inagaiyek hikhi logogun o.

MAZMUR 84:5 Referans Kwoze

2 KORINTUS 12:9

aren he: ”Hat lebelek halok he, an nomame hokhoatma hebe nendawithafirek mene a'nogo nen, elok fanothafi logogin o,” iluk yaganetikhe. A'nogo yaganetikhe andi nen, at Kristus omame an nendawimo nobagasikhe mene andiat logouwageluk he, an nebe lebelegat logolik, nendawimo nagaiyekhogo fogerakhikhi logogin o.

ZAKHARIA 10:12

An nen nagainafuri inomamet fisagain, andi nen he, iren An nane hologo hilingiti logolik An nobaget enek hilingitu logogun, iluk An Tuhan nen nane mondogat igi o.” isikhe.

MIKHA 4:2

A'nogo we'luk iren ikhi logolik, ”Nit he, afuni Israel mene ineisena Tuhan Allah aiba lagauwogen we'ni o. Lagaumo re, At ebe o Sion kota Yerusalem oba logolik, ane At againafuri yagaisigik, komorinafik, hilingiti logogin andiba re, Aren nit wene hilingiti logogun mene yaganisugunem, higithogo hilingiti logogun nen he, lagauwogen we'ni o,” iluk ikhi logogun.

MAZMUR 40:8

Andi nen an nen ikhi logolik he, ”Eberogo an waga lagi, buku yinggilik mene andiba re an nobaget palek werek.

FILIPI 4:13

At Kristus nen nomamet nafu kwelek andi nen he, yi mene ti mene weak agunem inom, fano agunem inom, higit logou hak enek.

YEREMIA 31:33

An nen nagainafuri Israel mene ninom wene ket mene wasugun mene andi ebere yi: An Nawene melalek a'nogo it inendawinggenma figik, inendawimo lisu palfisigik, igin o. An nebe re it ineisena Allah asigin, nen it he An nagainafuri asugun.

MAZMUR 55:14

Oba nen hat he an nagailak, namep mene, ninom horokhogo welago mene a'nogo nenat an eil nafi lagen o.

MAZMUR 42:4

Lingge hundik, hup hundik le mondok aga logolik, sumburu nenggarek andi hak, le filirogo aga lagi o. Hundik-hundik it naselei mene omanogo nen yaganeti logolik he, ”Heisena Allah ebe koma werek,” iluk yaganeri'lagwi.

YEREMIA 31:6

Eberogo nenat, hinenggi ekhe wesigin meneba re ap o kota kagalek werek mene nen Efraim tom oba nen humeti logolik, ”Nit he o Sion nineisena Tuhan Allah ambit lagauwogen we'ni o, iluk ikhi logogun,” ikhe.

YESAYA 26:9

O hubanggo an nendawimo nen he Hat faget ebet-ebet hilingiti lagi, nen, o hubet agunem he Hat hoba eberogo weri'lago. Hobuk Haren afuni kweangma werek mene ayo wurogo hilinginabigin oba andi re, afuni kweangma mene nen he eberogo mene re ebe yi aro iluk inelu asugun.

MAZMUR 122:1

Wuni Daud en watikhe mene Allah awi wuri'mo lagakhi logolik fogerati lagaukwa awuni. It afuni ekhe nen he, nineisena Tuhan aiba lagauwogen eme! iluk yaganetunem nesanggo holhiresik he, an nendawimo hokhorogo nagaiyegeti lagi.

MAZMUR 81:1

Afuni nen wuni wulak fuluk inebe seberogo ugunem yanggulinafarek mene faget, wuni unggulenu: Gitit andi bene higithogo. Asaf Awuni.

YESAYA 45:24

Afuni inane ikhi logolik, ”Katokhogo hilingiri'lagwi mene inom, inomame werek mene inom andoma re, Tuhan amu nenat wogisikherek iluk ugun!” Afuni mondogat inabit An noba fagarek mene re hobuk An nambit waga logolik inenggali hilik-hilik wesugun o.

MAZMUR 65:5

Nit Hat haiba logouwagaluk, wenagaisogo ninayonggo fesigin mene, Hat honggwarek hawi wuri'mo, Hebe welagen oba andoma, yi mene ti mene wogisugunem, inalabut ninghogo nenggarek hak, Haren fano mene wo'nisugunem, oba heilarogo logolik, ninendawimo ninagaiyek hikhi logogun o.

MAZMUR 134:1

Samban uogeluk lagakhi logolik wuni ikhi lagaukwa awuni. Yago, hit Tuhan amingmingengge mene hinebe mondogat inom, o hubanggo At Awi wuri'mo andoma wene faget andogoti lagep mene hinebe mondogat inom, Tuhan fogerasubagaigen we'ni o.